Joshua 7:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Etiyin Joshua da bẹrẹ emwa rọye, o de she bọvwọ opharo rhuotọ vwẹ obaro rẹ ekpeti rẹ Ọrovwohwo na rhiri re te ovwọnvwọn, te ọye te ekpako rẹ Izrẹl ejobi; ayen da ghwẹ ekpẹn ku uyovwi rayen.

Joshua 7:6 Iomraidhean Croise

Jẹnẹsis 37:29

Ọke ri Rubẹn vwo rhivwi rhe asan ọgọdọ na rọ rha mrẹ Josẹf vwẹ etiyi-in, ọ da bẹre emwa rọye

Jẹnẹsis 37:34

Jekọp da bẹrẹ iwun rọye, ọ da vwẹ emwa rẹ uvweri rhuo, o de muomahọ kẹ ọmọ rọye ẹdẹ buebu.

2 Samuẹl 1:11

Devid da yọnrọn emwa rọye, ọ da bẹrẹ ayen, etiọye ji te ihwo ri nenire:

2 Samuẹl 1:12

Ayen de muomahọ, ayen da viẹ, ayen de chiri owẹvwe re duvwu ovwọnvwọn vwọ kẹ Sọl vẹ Jonaran rẹ ọmọ rọye kugbe ihwo rẹ Ọrovwohwo, kugbe vwọ kẹ uwevwi rẹ Izrẹl, kidie a vwẹ ọlọkọ hwe ayen.

2 Samuẹl 1:2

Vwẹ ẹdẹ rerha, nighe, ọshare ọvo de nẹ erhọn ri Sọl rhe, vẹ emwa rọye re bẹre vẹ ekpẹn vwẹ uyovwi rọye. Ọke ro vwo bru Devid rhe, o de she gberi otọ ọ da vwarọ.

2 Samuẹl 12:16

Devid da rẹ Ọghẹnẹ vwọ kẹ ọmọ na; Devid de chiri owẹvwe, ọ da ro uwevwi o de sherhẹ otọ diodi vwẹ ason ejobi.

2 Samuẹl 13:19

Tama da ghwẹ iwurhie ku uyovwi rọye, ọ da bẹrẹ ewun rọye ro ku phihọ, o de mu obọ kpahe uyovwi ọ da viẹ yanran.

2 Samuẹl 13:31

Devid vrẹnri ọ da bẹrẹ iwun rọye o de sherhẹ otọ; idibo rọye ejobi de mudia riariẹ vẹ iwun rayen re bẹrẹ.

Ivie rẹ Ivẹ 22:11

Ọke rẹ ovie na vwo nyo eta rẹ ọbe rẹ urhi na, ọ da bẹrẹ emwa dje oma.

2 Ikun rẹ Ivie 34:19

Ọke rẹ ovie na vwo nyo eta rẹ urhi na ọ da bẹrc emwa rọye.

Ezra 10:1

Vwẹ ọke rẹ Ẹzra vwọ nẹ ẹrhovwo rọ vwọ fan efanfan, rọ vwọ viẹ rọ vwọ vwẹ oma ghwiotọ vwẹ evun rẹ uwevwi rẹ Ọghẹnẹ, ọghwẹgbe rode rẹ eshare, eya, kugbe imitete de koko, bro nẹ Izrẹl ejobi rhe; kidie ihwo na viẹre gangan.

Nehemaya 9:1

Asakiephana vwẹ ẹdẹ uje gbẹ ẹne rẹ emeranvwe na ihwo re Izrẹl ejobi da rhe ghwẹ koko vẹ owẹvwe echiro vẹ emwa rẹ uvweri, vẹ ekpẹn ra ghwẹ kuhọ iyovwi rayen.

Ẹsta 4:1

Ọke ri Modekai vwo nyo obo re ruru na, Modekai da bẹrẹ emwa rọye ọ da vwẹ isiso rhuo o de broma phihọ iwurhie, o de kpo evun rẹ orere na, ko beroma ọ da viẹ gangan.

Ẹsta 4:3

Vwi kubrakpọ kubrakpọ, re de ghwoghwo urhi rẹ ovie na ejobi, omemuohọ rode kọ herọ kẹ ihwo ri Ju, vẹ owẹvwe echiro vẹ oviẹ vẹ omavwerhe, ayen buebu de shevwerhe esisio vẹ iwurhie.

ỌBE RẸ JOB 1:20

Etiyin Job de vrẹn ọ da bẹrẹ ewu rọye, ọ da wanre uyovwi rọye, o de she teye otọ, ọ da ga Ọghẹnẹ.

ỌBE RẸ JOB 2:12

Ọke rẹ ayen vwọ mrẹ vwẹ ogboko, ayen rhe vughe-e, ayen de she ugoroviẹ, ayen da bẹrẹ iwun rayen, ayen da ghwẹ ekpẹn kpenu ku iyovwi rayen.

