Uvwerhe 2:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Ọ guọghọ ogangan rẹ Izrẹl ejobi vwẹ evun rẹ ophu ọgangan rọye. O de si obọrhe rọye nẹ ayen oma vwẹ obaro rẹ ivwighrẹ; na, kọ torhẹ kere ogidi erhanre vwi Jekọp, ejobi kọ torhẹ riariẹ

Uvwerhe 2:3 Iomraidhean Croise

2 Ikun rẹ Ivie 34:25

Fikiridie ayen sen vwẹ ayen torhẹ insẹns kẹ ẹdjọ rere ayen vwọ kpare ovwẹ ophu fiki rẹ iruo rẹ obọ rayen, fiki rẹ ọtiọye na ki mi che ku ophu mẹ phihọ etinẹ na yẹ a gbe mrẹ ohwo ro fue-e

ỌBE RẸ JOB 16:15

Mi ko esisio vwo rhuo oma mẹ, e bru ogangan mẹ phihọ iwurhie.

Une rẹ Ejiro 132:17

Etiyin ki mi ru ighoro rọ da tan nẹ Devid rhe, mi gbe urhukpẹ ke ọ ra evwri ghworo na.

Une rẹ Ejiro 74:11

Die wọ vwọ da obọ wẹn ji, die wo vwo phi obọrhe wẹn phihọ agada?

Une rẹ Ejiro 75:10

Ighoro rẹ ohwo umwemwu ejobi ka nyavwe ayen kufia, ẹkẹvuọvo ighoro re ọvwata ka kparo kpenu.

Une rẹ Ejiro 75:5

Wọ gbe kpare ighoro wẹn kpenu-u, wọ rha ta ota re arueyivwọ phi ohọre-e.

Une rẹ Ejiro 79:5

Mavọ o krite, E Ọrovwohwo? Rẹ ivun vwo miovwo uwe bẹdẹ? Ophu rẹ omẹriọ wẹn kọ ton kerẹ erhanre?

Une rẹ Ejiro 89:24

Esegbuyota mẹ vẹ ẹguọnọ ro jẹ rhẹriẹ na ko nene dia, vwẹ odẹ mẹ kọye a vwọ kpare ighoro rọye kpenu.

Une rẹ Ejiro 89:46

Mavọ okrite, E Ọrovwohwo, ru wo vwo si oma wẹn nu bẹdẹ? Mavọ ophu wẹn torhẹ kerẹ erhanre krite?

Aizaya 1:31

Ọgba kọ cha dia kerẹ oma, iruo rọye kọ sa unwe, ayen ivẹ ke cha tọn kugbe, o gbi vwo ohwo ro fuẹ aye-en.

Aizaya 42:25

Etiyin o de ku ọtotorhe rẹ ophu rọye kuo kugbe ẹgba rẹ ofovwi rọye, ọ da vwe erhanre riarie phihọ, ẹkẹvuọvo yo riẹnre-e, ọ torhẹre, ẹkẹvuọvo ayen se roro mrẹ-ẹ.

Jerimaya 21:14

Obo rẹ omamọ rẹ iruo rẹ ovwan teri mi che ru ovwan dja te, eriyin Ọrovwohwo tare, Mi che koko erhanre phihọ aghwa rọye, kọ cha torhẹ emu rọ yarierẹ phihọ ejobi.

Jerimaya 4:4

Yanvwẹ oma rẹ ovwan kẹ Ọrovwohwo na, we si ohọrọ rẹ obenu na nẹ udu rẹ ovwan, E eshare ri Juda vẹ ihwo re dia Jerusalẹm; ophu mẹ da rhe torhẹ kerẹ erhanre, ọ da la a sa mrẹ ohwo ro fue-e, fiki rẹ uruemu umwemwu rẹ ovwan na.

Jerimaya 48:25

Ighoro ri Moab e bru ayen kufia, ugbobọ rọye vwirhiri, eriyin Ọrovwohwo na tare.

Jerimaya 7:20

Vwẹ ọtiọye na enẹ Ọrovwohwo Ọghẹnẹ na tare: Nighe, mi che ku ivuemiovwo mẹ vẹ ophu mẹ phihọ etinẹ na, phihọ enu rẹ ohwo vẹ eranvwe, phihọ enu rẹ irhe rẹ aghwa vẹ emamọ rẹ otọ na, ọ cha la e se fuo-o.

Uvwerhe 1:13

Obenu ọye erhanre rọye nurhe, rhe ro ibeku mẹ, rọ tuan kpotọ O da riẹn obriki rhurhu awọ mẹ, O de ku vwe rhẹriẹ, O da nẹrhẹ ovwẹ ghwu mudia, mi de shero vwẹ ẹdẹ na ejobi.

Uvwerhe 4:11

Ọrovwohwo da kpa ophu rọye rhe, o de ku ọtotorhẹ rẹ ophu rọye kuo, o de koko erhanre phihọ Zayọn, rọ torhẹ ichivwo rọye.

Izikiẹl 13:13

Fiki rẹ ọtiọye na enẹ Ọrovwohwo Ọghẹnẹ tare: Me cha vwẹ odju rẹ ogiribo cha vwẹ ophu mẹ, osio rẹ oghwe kọ cha rhọ vwẹ ivuemiovwo mẹ, ibieragha ride rẹ ophu mẹ ke guọghọ.

Izikiẹl 7:14

Ayen hworo owanre ayen choma ejobi nure; ẹkẹvuọvo ọvuọvo kpo ofovwi-i, kidie ivuemiovwo me o hẹ enu rayen ejobi.

Nahum 1:6

Ono ri se mudia hẹrhẹ ophu rọye? Ono se chirako rẹ ọrhorho rẹ ivuemiovwo rọye? Ọ kpare ophu rọye ku kerẹ erhanre, o de hwe eragha na ibribro.

Malakae 4:1

Gbe nighe, ẹdẹ cha, ọ tuabọ kerẹ enyerhanre, ọke yena ihwo ri herẹ vẹ i ri ruẹ umwemwu ejobi ke cha dia kerẹ ehẹbẹ; ẹdẹ ro cha na kọ cha torhẹ ayen ejobi, eriyin Ọrovwohwo rẹ otuofovwi na tare, ọtiọye na o gbi che jẹ o vwo owọ eyẹrẹ eghọ-ọn.

Iyẹnrẹ Esiri ri Luk 1:69

ọ kpare ighoro rẹ esivwo kẹ avwanre vwẹ uwevwi ri Devid odibo rọye,

Iyẹnrẹ Esiri ri Luk 3:17

Adjudju hẹ obọ rọye, kọ nabọ hwerhe utuwevwi rọye kakare, ka ghwa eka rọye kpo erhu, ẹkẹvuọvo iphopho ri chekọ ka torhẹ ayen vwẹ erhanre ri bẹdẹ.

Urhi Rivẹ 32:22

Kidie ophu mẹ koko erhanre phihọ nure, ọ cha torhẹ ọ rọ hẹ evun re obo Erivwi. ọ cha ghwọrọ akpọ vẹ ebuo rọye ejobi, ko phi erhanre phihọ uchivwo rẹ igbenu ejobi.