Joshua 8:20 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁰ Ọtiọye na ọke rẹ ihwo rẹ Ai, vwo ni obuko, nighe, ivwirhi rẹ orere na de mu kpenu; ayen gbi vwo ogangan vwọ djẹ kpenẹ kpenẹ-ẹ; kidie ihwo re djẹ ro aghwa da rhoma vwọ tua ihwo re vwọ tua ayen.

Joshua 8:20 Iomraidhean Croise

Jẹnẹsis 19:28

ọ da kpare opharo ni Sodọm vi Gomora kugbe ishekpotọ na, nighe, o vwo ni, ivwirhi rẹ orho na de bru kpenu kerẹ erhanre re etu.

ỌBE RẸ JOB 11:20

Ẹkẹvuọvo oma ke cha rhọ ibiẹro rẹ ohwumwemwu idjerhe ra wan djẹ vabọ chọrọ ayen ẹro iphiẹrohọ rayen kẹ ughwu ọvo.

Une rẹ Ejiro 76:5

Ihwo vẹ udu kokoroko na aghwie udu na mie ayen, aycn de she ro ovwerhẹ; ihwo rẹ ofovwi na ejobi gbe sa vwẹ abọ rayen ru emuọvo-o.

Aizaya 34:10

Ason kugbe uvo dede e se fue-e, ivwirhi rọye ko bru kpenu bẹdẹ. Ne edje re te edje erhurhu kọye ọ dia bẹdẹ, ohwo ọvuọvo gbe sa wanvrẹn rhiri bẹdẹ-ẹ

Joshua 8:19

Ihwo re hwa phihọ na da ghwa vẹn nẹ aghwa rhe gidi gidi, rọ ghwa vwọ riẹn obọ rọye na, ayen da ghwa djẹ okpokpakpa ra ro evun rẹ orere na ayen da reyọ, okpokpakpa na ayen de ghwe phi erhanre phihọ orere na.

Joshua 8:21

Ọke ri Joshua vẹ ihwo rẹ Izrẹl ejobi vwọ mrẹ nẹ ihwo re hwa phihọ na reyọ orere na nure, nẹ ivwirhi rẹ orere na mu kpenu, etiyin ayen de rhivwi re hwe ihwo rẹ Ai.

Ẹvwọphia 18:9

Ivie rẹ akpọ na, ri duro na re vẹ ọye gbe gbe ọfanrhie na, ke viẹ ki beroma re da mrẹ ivwirhi rẹ ẹtorhẹ rọye;

Ẹvwọphia 19:3

Ọ da rhoma kuvwie, Hi Iye! Ivwirhi ro bruno rhe de ghworo kpenu rhiri.

Iguẹdjọ 20:38

Ọke nana eshare rẹ Izrẹl na da vwẹ oka phihọ otọ kẹ eshare rẹ ayen ghare phihọ aghwa na nẹ ọke rẹ ighorigho rode rẹ erhanre de guvwie kpenu vwẹ orere na

Iguẹdjọ 20:40

Ẹkẹvuọvo ọke rẹ oka rẹ ighorigho na vwo guvwie kpenu, vwẹ evun rẹ orere na, etiyin ihwo ri Bẹnjamin na de ni obuko rayen; nighe, orere na ejobi ko bru ighorigho kpenu.

Iguẹdjọ 20:41

Etiyin eshare rẹ Izrẹl na de rhoma rhe, oshọ de mu ihwo ri Bẹnjamin, kidie ayen mrẹre nẹ ughwu si kẹre ayen nure.