Uvwerhe 4:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Isun rọye fon nọ imichọ e je fon nọ ameivie, oma rayen vwa bọdọ kerẹ irhu, erhuvwu rẹ oma rayen da họhọ oragha ro lo wrowro.

Uvwerhe 4:7 Iomraidhean Croise

ỌBE RẸ JOB 28:16

A sa vwẹ unu rẹ oro rẹ Ọfa vwo dje-e, vwẹ ibieragha ọghaghare vẹ i ri lo ghrẹnghrẹn.

ỌBE RẸ JOB 28:18

E rhe se ode rẹ ivie eyẹ evwarha ri lo wrowro-o, aghwanre ghare nọ irhu.

Une rẹ Ejiro 144:12

Jẹn emọ rẹ avwanre vwẹ emoha rayen họhọ urhe rọ riẹn rho te, emetẹ re avwanre kerẹ uchivwo rẹ ubienyẹ ra mare ke ebabọn rẹ ighẹn,

Une rẹ Ejiro 51:7

Reyọ ahworhẹ vwọ họ vwẹ ke me fon; họ vwẹ, ke me fon vrẹn imicho.

Ẹyano 24:10

ayen da mrẹ Ọghẹnẹ rẹ Izrẹl; vwẹ obotọ rẹ awọ rọye umukpe ra teyere ro lo kerẹ oragha, rọ họhọ ekpuyovwi rẹ odjuvwu na fikiridie ofiotọ gangan.

Solomon 5:10

Ọ ro je vwe na pha lukuluku wrowro, e vughe vwẹ asan rẹ uriori ihwe epha.

Solomon 5:15

Awọ rọye da họhọ ọgọ rẹ ishani, re mu kpahe usikẹ rẹ oro Erhuvwu rọye kerẹ Lebanọn, yoyovwi kerẹ igẹdu

Daniẹl 1:15

Oba rẹ ẹdẹ ihwe na vwọ gbare, a da rhe mrẹ nẹ oma rayen ri me yovwi, ayen je ma rho etoma nọ imighene ejobi re ria emu rẹ ovie na.

Iyẹnrẹ Esiri ri Luk 1:15

Kidie ọ cha rho vwẹ obaro rẹ Ọrovwohwo, ọ cha da wain yẹrẹ udi ọganga-an, kọ cha vọn vẹ Erhi Ọfuanfon, mrẹmrẹ nẹ evun rẹ oni rọye rhe.

Iguẹdjọ 13:5

kidie karophihọ nẹ, wọ cha mrevun wo che vwiẹ ọmọshare. Wọ vwẹ anrẹn te uyovwi rọye-e, fikiridie ọmọ na Ojigbo rẹ Ọghẹnẹ nẹ evun rhe; kọye cha rhoma sivwi Izrẹl nẹ obọ rẹ Philistia.

Iguẹdjọ 13:7

ẹkẹvuọvo ọ da ta kẹ vwẹ nẹ, Nighe, wọ cha mrevun wo che vwiẹ ọmọshare; eriyin na wọ da waini-i eyẹrẹ udi ọganga-an, emu ro jẹfuọn wọ riọ-ọ, fikiridie ọmọ na Ojigbo rẹ Ọghẹnẹ nẹ evun rhe re te ẹdẹ rẹ ughwu rọye.

Iguẹdjọ 16:17

Ọ da vwẹ iroro rọye ejobi phia kẹ aye na nẹ, A vwẹ arẹn te uyovwi mẹ-ẹ; kidie mẹvwẹ Ojigbo rẹ Ọghẹnẹ nẹ evun rẹ oni mẹ rhe. A da waren ẹto mẹ., ogangan mẹ ko che vrẹn nẹ oma mẹ, oma kọ cha lọhọ ovwẹ, ke me cha dia kerẹ ohwo ghevweghe.

1 Samuẹl 16:12

O de ji ohwo, ra reyọ rhe. E de no ọ pha tubie tubie, vẹ lbiẹro yoyovwi, o vwo erhuvwu gangan. Ọrovwohwo da ta, Vrẹn, vwẹ evwri ghworo; kidie ọna ọye.