C'eysun 11:5 - Udi

⁵ Misirə bakala bütüm süft'in ğar əyloxal biyale. Taxt'a arśi faraoni ğaraxun burqi kiin ding əşp'est'ala çuux nökəri ğaral śirik'. Heyvanxoyal süft'in ərkəy baloox biyale.

C'eysun 11:5 Iomraidhean Croise

Ǐvel mə̌ğurxo 105:36

Oşa bisune hari t'e ölkinə bakala k'ojin kala ğarmoğoy bitot'aynak', Nanay tapanexun c'eri çuresa insani, Çuresa heyvani süft'in ərkəy baloğoy sayco tene mandi Misirə!

Ǐvel mə̌ğurxo 135:8

Şot'in misirluğoy boş k'ə k'ojin kala ğar bunesa bitova besebi, İnsani eçeri süft'in ğar əyləxun burqi heyvani süft'in ərkəy balinal śirik'.

Ǐvel mə̌ğurxo 136:10

Şot'in misirluğoy boş k'ə k'ojin kala ğar bunesa besebi, Həmişəluğe Şot'ay nu badalbakala çuresun.

Ǐvel mə̌ğurxo 78:51

Bisune hari Xame nəsiləxun bakalt'oğoy k'ojin süft'in ğarmoğoynak', Nanay tapanexun c'eri çuresa insani, Çuresa heyvani süft'in ərkəy baloğoy sayco tene mandi Misirə!

C'eysun 12:12

Zu isə hat'e üşe misirluğoy loxol eğoz, şot'oğoy süft'in ğarmoğoval, heyvanxoy süft'in ərkəy baloğoval besp'oz. Zu Misiri bütüm buxačuxxo caza tadoz. Q'ončux Zuzu.

C'eysun 12:29

Üşeni qǐt'ust'a Q'ončuğon Misiri oç̌ala bakalt'oğoy bütüm süft'in ğarmoğo besebi, taxt'a arśi faraoni süft'in ğaraxun burqi zindana bakalt'ay süft'in ğaral śirik'. Heyvanxoyal süft'in baloox murdarebay.

C'eysun 13:15

Faraonen inadkərluğbi yax nu tərbat'an Q'ončuğon bütüm misirluğoy süft'in ğarmoğo, hamal şot'oğoy heyvanxoy bütüm süft'in baloğo besebi. Mot'o görəyan yan heyvanxoy bütüm süft'in ərkəy baloğo q'urban tast'a, beş süft'in ğarmoğoy gala isə sa eğeli, nəəl keçin balayan q'urban eşt'a".

C'eysun 4:23

Va pizu ki, Za bul k'os'bseynak' Bezi ğara tərba! Hun isə şot'o ten çureśi tərbsun. Mot'o görə Zu vi süft'in ğara besp'oz"».

Mat'fey 24:41

Kiin dən berxala p'ə̌ çuğoxun sunt'u ext'alt'un, soğo isə mandale.

Əbraniğo 11:28

Me věluğene Moiseya israilluğo pest'i ki, besp'ala angelen içoğoy nanaxun baki süft'in ğarmoğo maq'an laft'i pi, q'uziğo šampi şot'oğoy p'iya içoğoy ç̌omxoy alin alataq'at'un lə̌ə̌mdi.