Joshua 7:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Joshua da ta, Eghwo, E Ọrovwohwo Ọghẹnẹ, die wọ vwọ tobọ reyọ ihwo nana rhe ovrẹn ri Jọdan na vwo, wo rhi vwo phi avwanre phihọ obọ rẹ ihwo rẹ Amọr, re e rhe guọghọ avwanre? Yẹ manẹ ofori rere avwanre daji abọ oboyi ri Jọdan vwo!

Joshua 7:7 Iomraidhean Croise

Ivie rẹ Ivẹ 3:10

Etiyin ovie rẹ Izrẹl da ta, Eghwo! Ọrovwohwo se ivie erha nana rhe re o rhi phi ayen phihọ obọ ri Moab.

Une rẹ Ejiro 116:11

Me da ta vwẹ ọke re emu na ejobi vwo bi nyẹ vwẹ, Ihwo ejobi na iphiẹrohọ ofefe ghevweghe

Ẹyano 16:3

ayen da ta kẹ ayen, Manẹ kẹ avwanre ghwuru vwẹ obọ rẹ Ọrovwohwo vwẹ otọ rẹ Ijipt vwonẹ, ọke rẹ avwanre vwo tidia kerẹ evwẹrẹ rẹ eranvwe rẹ avwanre da re ikara vọn evun; etinẹ na wọ rọye avwanre rhe aton nana rere wọ rhe vwẹ owẹvwe hwe ukoko nana ejobi ghwu.

Ẹyano 17:3

Ẹkẹvuọvo urhuru rẹ ame de hwe ihwo na vwẹ etiyin, ihwo na de gun Mosis, ayen da ta, Die wọ vwọ reyọ avwanre nẹ otọ rẹ Ijipt rhe, rhe vwọ vwẹ urhuru rẹ ame hwe avwanre vẹ emọ rẹ avwanre kugbe uchuru rẹ avwanre?

Ukeri 14:16

Fikiridie Ọrovwohwo sa reyọ ihwo nana te otọ ro ve phihọ nẹ ọye vwọ kẹ ayen na-a, fiki rẹ ọtiọye na ọ vwọ teyọ ayen hwe vwẹ evun rẹ aton na.

Ukeri 14:3

Die sorọ rẹ Ọrovwohwo vwọ reyọ avwanre vwọ rhe otọ nana, rere a vwẹ ọlọkọ hwe avwanre? Eya rẹ avwanre vẹ imitete rẹ avwanre che ghwu kufia; o gbi rhe yovwi re avwanre rhoma rhivwi kpo obi Ijipt?

Matiu 17:17

Jesu da kpahe ọ da ta nẹ, Edje ri jẹ esegbuyota evwo, mavọ me vẹ ovwan dia kir te? Komavọ mi chirako rẹ ovwan te? muo rhe vwe.

Matiu 17:20

Ọ da ta kẹ ayen nẹ, fiki rẹ esegbuyota ọhanhanvwe rẹ ovwan na. Uyota me ta kẹ ovwan, We de segbuyota kerẹ emamọ rẹ uyerhie, kẹ ovwan ta kẹ ugbenu nana nẹ, Ghwie nẹ etinẹ kpo oboyi; ko ghwie; emu ọvuọvo gbe sa bẹn kẹ ovwa-an.

Hibru 12:5

Uche ro bru ovwan na ghwa chọrọ ovwan ẹro nure obo rọ vẹ ovwan jẹ iroro te kerẹ emọ na nẹ?– Ọmọ mẹ, wo nẹ uchebro rẹ Ọrovwohwo saka-a, eyẹ wo jẹ ivun miovwo uwe vwẹ ọke ra da ghwọ ku we-e.

Joshua 7:6

Etiyin Joshua da bẹrẹ emwa rọye, o de she bọvwọ opharo rhuotọ vwẹ obaro rẹ ekpeti rẹ Ọrovwohwo na rhiri re te ovwọnvwọn, te ọye te ekpako rẹ Izrẹl ejobi; ayen da ghwẹ ekpẹn ku uyovwi rayen.

Joshua 7:8

E Ọrovwohwo, kidie me ta, rẹ ihwo rẹ Izrẹl de chuko ku ivwighrẹ rayen.

Iguẹdjọ 20:23

Etiyin ihwo rẹ Izrẹl na da ra viẹ vwẹ obaro rẹ Ọrovwohwo na re te ọke rẹ ovwọnvwọn; ayen da ra nọ Ọrovwohwo nẹ, kẹ avwanre rhoma kpo ofovwi ra họnre imoni rẹ avwanre ihwo ri Bẹnjamin na? Ọrovwohwo da tanẹ, Ovwan ra họnre ayen.

1 Samuẹl 4:3

Ọke rẹ otuofovwi na rhi vwo te asan erhọn na, ekpakọ rẹ Izrẹl na da ta, Die sorọ rẹ Ọrovwohwo vwọ nẹrhẹ avwanre djẹ kẹ ihwo ri Filistia nonẹ na? E jẹn avwanre re mu ekpeti rẹ ọphọ rẹ Ọrovwohwo na nẹ obo Shiloh rhe etinẹ, rere ọ rhe ohri rẹ avwanre ro sivwi avwanre nẹ obọ rẹ ogangan rẹ ivwighrẹ.