Joshua 6:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Ihwo re choma rẹ ofovwi na da ka obaro kẹ irherẹn na ri hworo ewanre na, edje rẹ obuko da vwọ kpahe ekpeti na, yẹ ewanre na re se kọke kọke.

Joshua 6:9 Iomraidhean Croise

Aizaya 58:8

Ọke yena urhukpẹ wẹn kọ cha la phia kerẹ uvo, esivwo wẹn kọ cha va phia kpata kpata, ọvwata wẹn kọ cha ka obaro kẹ wẹ, urinrin rẹ Ọrovwohwo kọ ka ubuko kẹ wẹ.

Ukeri 10:25

Etiyin aphiana rẹ erhọn rẹ ihwo ri Dan, ro mu eghuvwu rẹ erhọn rẹ ihwo na ejobi, de mu oyan otuoto, ohwo ro vwo uyovwi vwẹ otu rayen na da dia Aleza rẹ ọmọ rẹ Ammishaddai.

Joshua 6:10

Ẹkẹvuọvo Joshua de ji urhi kẹ ihwo na nẹ, We kuvwie-e eyẹ we je nyo urhuru rẹ ovwa-an, eyẹ we jẹn ota ọvuọvo nẹ unu rẹ ovwan cha-a, rhiri re te ẹdẹ re me vwọ ta kẹ ovwan nẹ we kuvwie; kesiẹye we ki kuvwie.

Joshua 6:13

Irherẹn ighwrẹn re ghwa ewanre rẹ ighoro rẹ egbo ighwrẹn re ka obaro kẹ ekpeti rẹ Ọrovwohwo na da yan obaro, ri hworo owanre na kọke kọke, ihwo re choma rẹ ofovwi na da ka obaro kẹ ayen edje rẹ obuko da vwọ kpahe ekpeti rẹ Ọrovwohwo na, yẹ ewanre na re se.

Joshua 6:8

Kirobo ri Joshua ji urhi kẹ ihwo na, irherẹn na ighwrẹn re yọnrọn ewanre ighwrẹn rẹ ighoro rẹ egbo na da ka obaro kẹ Ọrovwohwo, ri hworo ewanre na, vẹ ekpeti rẹ ọphọ rẹ Ọrovwohwo na ro nene ayen.