Joshua 6:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Ọke re ayen de hworo ighoro rẹ egbo na re ayen de dje ofu krekri, re ovwan de ghwe nyo edo rẹ owanre na, etiyin ihwo na ejobi ki mu kuvwie; igbẹhẹ ri Jeriko na ko che ghwie she totọ, ihwo na ọvuọvo ke cha vẹn ruọ.

Joshua 6:5 Iomraidhean Croise

Ẹyano 19:19

Rẹ edo rẹ owanre na vwọ gan phihọ re, Mosis da ta ota, Ọghẹnẹ da rhe kpahe phihọ vwẹ evun rẹ agbrara na.

Aizaya 25:12

Ogba rọ gba kpenu kokoroko na ejobi ka guọghọ igbẹhẹn rọye te otọ riẹriẹriẹ, guọghọ kporo phihọ otọ, ro hirhe phihọ iwurhie.

Aizaya 30:25

Vwi kenu kenu rẹ ugbenu rọ kpenu gangan kugbe igbenu itete na ejobi ke cha vọn ve etẹrhe re dje ve ame, vwẹ ẹdẹ rẹ ehwe rode na, re eherhe na de che she.

Jerimaya 50:15

Bunu yariẹ phihọ abọ rhọrọ re, edaji rọye she nure, igbẹhẹ rọye she ghwotọ. Kidie ọnana ihriẹriọ rẹ Ọrovwohwo, vwọ re ihri kẹ kirobo ro ruru.

Hibru 11:30

Vwẹ esegbuyota ọye igbẹhẹ ri Jeriko vwo ghwie she, ọke rẹ ayen vwọ yan riariẹ ẹdẹ ighwrẹ nu.

Joshua 6:16

Vwẹ obọ righwrẹn na, re irherẹn na vwo hworo owanre na re, Joshua da ta kẹ ihwo na, We kuvwie; kidie Ọrovwohwo phi orere na phihọ owẹ obọ nure.

Joshua 6:20

Ọtiọye na ihwo na de kuvwie, e de hworo ewanre na. Rẹ ihwo na ghwe vwo nyo umri rẹ ewanre na, ihwo na ejobi de ghwe kuvwie ghwrọrọrọ, igbẹhẹ na de ghwe ghwie she re kpae, ihwo na da ghwa họrhọ ro evun rẹ orere na, ohwohwo vwọ kpahe ohwo, ayen da reyọ orere na.

Joshua 6:4

Irherẹn ighwrẹn ke reyọ owanre rẹ egbo ighwrẹn vwọ ka obaro kẹ ekpeti na; vwẹ ẹdẹ righwrẹn ku we ne udje riariẹ orere na asieghwrẹn, yẹ irherẹn na re hworo ewanre na.

Joshua 6:6

Ọtiọye Joshua rẹ ọmọ ri Nọn de se irherẹn na ọ da ta kẹ ayen, Reyọ ekpeti rẹ ọphọ na, gbe jẹn irherẹn ighwrẹn reyọ ewanre rẹ ighoro rẹ egbo ighwrẹn re ka obaro kẹ ekpeti rẹ Ọrovwohwo na.

Iguẹdjọ 20:37

Eshare ra ghare phihọ aghwa na da rhe họrhọ ro Gibeah; eshare ra ghwa na da vwẹ ọlọkọ guọghọ orere na ejobi.

1 Samuẹl 17:20

Devid de vrẹn vwẹ irhiọke ride, o da yan jẹ igodẹ rọye vwo kẹ osun, ọ da reyọ ọko na, ọ da yanran, kirobo ri Jesse ji urhi kẹ, o de rhi te asan erhọn na vwẹ ọke rẹ ayen ra vwọ karedje rẹ ofovwi, ayen ra va iraghwo.

1 Samuẹl 17:52

Ihwo rẹ Izrẹl kugbe Juda de vrẹn va iroghwo ayen da vwọ tua ihwo ri Filistia na rhiri re te Gat vẹ ughere rẹ Ekrọn, ọtiọye na ihwo ra woma vwẹ usun rẹ ihwo ri Filistia na de she teye idjerhe nẹ Shaaraim rhiri re te Gat vẹ Ekrọn.

1 Samuẹl 4:5

Ọke rẹ ekpeti rẹ ọphọ rẹ Ọrovwohwo na rhi vwo te evun rẹ erhọn na, Izrẹl ejobi de mu kperi gangan, ọtiọye na otọ na de kpogho.