ỌBE RẸ JOB 42:6

Ọtiọye na oma mẹ de tu vwe oma, mi de kurhẹriẹ broma phihọ otọ vẹ iwurhie.

Uvwerhe 2:10

Ekpako rẹ ọmọtẹ ri Zayọn tidia tẹ otọ fọ gbiei. Ayen tuẹ iwurhie ku iyovwi rayẹn, ayen da vwẹ isisio rhuo; Emetẹ ri Jerusalẹm gbe iyovwi rayen phihọ otọ.

Ukeri 14:6

Etiyin Joshua rẹ ọmọ ri Nun vi Kalẹb rẹ ọmọ ri Jefunneh, rẹ ẹvo vwẹ usun rẹ ihwo ri re dọrhẹ rẹ otọ na, da bẹrẹ emwa rayen.

Ukeri 16:22

Ayen de she bọvwọn epharo rayen rhu otọ, ayen da ta, E Ọghẹnẹ, Ọghẹnẹ rẹ irhi rẹ ihwo rẹ akpọ na ejobi, kẹ ohwo ọvo de ru umwemwu kọye wo vwo mu ophu kpahe ihwo rẹ ukoko na ejobi?

Ukeri 16:45

Vrẹn nẹ uherevie rẹ ihwo rẹ ukoko nana, rere me ghwọrọ ayen phẹrẹkpẹ. Etiyin ayen de she bọvwọn epharo rayen rhuotọ.

Iruo rẹ Iyinkọn na 14:14

Ẹkẹvuọvo ọke rẹ iyinkọn na Banabas kugbe Pọl vwo nyo, ayen da bẹrẹ iwun rayen ayen da họrhọ ro ohri rẹ urogho na, ri kperẹ nẹ,

Joshua 7:7

Joshua da ta, Eghwo, E Ọrovwohwo Ọghẹnẹ, die wọ vwọ tobọ reyọ ihwo nana rhe ovrẹn ri Jọdan na vwo, wo rhi vwo phi avwanre phihọ obọ rẹ ihwo rẹ Amọr, re e rhe guọghọ avwanre? Yẹ manẹ ofori rere avwanre daji abọ oboyi ri Jọdan vwo!

Ẹvwọphia 18:19

Ayen da ghwẹ ekpẹn ku iyovwi rayen, rẹ ayen vwọ viẹ muomahọ, kperẹ nẹ Eghwo, eghwo, wẹ orere rode na asan rẹ ihwo ri vwo ekọ vwẹ abadi da wan oma rọye fe! Vwẹ unọke ọvuọvo na a ghwọerọ kufia.

Iguẹdjọ 11:35

Ọke rọ vwọ mrẹ, ọ da bẹrẹ emwa rọye, ọ da tanẹ, Gwho, ọmọtẹ mẹ! wọ vwọ vwẹ kpotọ gangan, wẹ ọye ohwo ro me kpokpo uvwe; fikiridie mi rhie unu mẹ kẹ Ọrovwohwo na nure, me gbe sa rhẹriẹ ive mẹ-ẹ.

Iguẹdjọ 20:23

Etiyin ihwo rẹ Izrẹl na da ra viẹ vwẹ obaro rẹ Ọrovwohwo na re te ọke rẹ ovwọnvwọn; ayen da ra nọ Ọrovwohwo nẹ, kẹ avwanre rhoma kpo ofovwi ra họnre imoni rẹ avwanre ihwo ri Bẹnjamin na? Ọrovwohwo da tanẹ, Ovwan ra họnre ayen.

Iguẹdjọ 20:26

Etiyin otu rẹ ofovwi, rẹ ihwo rẹ Izrẹl ejobi na, da yanran ra viẹ vwẹ obi Bẹtẹl; ayen de tidia chiri owẹvwe vwẹ obaro rẹ Ọrovwohwo re te ọke rẹ ovwọnvwọn vwẹ ẹdẹ yena, ayen de ze izobo ra torhẹre kugbe izobo rẹ ufuoma vwẹ obaro rẹ Ọrovwohwo.

Iguẹdjọ 21:2

Etiyin ihwo na da rhe obi Bẹtẹl, ayen de tidia oboyi vwẹ obaro rẹ Ọghẹnẹ re te ọke rẹ ovwọnvwọn, ayen de kuenu rẹ oviẹ.

1 Samuẹl 4:12

Ohwo rẹ orua ri Bẹnjamin da djẹ nẹ unuofovwi na rhe, o de rhi te Shiloh vwẹ ẹdẹ yena ọvuọvo na, vẹ emwa rọye re bẹre vẹ ekpẹn rọ ghwẹ ku uyovwi.