Joshua 6:23 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²³ Ọtiọye na imighele na ri re dorhẹ rẹ otọ na da ro evun rẹ uwevwi na, ayen da reyọ Rehab, vẹ ọsẹ rọye kugbe oni rọye vẹ imoni rọye kugbe obo ri rhere ejobi; ayen da reyọ uvwiẹ rọye, ayen de phi ayen phihọ otafe rẹ erhọn rẹ ihwo rẹ Izrẹl na.

Joshua 6:23 Iomraidhean Croise

Jẹnẹsis 12:2

Ki mi ru we vwọ dia ẹgborho buebu, ki mi bruphihọ kẹ wẹ, ki mi ru odẹ wẹn rho, eriyin na ku wọ dia ebruphihọ.

Jẹnẹsis 18:24

Ọ da dianẹ a mrẹ ihwo ujuvẹ gbe ihwe re dia evwata vwẹ orere na; wọ je ghwọrọ asan na, wo rhe jẹ ihwo ujuvẹ gbẹ ihwe rẹ evwata na vwo vwọ?

Jẹnẹsis 19:29

Ke eriyin ọ epha, vwẹ ọke rẹ Ọghẹnẹ vwọ guọghọ irere rẹ ishekpotọ na, Ọghẹnẹ da karohọ Ebraham, o de si Lọt nu uherevie rẹ erhanre na, vwẹ ọke ra vwọ torhẹ orere ri Lọt diare.

Ukeri 31:19

Muerhọn phihọ otafe rẹ erhọn na ẹdẹ ighwrẹn; ọ ro hwe ohwo ejobi, ọ rọ vwẹ oma te orivwi ejobi, we ru oma rẹ ovwan fon vẹ ighuvwu ru we muru ejobi vwẹ ẹdẹ rẹ erha kugbe ẹdẹ rẹ ighwrẹn.

Iruo rẹ Iyinkọn na 10:28

Ọ da ta kẹ ayen, Ovwan riẹn kẹ oma rẹ ovwan jovwo nẹ oshehọ urhi rere ohwo ri Ju vwo kuoma kugbe eyẹrẹ o vwo wo ohwo rẹ ẹgborho ọfa-a; ẹkẹvuọvo Ọghẹnẹ da vwọ nẹ vwẹ nẹ mi se ohwo ọvuọvo ohwo ghevweghe-e eyẹ ogbegbe-e.

Iruo rẹ Iyinkọn na 27:24

ọ da ta, Pọl, wọ dje oshọ-ọ, wo che mudia dẹn vwẹ obaro ri Siza, gbe nighe, Ọghẹnẹ vwẹ ihwo re vẹ owẹ gbe bi ejobi vwọ kẹ wẹ.

1 Kọrẹnt 5:12

Kidie mi vwo guẹdjọ rẹ ihwo re hẹ obo otafe? Ọ dia ihwo rẹ hẹ evun rẹ ishọshi eye evwo guẹdjọ?

Ẹfesọs 2:12

Gba karohọ nẹ vwẹ ọke yena ka hẹriẹ ovwan nẹ Kristi, ra riẹriẹ ghwru nẹ emotọ rẹ Izrẹl, kẹ erhorha rẹ ọphọ rẹ ive na, ri vwo iphiẹrohọ-ọ ri vwo Ọghẹnẹ vwẹ akpọ na-a.

Hibru 11:31

Vwẹ esegbuyota ọye Rihab rẹ igberadja na vwo je ghwo kugbe ayen otu ri jẹ ọghọ emuo na, fikiridie ọ nabọ dede otu ri rhi dọrhẹ na.

Hibru 11:7

Vwẹ esegbuyota ọye Ọghẹnẹ vwọ vuẹ Noa kpahe obo re cha phia ra je mrẹ-ẹ, o da djẹ oshọ ra kare okọ ro vwo sivwi evwruwevwi rọye, vwẹ oma rẹ ọnana o vwo brorhiẹ hwe akpọ na ọ da rhe dia ọreuku rẹ ọvwata rọ wan oma rẹ esegbuyota rhe.

Joshua 2:13

Wo ji sivwi ọsẹ mẹ vẹ ọni mẹ, iniọvo mẹ re eshare vẹ e rẹ emetẹ, kugbe obo rẹ ayen vwori ejobi, rere wo si avwanre nẹ ughwu.

Joshua 2:16

Aye na da ta kẹ ayen, Yanran kpo obo igbenu na, ihwo re vwọ tua ovwan na da rha mrẹ ovwan, we sioma rẹ ovwan nu ẹdẹ erha vwẹ oboyi, bẹsiẹ rẹ ihwo re vwọ tua ovwan vwo rhivwi kpo; tavwe re ovwan ke ro idjerhe kpo.

Joshua 2:18

Nighere, ọke rẹ avwanre da rhe otọ na, ku wo churu ufi rẹ isene na mu evakpo ru wo da lọrọ avwanre rhe otọ na, ku wọ reyọ ọsẹ wẹn vẹ oni wẹn rhe uwevwi wẹn, iniọvo wẹn rẹ eshare ejobi, kugbe evwruwevwi rẹ ọsẹ wẹn ejobi.

Iguẹdjọ 1:25

Etiyin ọshare na de dje idjerhe ra wa ruẹ orere na kẹ ayen, Etiyin ayen da vwẹ ọlọkọ guọghọ orere na, ẹkẹvuọvo ayen de siobọ nẹ ọshare na kugbe orua rọye kpo.