C'eysun 1:9 - Udi

⁹ Şot'in iz azuk'a pine: «Běğanan, israilluyox içoğoy saya görə yaxun gele hamal zorbat'un.

C'eysun 1:9 Iomraidhean Croise

Burqesun 26:16

Avimelek'en için isə İsaak'a metəre pi: «Memiin c'eri tağayvax şaat'e bakon, şot'o görə ki, metər sa var-dövləti q'ončuğo beşi t'ǒğǒl efsun, yaxun zorbat'u eçeri beş boş bast'un upsune».

Burqesun 46:3

Oşa Buxačuğon metəre pi: «Zu Buxačuxzu, vi bavayal bul k'os'p'i Buxačux. Q'ǐmaba, arxayin taki Misirə, Zu t'etər booz ki, vaxun kala sa azuk' törəyinşakale t'iya.

C'eysun 5:5

Oşa faraonen pine: «Běğanan me ölkinə ef azuk'i say heq'ədəre, və̌n isə şot'oğo əşləxunbsunnan çuresa».

Məsəloox 14:28

Padçaği kalaluğ azuk'i geleluğaxune ak'esa, İz azuk' mal bakala padçağ isə hik'k'ale.

Məsəloox 27:4

Əcuğ amansuze, hirseyal běšinə̌mə haq'sun çətine, P'oy şot'oğoxun betər bakala paxılluğa hetəre portp'es bakon?

İak'ov 4:5

Ǐvel Śamen uk'alt'oğo eyex badanan: "Buxačuğon yax tadi Ǐvel Urufi çuresun t'etəre ki, İçuxun q'erəz şunesa nəəl het'unesa bul k'osbsuna biin extenest'a Şot'ay". Ef zənden me əyitmux hat'etəre śameśe?