Joshua 9:24 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁴ Ayen da kpahe kẹ Joshua, Fikiridie a tarọ kẹ idibo wẹn gbagba nẹ Ọrovwohwo Ọghẹnẹ wẹn ji urhi kẹ Mosis odibo rọye nẹ ọye vwẹ otọ na ejobi kẹ, nẹ ọ rha ghwọrọ ihwo re dia otọ na ejobi no kakare, oshọ rẹ arhọ rẹ avwanre kọye ri mu avwanre, vwọ ru emu nana.

Joshua 9:24 Iomraidhean Croise

ỌBE RẸ JOB 2:4

Etiyin Ẹdjọ da kpahe kẹ Ọrovwohwo, Ohọroma a vwọ hwa osa rẹ ohọroma! Obo rẹ ohwo vwori ejobi ọ vwọ hwa osa rẹ urhuarho rọye.

Matiu 10:28

Ovwan djẹ oshọ rẹ ohwo ro se hwe ugboma-a, ẹkẹvuọvo wa djẹ oshọ rẹ ohwo rọ se hwe ẹnwẹn.

Joshua 10:2

oshọ de muo gangan, fikiridie Gibeọn orere rode, kerẹ ọvo vwẹ orere rẹ ivie, ọ ke rha rho nọ Ai, ihwo rọye ke je dia egba.

Joshua 2:11

Rẹ avwanre ghwe vwo nyo, udu rẹ avwanre da wran, udu de nẹ avwanre awọ, fiki wẹn, kidie Ọrovwohwo Ọghẹnẹ wẹn ọye Ọghẹnẹ rọ hẹ obenu rẹ odjuvwu kugbe obotọ rẹ akpọ na.

Joshua 2:9

ọ da ta kẹ ihwo na, Me riẹnre nẹ Ọrovwohwo na phi otọ na phihọ ovwan obọ nure, nẹ oshọ ro ovwan ko di muẹ avwanre kpakpa, ihwo rẹ orere na wranre kakare.

Joshua 6:21

Ayen da vwẹ obọ te otọ vwẹ ọlọkọ guọghọ obo re hẹ orere na ejobi, te eshare te eya, te ighele te ekpako, irhuẹn, igodẹ, kugbe ekẹtẹkẹtẹ.

Joshua 9:9

Ayen da ta kẹ, Orho oshesheri ọye idibo wẹn nurhe, fiki rẹ odẹ rẹ Ọrovwohwo Ọghẹnẹ wẹn; kidie avwanre nyo usi rọye, kugbe obo ro ruru vwẹ Ijipt,