Joshua 8:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² ku wo ru kẹ Ai vẹ ovie roye kirobo ru wo ru ki Jeriko kugbe ovie roye, jokpa rẹ ekuakua rọye vẹ uchuru rọye ọvo wọ reyọ kẹ oma wẹn; ra hwa phihọ hẹrhẹ orere na, vwẹ obuko roye.

Joshua 8:2 Iomraidhean Croise

2 Ikun rẹ Ivie 13:13

Da yi Jeroboam ji ihwo nẹ a ra hwaphihọ hẹrhẹ ayen vwẹ obuko; e nẹ kọye unuofovwi vwọ hẹ obaro ki Juda, otu re hwaphihọ da hẹ obuko kẹ ayen.

2 Ikun rẹ Ivie 20:22

Ọke rẹ ayen vwọ so ine rẹ ayen vwo jiro re, Ọrovwohwo de ji ihwo ra hwa phihọ hẹrhẹ ihwo rẹ Ammọn, Moab, kugbe ihwo rẹ Ugbenu ri Seir, re rhe họnre Juda na, etiyin ayen da vẹn.

Une rẹ Ejiro 39:6

Omuẹro ohwo de ra yan kerẹ uhoho! omuẹro ayen di do ghevweghe; ohwo de ghwẹ koko, yọ riẹn ohwo ro che vwo aye-en!

Isẹ 13:22

Ohwo esiri ghwẹ jẹ uku vwo kẹ emọ vẹ ivwrọmọ rọye, ẹkẹvuọvo oruimwemwu kọn koko kẹ ọvwata.

Isẹ 28:20

Ohwo ro vwo esegbuyota che vwo ebruphihọ buebu, ẹkẹvuọvo ohwo rọ guọnọ efe rẹ okpakpa che fiabọ rẹ ehwe-e.

Jerimaya 17:11

Obo rẹ ọhohowa rhọghọ nẹ ọ sa aye-en na, eriyin ohwo rọ wa idjerhe umwemwu fe epha, vwẹ uherevie rẹ ẹdẹ rọye kẹ ayen yan jovwo, oba rọye ọ me rhe dia ẹkpa.

Jerimaya 51:12

Vwẹ aphiana tan kpahe igbẹhẹ ri Babilọn; jẹn ohẹrhẹ na gan vwẹ erhẹrotọ mu, jẹn ihwo hwa phihọ. Kidie Ọrovwohwo jẹ iroro na ọye ji ruo obo rọ tare kpahe ihwo ri Babilọn.

Urhi Rivẹ 2:35

eranvwe ọvo avwanre ghwẹ reyọ kẹ oma rẹ avwanre, ne evun rẹ irere rẹ avwanre phi kua na ejobi.

Urhi Rivẹ 20:14

ẹkẹvuọvo eya vẹ imitete na, te uchuru, vẹ emu kemu efa re hẹ evun rẹ orere na, ekuakua rayen ejobi, wọ ghwẹ ayen reyọ kẹ oma rẹ ovwan; wọ Me re ekuakua rẹ ivwighrẹ wẹn, rẹ Ọrovwohwo rẹ Ọghẹnẹ vwọ kẹ wẹ na.

Urhi Rivẹ 3:2

Ọrovwohwo da vuẹ vwẹ, nẹ, Wọ dje oshọ-ọ rọye-e; kidie te ọye vẹ ihwo rọye ejobi, kugbe otọ rọye, Mi phiro phihọ obọ wẹn nure; wo che ruo kirobo wo ruẹ Sihọn ovie rẹ ihwo rẹ Amọr rọ dia Hẹshbọn na.

