Joshua 6:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Irherẹn ighwrẹn ke reyọ owanre rẹ egbo ighwrẹn vwọ ka obaro kẹ ekpeti na; vwẹ ẹdẹ righwrẹn ku we ne udje riariẹ orere na asieghwrẹn, yẹ irherẹn na re hworo ewanre na.

Joshua 6:4 Iomraidhean Croise

Jẹnẹsis 2:3

Ọtiọye Ọghẹnẹ de bruphihọ ẹdẹ rẹ ighwrẹ na, ọ da vwẹ ọghọ kẹ, fikiridie ẹdẹ yena Ọghẹnẹ vwo rovwoma vwẹ enu rẹ iruo ro ruru vwẹ emama rọye.

1 Ivie 18:43

Ọ da ta kẹ Odibo rọye, Yanran Asakiephana, ni obo abadi na. Ọ da yanran re no, ọ da ta, Emuọvo herọ-ọ. Ọ da ta, Rhoma yanran asiẹghwrẹ.

Ivie rẹ Ivẹ 5:10

Ilaesha de ji ikọn bro tanẹ, Yanran wọ ra họ vwi Jọdan asia ighwrẹ, oma wẹn kọ cha varhe, oti wẹn ko kpo.

Ivie rẹ Ivẹ 5:14

Ọtiọye ọ da yanran re djoma phihọ ame asia ighwrẹ vwi Jọdan na, kirobo rẹ ọmraro rẹ Ọghẹnẹ na tare; oma rọye da varhe tẹntẹn kerẹ oma rẹ ọmọboban, ọ da fon.

2 Ikun rẹ Ivie 13:12

Nighere, Ọghẹnẹ vẹ avwanre herọ vwẹ obaro, irherẹn rọye vẹ ewanre rẹ ofovwi rayen ri che hworo ri se ihwo vwọ họnre owẹ. E emọ rẹ Izrẹl, wa họnra Ọrovwohwo, Ọghẹnẹ rẹ esẹ rẹ avwanre-e; kidie wa cha sa kparobọ-ọ.

2 Ikun rẹ Ivie 20:17

Wọ rha lagha oma họnra vwẹ ofovwi nana-a, wa gbro phihọ, we hwe oma mu, re wọ mrẹ ẹkparọ obọ rẹ Ọrovwohwo cha vwọ kẹ wẹ, E Juda vi Jerusalẹm. Wọ djẹ oshọ-ọ, wo jẹ ofu dje we-e; odẹ rọ cha na kpare ofovwi bru ayen, Ọrovwohwo nene uwe dia.

2 Ikun rẹ Ivie 20:19

Ihwo ri Livae, ihwo ri Kohat kugbe ihwo ri Korat de vrẹn re jiri Ọrovwohwo, Ọghẹnẹ rẹ Izrẹl na, vẹ urhuru ọgangan.

2 Ikun rẹ Ivie 20:21

Rẹ ọ ve ihwo na vwọ jẹ iroro nu, ọ da vwẹ ihwo re cha so ine kẹ Ọrovwohwo mu ri ku iwun efuanfon phihọ vwo jiro, jẹ ayen ka obaro kẹ unuofovwi re sua, ayen me ta, vwẹ ẹkpẹvwẹ kẹ Ọrovwohwo na, kidie ẹguọnọ ro jẹrhẹriẹ rọye na dia bẹdẹ.

ỌBE RẸ JOB 42:8

Asakiephana gba reyọ irhuẹn eshare ighwrẹ kugbe egbo ighwrẹ, re wo bru odibo mẹ Job, re wo re ze izobo kẹ oma wẹn izobo rẹ ẹtorhẹ, odibo mẹ Job kọ nẹ ẹrhovwo kẹ wẹ, kidie me reyọ ẹrhovwo mi gbi nenesi rẹ ugheghẹ wẹ-ẹn; kidie wọ ta ota oyoyovwi kpahe ovwẹ-ẹ, kirobo rẹ odibo mẹ Job ruru-u.

Aizaya 27:13

Vwẹ ẹdẹ yena ke che hworo ọgban rode, ihwo ri ghwruru vwẹ otọ rẹ Asiria kugbe e ra djẹre kpo otọ rẹ Ijipt ke cha rhe rhe ga Ọrovwohwo na vwẹ enu rẹ ugbenu ọfuanfon vwi Jerusalẹm.

Livitikọs 14:16

o mi dje urhiabọ rẹ obọrhe rọye phihọ evwri na rọ ẹhẹrhobọ ọhwẹre rọye na, ọ Me fẹrẹ evwri na abọ ighwrẹn ku obaro rẹ Ọrovwohwo.

Livitikọs 4:6

Orherẹn na mi duvwu urhiabọ rọye phihọ evun re ọbara na ọ Me fẹnrẹ ọbara na abọ ighwrẹn ku obaro rẹ aphiana ro rhurhu ẹshẹ ọfuanfon rẹ Ọrovwohwo na.

