Joshua 7:26 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁶ Ayen da kua etu rẹ eragha nyẹ rọ je herọ rhi te nonẹ na, etiyin Ọrovwohwo da kpare ophu ro muo na kufia. Kọye ji rhi te ẹdẹ ri nonẹ na e ji se odẹ rẹ asan na, Iyara rẹ Akọr.

Joshua 7:26 Iomraidhean Croise

2 Samuẹl 18:17

Ayen de mu Absalọm phihọ ọgọdọ rode vwẹ evun rẹ egbo, ayen da vwẹ eragha ma osusu rhurhu, Ihwo rẹ Izrẹl ejobi dohwo duwevwi rọye da djẹ ra.

2 Samuẹl 21:14

Ayen de shi ibeku ri Sọl vẹ ọ ri Jonatan rẹ ọmọ rọye e de shi ayen phihọ otọ ri Bẹnjamin vwi Zilah vwẹ ushi ri Kish rẹ ọsẹ rọye. Ayen de ru emu ejobi rẹ ovie ta kẹ ayen nẹ ayen ru. E vwo ru ọyena nu Ọghẹnẹ de nyo orẹ rayen kẹ otọ na.

2 Ikun rẹ Ivie 29:10

Asakiephana me jẹ iroro phihọ evun rere me vẹ Ọrovwohwo vwọ re ọphọ, Ọghẹnẹ rẹ Izrẹl na, rere ophu ọtuatua rọye na vwo bi nẹ avwanre oma.

Ezra 10:14

Jẹn otu rẹ iruiruo rẹ avwanre mudia kẹ ukoko na ejobi, jẹn kohwo kohwo vwẹ evun rẹ irere na rọ reyọ eya vwẹ otọ rẹ erhorha na, rhe vwẹ ọke re bruru na, rere ekpakọ vẹ iguẹdjọ re orere ọvuọvo vwọ ba ayen, bẹsiẹ rẹ ophu ọtuatua rẹ Ọghẹnẹ rẹ avwanre vwẹ oma rẹ ota nana vwo fue nẹ avwanre oma.

Une rẹ Ejiro 85:4

Vwẹ avwanre rhivwi rhe, E Ọghẹnẹ re esivwo rẹ avwanre, re wo se ivuemiovwo wẹn ne avwanre oma!

Ẹyano 32:12

Die sorọ rẹ ihwo rẹ Ijipt vwọ tanẹ Uvun umwemwu ọye ọ vwọ reyọ ayen rhe, rere o vwo hwe ayen vwẹ enu rẹ igbenu, rere ọ vwọ guọghọ ayen nẹ otọ rẹ akpọ na? Fue ophu ọrhorhorho wẹn na, rere wo je emu ọbrabra ru wo che vwo ru ihwo nana vwo.

Aizaya 40:2

Ta ota dẹndẹn kẹ Jerusalẹm, ru wo kperi kẹ tanẹ ofovwi rọye rere, nẹ a vwẹ orukuruku rọye ghovwo, nẹ ọ reyọ osa mie Ọrovwohwo ọhwọhwọ ivẹ fiki rẹ umwemwu rọye.

Aizaya 65:10

Sharọn kọ cha dia otọ re egbri keẹ uchuru Mẹ, iyara re Akọr kẹ asan rẹ ekru rẹ uchuru Mẹ che rhuẹ phihọ, vwọ kẹ ihwo Mẹ re guọnọ ovwẹ.

Uvwerhe 3:53

ayen do vwe ọkpokpọ phihọ ukpotọ ayen da vwẹ ibieragha phi vwe,

Hosia 2:15

Etiyin ke me vwẹ ogba ri vain rọye vwọ kẹ, ki mi ru iyara rẹ Akọ ẹchẹ rẹ iphiẹrohọ. Etiyin ọ de che nyo kerẹ ọke rọ vwọ hẹ emeghene, kerẹ ọke rọ vwo vrẹn nẹ otọ rẹ Ijipt rhe.

Hosia 2:17

Kidie mi si odẹ ri Baal nẹ unu rọye, e gbi se odẹ rayen ọfa-a.

Joẹl 2:13

rere wọ bẹrẹ udu wẹn ọ dia amwa wẹ-ẹn, Re wo rhivwi bru Ọrovwohwo, Ọghẹnẹ wẹn, kidie ọ vẹ ehrọre vẹ arodọvwẹ, ọ fobọ mu ophu-u, o vwo ẹguọnọ esiri gangan ọ kpare iroro vrẹn umwemwu.

Joẹl 2:18

Etiyin Ọrovwohwo da rhe rioma fiki rẹ otọ rọye, ọ da re ehrọre rẹ ihwo rọye.

Jona 1:15

Ọtiọye na ayen de mu Jona ayen do phihọ abadi na; abadi rọ họnra na da ghwa fọ riei.

Zekaraya 6:8

Etiyin o de kperi se vwe, nighe, e re yan hirhe aro ku orho rẹ obọhwẹre ọnre na nẹrhẹ oma fu Erhi Mẹ vwẹ orho rọ hẹ obọhwẹre ọnre na.

Ukeri 25:8

ọ da vwo kpaho ohwo rẹ Izrẹl na ra ro obo etan rẹ uvun rọye, o de duvwu ayen ivẹ na, ọshare rẹ Izrẹl na kugbe aye na, ivun fi. Enẹ kọye ọtiekọ na vwo fue nẹ ihwo rẹ Izrẹl oma.

Urhi Rivẹ 13:17

Wo gbi jẹ emuẹgha ọvuọvo tamu obọ wẹ-ẹn; rere Ọrovwohwo mrasa vwo kurhẹriẹ nẹ ophu ọgangan rọye, ro nẹ aruẹdọ wẹn, rọ rie ehrọre wẹn, ro ru we bu phihọ kirobo ro veri kẹ esẹ–ovwan na;

Urhi Rivẹ 13:18

we de nyo urhuru rẹ Ọrovwohwo Ọghẹnẹ wẹn na, vwọ yọnrọn irhi rọye ejobi ri mi ji kẹ wẹ vwẹ ẹdẹ ri nonẹ na, vwo ru obo ri shehọ vwẹ obaro rẹ Ọrovwohwo Ọghẹnẹ wẹn na.

Joshua 10:27

ẹkẹvuọvo rẹ ọnre vwo she kpotọ re, Joshua da ta kẹ ayen, ayen de si ayen nẹ irhe na te otọ, a da kpare ayen phihọ evun rẹ ẹmwa rẹ ayen de sioma nu vẹrhẹ na, ayen da vwẹ eragha ride gbe unu rẹ ẹmwa na, rọ je herọ rhi te nonẹ na.

Joshua 7:24

Te Joshua te ihwo rẹ Izrẹl ejobi da reyọ Ekan rẹ ọmọ ri Zerah, kugbe idọnọ na vẹ adagba na kugbe ubrogba rẹ oro na, kugbe emeshare rọye vẹ emetẹ rọye, irhuẹn rọye vẹ ekẹtẹkẹtẹ rọye vẹ igegede rọye, utughẹ rọye, kugbe obo ro vwori ejobi; a da ghwẹ ayen ejobi rhe iyara rẹ Akọr.

Joshua 8:29

O de churu ovie rẹ Ai si urhe re te ovwọnvwọn; rẹ ọnre vwọ she re Jọshua da ta ke ayen nẹ, a rhan orivwi rọye nẹ urhe na, rere e muo teye anurhoro rẹ ughere rẹ orere na, a da kua ekru rẹ ibieragha nyẹ, ro ji mudia vwẹ etiyin rhi te nonẹ na.