Joshua 9:21 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²¹ Isun na da ta kẹ ayen, Jẹn ayen vwo re ayen dia. Ayen de rhi hirhe phihọ otu ri du irhe kugbe otu ri vo ame kẹ ukoko na, kirobo re isun na ta kẹ ayen.

Joshua 9:21 Iomraidhean Croise

Jerimaya 46:22

O kperi kerẹ ọrọdekọ ro kpanọ yanran, kidie ivwighrẹ rọye chihẹ nene gangan, a vwẹ ishurhe yan kpahọ, kerẹ ihwo ri she irhe.

Urhi Rivẹ 29:10

Ovwan ejobi mudia vwẹ obaro rẹ Ọrovwohwo rẹ Ọghẹnẹ rẹ ovwan nonẹ na rẹ Igbuyovwi rẹ uvwiẹ rẹ ovwan, ekpako rẹ ovwan, kugbe inotu rẹ ovwan, vẹ eshare rẹ Izrẹl ejobi,

Urhi Rivẹ 29:11

imitete rẹ ovwan, te eya rẹ ovwan, vẹ ọrhorha re hẹ erhọn rẹ ovwan, itu ri she irhe kẹ ovwan kugbe iri vo ame kẹ ovwan,

Joshua 10:1

Ọke rẹ Adonizẹdẹk ovie ri Jerusalẹm vwo nyo nẹ Joshua reyọ Ai, nẹ ọ guọgherọ kakare, nẹ o ru kẹ Ai vẹ ovie rọye kirobo ro ru kẹ Jeriko vẹ ovie rọye, kugbe obo re ihwo ri Gibeọn vẹ Izrẹl vwọ rhuẹrẹ kugbe ke dia ohri rẹ ayen,

Joshua 9:15

Joshua vẹ ayen da rhuẹrẹ kugbe, ọ vẹ ayen da re ọphọ rere o je ayen dia; isun rẹ ihwo rẹ ukoko na de duvwu iyori kẹ ayen.

Joshua 9:20

Ọnana avwanre ru kẹ ayen, rere ayen vwọ rhọ, ọ rha dia eriyi-in ophu kọ dia uyovwi rẹ avwanre, fiki rẹ iyori rẹ avwanre vẹ ayen duvwu kẹ oma.

Joshua 9:23

Asakiephana ekan dia kẹ ovwan, evo vwẹ usun rẹ ovwan ke dia eviẹn bẹdẹ, iduirhe kugbe ivoame rẹ uwevwi rẹ Ọghẹnẹ mẹ.

Joshua 9:27

Ẹkẹvuọvo Joshua de ru ayen vwẹ ẹdẹ yena vwọ dia iduirhe vẹ ivoame rẹ ukoko na fiki rẹ agbada rẹ Ọrovwohwo na, rhiri rhi te ẹdẹ ri nonẹ, vwẹ asan ejobi rọ jereyọ.