Zekaraya 4:2

O da ta kẹ vwẹ, Die wọ mrẹre? Me da ta, nighere, Me mrẹ ogburhukpẹ ọvo vẹ udjokpo vwẹ enu rọye, kugbe irhukpẹ ighwrẹ re he enu rọye, irhukpẹ ighwrẹ re hẹ enu rọye na ọvuọvo vwo inu ighwrẹ.

Zekaraya 4:6

Etiyin ọ da ta kẹ vwẹ, Ọnana ota rẹ Ọrovwohwo ta kẹ Zerubabẹl: Ọdia ẹgba-a, yẹrẹ oganga-an, ẹkẹvuọvo Erhi Mẹ, Ọrovwohwo rẹ otuofovwi tarọ.

Ukeri 23:1

Etiyin Balaam da ta kẹ Balak, Gba so egbada ighwrẹn phihọ etinẹ kẹ vwẹ, wọ rha vwẹ irhuẹn ighwrẹn kugbe egbo ighwrẹn rhe.

Joshua 6:13

Irherẹn ighwrẹn re ghwa ewanre rẹ ighoro rẹ egbo ighwrẹn re ka obaro kẹ ekpeti rẹ Ọrovwohwo na da yan obaro, ri hworo owanre na kọke kọke, ihwo re choma rẹ ofovwi na da ka obaro kẹ ayen edje rẹ obuko da vwọ kpahe ekpeti rẹ Ọrovwohwo na, yẹ ewanre na re se.

Joshua 6:3

We ne udje riariẹ orere na, ihwo rẹ ofovwi na ejobi ki ne udje riariẹ esiẹvo. Kẹ ọtiọye ovwan ruo ẹdẹ esan.

Joshua 6:5

Ọke re ayen de hworo ighoro rẹ egbo na re ayen de dje ofu krekri, re ovwan de ghwe nyo edo rẹ owanre na, etiyin ihwo na ejobi ki mu kuvwie; igbẹhẹ ri Jeriko na ko che ghwie she totọ, ihwo na ọvuọvo ke cha vẹn ruọ.

Ẹvwọphia 1:20

Vwọ kẹ igbunu rẹ isio ighwrẹ na ru wọ mrẹre vwẹ obọrhe mẹ na, kugbe igburhukpẹ rẹ oro ighwrẹ na, isio ighwrẹ na aye hẹ emakashe ighwrẹ rẹ ishọshi na kugbe igburhukpe ighwrẹ na kẹ eye hẹ ishọshi ighwrẹ na.

Ẹvwọphia 1:4

Mẹvwẹ ri Jọn ri si ọbe nana rhe ishọshi re hẹ Esha: Ẹserọphẹ dia kẹ ovwan kugbe ufuoma nẹ obọ rẹ ohwo rọ herọ vwẹ asakiephana rọ je herọ rhabae kugbe ọ rọ je cha rhe vwobọ, ji kugbe erhi ighwrẹ re hẹ obaro rẹ ekete na,

Ẹvwọphia 10:3

ọ da van, urhuru rọye da họhọ okpohrokpo ro do; ọke ro vwo se, agbrara ighwrẹ na da van.

Ẹvwọphia 15:1

Me da mrẹ oka ọfa vwẹ obo odjivwu, oka rhuarho ro gbunu, emakashe ighwrẹ vẹ ọtiokọ ighwrẹ, ena re ka oba, kidie ena je hẹ oba rẹ ophu rẹ Ọghẹnẹ.

Ẹvwọphia 15:7

Ọvo vwẹ usun rẹ eranvwe ekpokpọ ẹne na da vwẹ idjokpo ighwrẹ re vọnre vẹ ophu rẹ Ọghẹnẹ rọ herọ bẹdẹ bẹdẹ na vwọ kẹ emakashe ighwrẹ na;

Ẹvwọphia 16:1

Etiyin mi de nyo urhuru rode ọvo vwẹ uwevwi rẹ ẹga na rọ ta kẹ emakashe ighwrẹ na, Yanran re ku idjokpo ighwrẹ rẹ ophu rẹ Ọghẹnẹ na phihọ akpọ na.

Ẹvwọphia 5:1

Vwẹ obọrhe rẹ ohwo ro tidia vwẹ enu rẹ ekete na, me da mrẹ ọbe ọvo e siro vọn te obuko te obaro, a vwẹ usiaphrẹ ighwrẹ kanrọ;

Ẹvwọphia 5:6

Vwẹ uvwre rẹ ekete na kugbe eranvwe ekpokpọ ẹne na kugbe ohri rẹ ekpako na, me da mrẹ Omogodẹ ro mudia, kerẹ ọ re hweri na, vẹ ighoro ighwrẹ kugbe ẹro ighwrẹ, kọye hẹ erhi ighwrẹ rẹ Ọghẹnẹ ro ji ro akpọ na ejobi;

Ẹvwọphia 8:2

Etiyin me da mrẹ emakashe ighwrẹ ri mudia vwẹ obaro rẹ Ọghẹnẹ, a da vwẹ ewanre ighwrẹ kẹ ayen.

Ẹvwọphia 8:6

Asakiephana emakashe ighwrẹ na ri vwo ewanre ighwrẹ na de ghwe muegbe rẹ ayen che vwo hworo.