C'eysun 17:2 - Udi

² T'e vədə azuk'en Moiseya "yax xe tada, yan xenezayan" pi p'urum şikəətbsane burqi. Moiseyen şot'oğo pine: «Het'aynak'nan za taxsırkər bsa? Het'aynak'nan Q'ončuğo sinəyinşbsa? Yəni Q'ončuğo ext'ibər tenanbsa?»

C'eysun 17:2 Iomraidhean Croise

Ǐvel mə̌ğurxo 106:13

Ama boxoy tene zapi şot'oğoy věbaksunen, Samal oşa p'urum eyexun c'evt'unk'i Q'ončuğoy bit'oğo, Portp'es tet'un baki Şot'ay əyit tadiyorox hari bex c'eğamin.

Ǐvel mə̌ğurxo 106:14

Yeq' uksune çureśi şot'oğoy ük'en t'e ams'i oç̌ala, Buxačuğot'un sinəyinşi şot'oğon, Şot'ay içoğoxun baki nu baksunat'un aksun çureśi t'e xam gala.

Ǐvel mə̌ğurxo 78:18

Buxačuğoy hər şeya başarbsunaxunt'un şüpələyinşaki, İçoğoy ük'exun c'ovakala ukunxo çuresunent'un sinəyinşi Şot'o.

Ǐvel mə̌ğurxo 78:41

Hər dəfəl Buxačuğoy kiyexun ayeğalt'oğoxun şüpələyinşaki T'ǒp'ěvt'unksay israilluğoynak' Ǐvel Bakalt'u!

Ǐvel mə̌ğurxo 78:56

Ama şorox p'urumal Buxačuğoy kiyexun ayeğalt'oğoxun şüpələyinşt'unbaksay, Ala Arśit'ay laxi yaq'en tet'un taysay, Şot'oxun ğaç̌eśi irəziluğa tet'un əməlbsay.

Ǐvel mə̌ğurxo 95:8

Merivina bakit'ullarik' inadkər ma bakanan! Massina, t'e ams'i oç̌ala

Ǐvel mə̌ğurxo 95:9

Efi bavoğon Bezi bit'oğo içoğoy piin ak'iyal bakayt'un, P'urumal Zaxun şüpələyinşt'unbaki, Bezi içoğoxun baki nu baksunat'un yoxlayinşbsun çureśi!

C'eysun 15:24

Azuk'en «k'ə ǔğěn?» pi t'ot'onepi, Moiseyi ç̌oyel əyitpsat'un burqi.

C'eysun 16:8

Oşa Moiseyen pine: «Və̌n metər avabakalnan ki, və̌x Misirəxun c'evk'iyo Q'ončuxe: me biyəsin Q'ončuğon və̌ynak' yeq', savaxt'an isə boşşamin šum p'ap'esp'ale. Şot'in ef t'ot'oltina inebaki. Yan şuyan ki? Ef t'ot'olti yaxun təə, Q'ončuğoxune».

C'eysun 17:7

Şot'in t'e gane s'iya Massa saal Merivane laxi, şot'aynak' ki, israilluğon t'et'iya Q'ončuğoxun t'ot'opi Şot'ay içoğoxun baki nu baksuna avabaksunt'un çuresay.

C'eysun 5:21

pit'un: «Barta Q'ončuğonq'an ef k'ə bsuna ak'i, ef cazina tadi! Və̌n yax faraoni q'a şot'ay sarayi amdarxoy piyes pisnanbi, yax bespseynak' içoğoy kiyel q'ılıncnan tadi».

Ams'i oç̌ala 14:2

Camaaten Moiseyaxun q'a Aaronaxun t'ot'opi metərt'un nexey: «Mot'oxunsa Misirə nəəl me ams'i oç̌ala p'uriyaniy!

Ams'i oç̌ala 14:22

əgər Misirə saal ams'i oç̌ala Bezi kalaluğa q'a ak'est'i nišanxo içoğoy piin ak'it'uxun oşaal Za nu věbaki, Bezi içoğoy arane baksunaxun vis' kərəm şüpələyinşakit'oğoxun saycoq'a bakayin

Ams'i oç̌ala 21:5

Şot'oğon Buxačuğoxun q'a Moiseyaxun t'ot'ot'unney: «Het'aynak'nan yax Misirəxun c'evk'i? Ams'i oç̌ala biseynak'? Nə xeya bu, nə šuma bu! Me hik'k'ala nu dərmən ukuni loxolal ene běğes teyan baksa!»

Mat'fey 4:7

İsusen şot'o pine: «"Vi Buxačux bakala Q'ončuğo sinəyinş maba" piyal śameśene».

Luk'a 15:12

Sa ği ğarmoğoy mis'ik't'in iz bava nexe: "Ay bava, vi var-dövlətəxun bez paynu koft'alt'u za tada". Bavanal iz var-dövlətə iz p'ə̌ ğare arane cöyebsa.

Luk'a 4:12

Ama İsusen şot'o metəre coğab tadi: «"Vi Q'ončux bakala Buxačuğo sinəyinşmaba" pine śameśe».

Ap'ost'olxo 15:10

T'e vədə mani s'iyennan beşiyal, beşi bavoğoyal tarades nu baki me yükə eçeri q'erəz millətəxun bakalt'oğo taradest'un çuresa? Buxačuğon İzi tərs ç̌oyaq'an ak'est'i pinan bsa mot'o?

Ap'ost'olxo 5:9

P'yot'ren şot'o pine: «Şor běğenan əyitə sabsunen Q'ončuğoy Urufa əfçiduği cazasuz mandalnan? Me eğalt'oğoy səsə inbaksa? Vi işq'ara oç̌alaxp'iyoroxe, qayt'unbaksa. İsə mone, va taşt'at'un eysa».

Əbraniğo 3:9

Şot'oğon t'iya q'ırx usen Bezi balt'oğo ak'iyal bakayt'un, P'urumal Zaxun şüpələyinşəki Bezi içoğoxun baki nu baksuna yoxlayinşbsunt'un çureśi.