Joshua 10:1

Ọke rẹ Adonizẹdẹk ovie ri Jerusalẹm vwo nyo nẹ Joshua reyọ Ai, nẹ ọ guọgherọ kakare, nẹ o ru kẹ Ai vẹ ovie rọye kirobo ro ru kẹ Jeriko vẹ ovie rọye, kugbe obo re ihwo ri Gibeọn vẹ Izrẹl vwọ rhuẹrẹ kugbe ke dia ohri rẹ ayen,

Joshua 10:28

Joshua da reyọ Makadah vwẹ ẹdẹ yena, ọ da vwẹ ọlọkọ nyavwọ vẹ ovie rọye hwe; ọ da ghwọrọ kohwo kohwo rọ herọ, o jẹ ọvuọvo vwo-o; o de ru kẹ ovie ri Makedah kirobo ro ru kẹ ovie ri Jeriko.

Joshua 11:14

Ekuakua rẹ Irere na ejobi kugbe ichuru re ayen, ihwo rẹ Izrẹl de mu ayen reyọ kẹ oma rayen, ẹkẹvuọvo ayen da vwẹ ọlọkọ hwe ohwo kohwo, bẹsiẹ rẹ ayen vwọ ghwọrọ ayen re, ayen yan jẹ obo re nwẹn vwo-o.

Joshua 6:21

Ayen da vwẹ obọ te otọ vwẹ ọlọkọ guọghọ obo re hẹ orere na ejobi, te eshare te eya, te ighele te ekpako, irhuẹn, igodẹ, kugbe ekẹtẹkẹtẹ.

Joshua 8:12

Ọ da reyọ ihwo kerẹ uriori iyori, ayen da hwa phihọ vwẹ uvwre ri Bẹtẹl vẹ Ai, vwẹ abọ ro kpo obuko ọnre vwẹ orere na.

Joshua 8:14

Ọke rẹ ovie rẹ Ai vwo mrẹ ọnana te ọye te ihwo rọye ejobi, ihwo rẹ orere na, de bru okpakpa rhe vwẹ irhiọke ride kpo obo ọghwrọrọ rọ kpo obo Araba ra vwẹ ofovwi so Izrẹl; ẹkẹvuọvo ọ rha riẹn nẹ a hwa phihọ hẹrhẹ vwẹ obuko rẹ orere na-a.

Joshua 8:19

Ihwo re hwa phihọ na da ghwa vẹn nẹ aghwa rhe gidi gidi, rọ ghwa vwọ riẹn obọ rọye na, ayen da ghwa djẹ okpokpakpa ra ro evun rẹ orere na ayen da reyọ, okpokpakpa na ayen de ghwe phi erhanre phihọ orere na.

Joshua 8:24

Ọke rẹ Izrẹl vwo hwe ihwo rẹ Ai ejobi nu vwẹ evun rẹ uphephẹ rẹ aghwa ra djẹ ayen ra na bẹsiẹ ra vwọ vwẹ ọlọkọ hwe ayen ọvuọvo nu, Izrẹl ejobi de rhivwi kpo Ai, ayen da vwẹ ọlọkọ ghwọrọ mu otọ.

Joshua 8:3

Etiyin Joshua de vrẹn, vẹ ihwo ri se phiẹ ofovwi ejobi, ayen de kpo Ai; Joshua da sanọ ihwo uriori ọgban ri yivwaro, o de ji ayen yanran vwẹ ason.

Joshua 8:7

etiyin ku we vrẹn nẹ asan wa hwa phihọ na rhe, ku wa ro orere na, kidie Ọrovwohwo Ọghẹnẹ wẹn che phio phihọ obọ wẹn.

Joshua 8:8

Ọke rẹ ovwan da reyọ orere na nu, ku we phi erhanre phihọ orere na, kirobo rẹ Ọrovwohwo tare na; nighere, mi ji urhi na kẹ wẹ nure.

Joshua 8:9

Etiyin Joshua de ji ayen yanran, ayen da yanran kpo asan ra da hwa phihọ na, ayen da hwa phihọ uvwre ri Bẹtẹl vẹ Ai, vwẹ obuko ọnre vwẹ Ai, ẹkẹvuọvo Joshua da dia ohri rẹ ihwo na vwẹ ason yena.

Joshua 9:3

Ẹkẹvuọvo ọke rẹ ihwo re dia Gibeọn vwo nyo obo ri Joshua ru kẹ Jeriko vẹ Ai,