Joshua 9:19 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁹ Ẹkẹvuọvo otu rẹ isun na da ta kẹ ukoko na ejobi nẹ, Avwanre vwẹ odẹ rẹ Ọrovwohwo Ọghẹnẹ rẹ Izrẹl na duvwu iyori kẹ ayen, asakiephana avwanre sa vwẹ obọ te aye-en.

Joshua 9:19 Iomraidhean Croise

Aghwoghwo 8:2

Yọnrọn urhi rẹ ovie, fiki rẹ iyori wo duvwu kẹ oma na, wo rhe jẹ ofu dje we-e,

Aghwoghwo 9:2

rọ vwọ dia urhiẹvwe ọvuọvo na ri bru ayen cha na, ọvwata vẹ oruimwemwu, emuesiri vẹ umiovwo, ẹfuọn vẹ ijẹfuọn, o zizobo vẹ ọ ro jẹ izobo eze. Kirobo rọ epha kẹ ohwo esiri, ọtiọye ọ je epha kẹ oruimwemwu; kirobo rọ epha kẹ ohwo ro duvwi iyori eriyin ọ je epha kẹ ohwo ro jẹ iyori e duvwo.

Jerimaya 4:2

Wo de duvwu iyori, kirobo rẹ Ọrovwohwo herọ na, vwẹ evun rẹ uyota, vẹ ọsoso kugbe ọvwata, irere na ejobi ki vwo ebruba vwẹ oma rọyen, vwẹ oma rọye kọye ayen de vwo urinrin.

Joshua 9:18

Ẹkẹvuọvo ihwo rẹ Izrẹl rhe hwe aye-en, fikiridie isun rẹ ukoko na vwẹ odẹ rẹ Ọrovwohwo Ọghẹnẹ rẹ Izrẹl na duvwu iyori kẹ ayen. Etiyin ukoko na ejobi de gu otu rẹ isun na.

Joshua 9:20

Ọnana avwanre ru kẹ ayen, rere ayen vwọ rhọ, ọ rha dia eriyi-in ophu kọ dia uyovwi rẹ avwanre, fiki rẹ iyori rẹ avwanre vẹ ayen duvwu kẹ oma.