Uvwerhe 2:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Inurhoro rọye kporo ro otọ; Ọ ghwọre o vwirhi egba rọye ovie vẹ isun rọye hẹ ohri rẹ ẹgborho na, urhi gbe herọ-ọ. Emraro rọye gbe mrẹ emramrẹ nẹ obọ rẹ Ọrovwohwo cha-a.

Uvwerhe 2:9 Iomraidhean Croise

Ivie rẹ Ivẹ 25:7

Ayen de hwe emeshare ri Zedikaya vwẹ irharo rọye, ayen de rhe yoghro ibiẹro ri Zẹdikaya no, ayen da vwẹ igoni karọ, ayen de muo kpo Babilọn.

2 Ikun rẹ Ivie 15:3

Kidie vwẹ ọke krekri Izrẹl vwo Ọghẹnẹ rẹ uyota-a, ayen ji vwo omamọ rẹ orherẹn ro yono aye-en, ayen ji vwo urhi-i.

Nehemaya 1:3

Ayen da ta kẹ vwẹ, ihwo ri ghwu chekọ vwe ubrakpọ yena re dje vabọ rẹ imu na e hẹ evun re ukpokpogho ve omẹvuọ, igbẹhẹ ri Jerusalẹm ekpoiro she, a je vwẹ erhanre torhẹ inurhoro rọye.

Une rẹ Ejiro 74:9

Avwanre mrẹ ekan re avwanre-e, ọmraro ọvuọvo gbe herọ-ọ, o gbi vwo ohwo vwe ohri re avwanre na rọ riẹn obo ro krite-e.

Aizaya 24:12

Orere na ejobi kua fiotọ re kakare, A teyọ inurhoro na ejobi guọghọ phihọ irhurhu.

Jerimaya 14:14

Ọrovwohwo da ta kẹ vwẹ, Emraro na vwẹ odẹ me mraro rẹ ofian, mi ji ayẹ-ẹn mi ji iji kẹ aye-en eyẹ ta kẹ aye-en, aroẹmrẹ rẹ ofian ayen mrẹ kẹ ovwan na, epha ri fiemu-u, vẹ ọphiọvwẹ rọ hẹ udu rayen.

Jerimaya 23:16

Enẹ Ọrovwohwo rẹ otuofovwi na tare, Wọ kerhọn rẹ eta rẹ emraro re mraro kẹ wẹ na-a, re ghwẹ iphiẹrohọ ifefe vọn wẹ oma na, emramrẹ re iroro rayen ayen ta na, ọ dia ọ ro nẹ unu rẹ Ọrovwohwo na rhe-e.

Jerimaya 39:2

vwẹ ẹgbukpe uhwọvo ri Zedikaya, vwẹ emeranvwe rẹne, vwẹ ẹdẹ rirhiri rẹ emeranvwe na, e de bru unu phihọ orere na.

Jerimaya 39:8

Ihwo ri Kaldia na da torhẹ uwevwi rẹ ovie na vẹ uwevwi rẹ ihwo na, ayen da ghwọrọ igbẹhẹ ri Jerusalẹm totọ.

Jerimaya 51:30

Egba rẹ ofovwi ri Babilọn fue ohọnre re, ayen da oma ji vwẹ ogba ọgangan rayen, ogangan rayen reri, ayen rhi hirhe phihọ eya, ẹdia rọye herọ tọrhẹ, a guọghọ itehru rọye nure.

Jerimaya 52:14

Unuofovwi ri Kaldia, vẹ olotu rẹ ohẹrhẹ re vẹ ọye gba herọ na, da guọghọ igbẹhẹ re yariẹ Jerusalẹm phihọ te otọ.

Uvwerhe 1:3

Juda kpo imu fiki re oma ẹlaghọ vẹ owian ọgangan, ohri rẹ ẹgborho na kọye ọ dia, ẹkẹvuọvo ọ sa mrẹ ẹdia rẹ omaerovwo-o, otu re vwọ tua djẹrẹ mu vwẹ evun rẹ uvwerhe rọye.

Uvwerhe 4:15

Wan nẹ etiyin! Ovwan re pha gbegbe na! ihwo ki kperẹ kẹ ayen; wan nẹ etiyin! Wan nẹ etiyin! We dje obọ te-e! Ayen de rhi hirhe phihọ ovwisunsun vẹ osoghoro; ihwo ke ta vwẹ ohri rẹ ẹgborho na, Ayen vẹ avwanre gbe dia kugbe ọfa-a.

Uvwerhe 4:20

Ẹnwẹn rẹ inwe rẹ avwanre ọ rẹ Ọrovwohwo vwẹ ọri ghworo na e de muo vwẹ ukpotọ rayen, ọ re avwanre ta kpahe nẹ, Otọ rẹ uhoho rọye avwanre cha dia vwẹ ohri rẹ ẹgborho na.

Izikiẹl 12:13

Ki mi che phi obriki mẹ rhurho, ufi mẹ ko muo, ke me reyọ rhe Babilọn vwẹ otọ rẹ ihwo ri Kaldia, yẹ ọ cha mrẹ-ẹ, ko ghwu vwẹ oboyi.

Izikiẹl 17:20

Ki mi phi obriki mẹ rhurho, ufi mẹ ko muo, ke me reyọ rhe Babilọn rhi vwo guẹdjọ fikiridie ọ shẹ vwẹ.

Izikiẹl 7:26

Ughwu kpahe ughwu, ekuvwie kpahe ekuvwie, ayen guọnọ emramrẹ vwẹ obọ rẹ ọmraro na, yẹ urhi re ghwrẹ vrẹn orherẹn abọ, aghwanre phiẹn ekpako na.

Hosia 11:6

Ọlọkọ kọ cha hra irere rayen, kọ guọghọ itehru rẹ inurhoro rayen, ko ghwọrọ ayen vwẹ evun rẹ ogba ọgangan rayen.

Hosia 3:4

Kidie emọ rẹ Izrẹl ke dia vwẹ ẹdẹ buebu ayen gbi vwo ovie-e yẹrẹ osu-un, ọ rhe vwo izobo e ze-e yẹrẹ uchivwo-o, ibuluku yẹrẹ utẹ-ẹ.

Emọs 1:5

Me cha guọghọ ogba ri Damaskọs, ki mi bru ihwo re dia Iyara rẹ Aven no kugbe ohwo rọ re uvie vwi Bẹnẹden; ihwo ri Siria ki kpo imu vwi kir, Ọrovwohwo na tarọ.

Urhi Rivẹ 28:36

Ọrovwohwo cha reyọ ovwan, vẹ ovie re vwo mu vwẹ enu rẹ ovwan na, vwo rhe ẹgborho re te owẹ te esẹ wẹn je riẹn dẹvo-o; Etiyin wọ da ga edjọ, e rẹ urhe vẹ e re elalọ.

Urhi Rivẹ 28:63

Kirobo ro je Ọrovwohwo ro vwo ru ovwan yovwi bu phihọ na, eriyin o ji je Ọrovwohwo ro vwo si emiovwo rhe ovwan rọ vwọ ghwọrọ ovwan, kọ djẹ ovwan kufia nẹ otọ rẹ ovwan ra dia na.

1 Samuẹl 28:6

Ọke ri Sọl vwo duotọ rọye vwẹ ọbọ rẹ Ọrovwohwo, Ọrovwohwo kpahe kẹẹ, vwẹ ẹvwerhẹ, eyẹ Utẹ, eyẹ emraro-o.