Joshua 7:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Izrẹl ru umwemwu; ayen chọ urhi rẹ ọphọ re me vẹ ayen rere; ayen reyọ usun rẹ emu ẹvo re vwo ze izobo na; ayen cho uji, ayen vwọrọ efian, ayen si ayen nu vwẹ ohri rẹ ekuakua rayen.

Joshua 7:11 Iomraidhean Croise

Ivie rẹ Ivẹ 18:12

Fikiridie ayen mu ọghọ kẹ urhuru rẹ ota rẹ Ọrovwohwo Ọghẹnẹ rayen na-a, ẹkẹvuọvo ayen da shariẹ ọphọ rọye vrẹn, eriyin ayen je chọ irhi ri Mosis odibo rẹ Ọrovwohwo na ji kẹ ayen; ayen kerhọ-ọn, eyẹ mu ọghọ-ọ.

Ivie rẹ Ivẹ 5:24

Ọke rẹ o rhi vwọ te ugbenu na, o de mie ayen eghwa na re o mu phihọ uwevwi, ọ da vuẹ ihwo na nẹ ayen gbe hirhe, ayen da yanran.

Aizaya 24:5

Ihwo rẹ akpọ na gbe akpọ na ku tughu tughu kidie ayen gbe irhi rọye ku, ayen de miovwo irhi na, ayen da ghwọrọ ọphọ ri bẹdẹ na.

Jerimaya 31:32

Ọ dia oghẹre rẹ ọphọ re me vẹ esẹ rayen rere vwẹ ọke me vwọ vwẹ obọ tẹtẹ ayen nẹ otọ rẹ Ijipt rhe na-a, ọphọ mẹ yena ayen miovwiro, dede na me je dia ọshare kẹ ayen vwẹ ọke yena, eriyin Ọrovwohwo na tare.

Hosia 6:7

Ẹkẹvuọvo ayen de miovwi ophọ mẹ kerẹ Adam etiyin ayen de ru vwe chọ.

Livitikọs 5:15

Ọ da dianẹ ohwo miovwo urhi rẹ esegbuyota rọ da vwẹ ugheghẹ ru umwemwu vwo gbe ẹgua vwẹ oma rẹ emu ọfuanfọn rẹ Ọrovwohwo na, gbe jo rhi ze izobo kẹ Ọrovwohwo na fiki rẹ oruchọ rọye, egbo ro vwo eka-an, wọ Me nabọ vwanvwọn vwẹ shẹkẹl rẹ idọnọ ọfuanfon, ọtiobo rẹ shekẹl rẹ ẹshẹ rẹ Ọrovwohwo na epha, kidie Ọnana izobo fiki rẹ oruchọ.

Habakọk 2:6

Enana ejobi na rha vwọ jehwẹ, rẹ ayen da mienu phihọ, tanẹ, Ekan kẹ ohwo rọ ghwẹ emu koko yẹ obo rọ ghwẹ koko na dia ọrọye-e– mavọ o krite?– ro de kru oghwa rẹ iviẹnwan nyẹ oma rọye!

Zekaraya 5:4

Mi che jo rhe, Ọrovwohwo rẹ otuofovwi na tare, kọ cha ro uwevwi rẹ oji, vẹ uwevwi rẹ ohwo rọ vwẹ odẹ Mẹ duvwa iyori rẹ efian; ọ cha dia uwevwi rọye ọ mẹ ghwọrọ, te ephapha vẹ eragha ejobi.

Matiu 22:21

Ayen da ta kẹ nẹ, I ri Siza. Ọ da ta kẹ ayen nẹ, A vwẹ ẹkẹn ri Siza kẹ Siza; re a vwẹ ọ rẹ Ọghẹnẹ kẹ Ọghẹnẹ.

Iruo rẹ Iyinkọn na 5:9

Ẹkẹvuọvo ọ da ta kẹ aye na nẹ. Die nẹrhẹ ovwan ro ẹguare kugbe vwọ davwe Erhi rẹ Ọrovwohwo ni? Kerhọn rẹ ichiyi rẹ ihwo ri shi ọshare wẹn vwẹ anurhoro na, ayen je cha ghwa wẹ yanran.

Urhi Rivẹ 17:2

Ọ da dianẹ a mrẹ ọshare eyẹ aye vwẹ ohri rẹ ovwan vwẹ evun rẹ irere rẹ Ọrovwohwo rẹ Ọghẹnẹ rẹ ovwan kẹ ovwan na, ro de gbe ọphọ na ẹgua,

Hibru 4:13

O vwo emama ọvuọvo ro sioma nu kẹ-ẹ, emu na ejobi rhie phihọ ghwroro kẹ ohwo rẹ avwanre vẹ ọye gbe yerẹ kuẹgbe na.

Joshua 23:16

ọ da dianẹ ovwan gbe ọphọ rẹ Ọrovwohwo Ọghẹnẹ rẹ ovwan na ẹgua, rọ vẹ ovwan rere na, wa da ra ga ẹdjọ efa we de digue tẹ otọ kẹ ayen. Etiyin ophu rẹ Ọrovwohwo kọ cha tua kpahe ovwan, ku wa ghwọrọ re nẹ otọ esiri nana rọ vwọ kẹ ovwan na.

Joshua 7:1

Ẹkẹvuọvo ihwo rẹ Izrẹl de gbe oma rayen ẹgua vwẹ oma rẹ ẹravwo re vwo ze na; kidie Ekan rẹ ọmọ ri Karmi, ọmọ ri Zabdi, ọmọ ri Zerah, ohwo rẹ orua ri Juda, da reyọ evo vwẹ eravwọ re vwo ze na; ophu rẹ Ọrovwohwo da tua kpahe ihwo rẹ Izrẹl.

Joshua 7:10

Ọrovwohwo na da ta kẹ Joshua, Vrẹn, die wo vwo she bọvwọ opharo rhuotọ?

Iguẹdjọ 2:20

Ọtiọye na ophu rẹ Ọrovwohwo da rhe tua phihọ kpahe Izrẹl, ọ da ta, Fikiridie ihwo nana ru umwemwu kpahe ọphọ mẹ ri mi ji urhi rọye kẹ esẹ rayen, ayen mu ọghọ kẹ urhuru mẹ-ẹ,

1 Samuẹl 14:38

Sọl da ta, Yanrhe obonẹ, ovwan isun rẹ ihwo na; we ni re wa riẹn obo rẹ umwemwu nana ru wan rhe nonẹ na.