C'eysun 3:12 - Udi

¹² Buxačuğon pine: «Zu vaxunzu. Hun azuk'a Misirəxun c'evk'it'uxun oşa me ganu Za bul k'os'balnan. Moval və̌ynak' nišan bakale ki, va yaq'abiyo Zuzu».

C'eysun 3:12 Iomraidhean Croise

Burqesun 15:1

Sa heq'ədər vədə oşa Q'ončuğon Avrama ak'eśi pine: «Avram, q'ı̌maba! Va Zuz q'orişbsa, vi Bezi əyiten taysuni əvəzəl q'at-q'at haq'alnu».

Burqesun 15:8

Avramen xavare haq'i: «Ay bez Buxačux bakala Q'ončux, hetər avabakoz p'oy zu me oç̌alxoy ene bez baksuna?»

Burqesun 26:3

Miya çurpa, Zuval vaxun bakoz, va xeyir-bərəkət tadoz. Vi bava Avrahama tadi əyiti loxol çurk'oz Zu, me oç̌alxoval bito vi bakale, vaxun törəyinşakit'oğo mandale vi həysə çurpi ganxo bito!

Burqesun 31:3

T'e vədə Q'ončuğon İak'ova pine: «Vi bavay t'ǒğǒl, vi c'eri gala qaybaka. Q'ı̌maba, Zu dim vaxun bakoz!»

Ǐvel mə̌ğurxo 86:17

Avabakest'a za bezi Vi ük'el basksuna, Barta mot'o za nifrətbalt'oğonal ak'eq'at'un, Barta Vi za kul boxost'una, za ük' tast'una ak'i ot'p'eq'at'un, ay Q'ončux!

C'eysun 18:5

Yet'ronen şot'oğo ams'i oç̌ala, Moiseyi Buxačuğoy buruğoy tumel çurpi galane eçeri.

C'eysun 3:1

Moiseyen t'e vədə iz q'ayinba, Midyani běyinš bakala Yet'roni sürünəne otarişbsay. Sa kərəm şot'in sürünə ams'i oç̌ali lap t'e bel taşeri hari Buxačuğoy burux bakala Xorevi t'ǒğǒle c'eri.

C'eysun 3:13

Moiseyen Buxačuğo pine: «İsrailluğoy t'ǒğǒl taśi "za ef t'ǒğǒl yaq'abiyo ef bavoğoy Buxačuxe" uk'ayiz, şot'oğonal zaxun xavar haq'es bat'unkon ki, "p'oy Şot'ay s'i hik'ə?" T'e vədə zu k'ə uk'az?»

C'eysun 33:14

Q'ončuğon isə Moiseya coğabe tadi: «Zu vaxun bakoz. Hunal Zaxun irəətluğ bə̌ğə̌balnu».

C'eysun 4:12

Həysə isə taki! Zu va köməyboz, vi k'ə upsun lazımesa va zomboz».

C'eysun 4:15

Vi viçəxun exlətp'a, k'ə upsun lazımesa, şot'o upa. Və̌n p'rannanal əyitk'at'an Zu və̌x köməyboz, k'ə bsun lazımesa zomboz.

C'eysun 8:27

Təə, yan beşi Buxačux bakala Q'ončuğoynak' İz pi k'inək', memiin c'eri ams'i oç̌ala xib ğiluğ yaq' taśi t'et'iya q'urban eçalayan».

Ams'i oç̌ala 16:28

Moiseyen pine: «Mone, zu bito me əşurxo bez beynə təə, ama Q'ončuğoy tapşuruğen bsuna metər avabakalnan:

Ams'i oç̌ala 23:21

İak'ovi nəsileynak' q'ı̌ tene bu, İsrailluğoy belxun sa popal tene bital! Şot'o görə ki, içoğoy Buxačux bakala Q'ončux içoğoxune, Şot'ot'un padçağ pi k'ale!

Mat'fey 28:20

Zu və̌x tapşurbi hər şeya bex p'ap'espsuna şot'oğoval zombanan. Ef eyexun ma c'evk'anan, Zu me dööri axıral śirik' hər ği və̌xunzu».

Mark 16:20

Şagirdxon isə taśi hər gala Mǔq Xavara karoozt'unbsay. Q'ončuğonal şot'oğo köməyebsay, şot'oğoy karooza möcüzəlü nišanxon təst'iğebsay.

Ap'ost'olxo 11:21

Q'ončuğoy kul içoğoy loxol baksuna görə isə me Mǔq Xavara ibakit'oğoy gelet'ine İsusa Çark'est'al k'inək' q'abulbi.

Ap'ost'olxo 7:7

Buxačuğon saal pine: "Ama şot'oğo k'ul k'inək' əşp'est'alt'oğoy cazina tadoz, t'e vədə t'et'iin c'eri hari Za miya bul k'os'balt'un".

Əbraniğo 13:5

Təngin qoşt'an ma t'it'anan, efi bakalt'uxun irəzi bakanan, Buxačuğoy pit'u ef eyexun ma c'evk'anan: "Va sal sa vədine tək bartezk'on, Va barti tatezğon".