Joshua 6:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Ọrovwohwo da ta kẹ Joshua, Nighere, mi phi Jeriko phihọ owẹ obọ, kugbe ovie rọye vẹ egba ri yivwaro vwọ.

Joshua 6:2 Iomraidhean Croise

2 Samuẹl 5:19

Devid da nọ vwẹ obọ rẹ Ọrovwohwo, Mi nene Filistia họnre? Wo phi ayen phihọ obọ mẹ? Ọrovwohwo da ta kẹ Devid, Ra họnre ayen, kidie mi ghine phi Filistia phihọ obọ wẹn nure.

Nehemaya 9:24

Ọtiọye na uvwiẹ rayen da yanran re vwo otọ na, wọ da djẹ ihwo re dia otọ na jovwo no, ihwo ri Kenan, wo de phi ayen phihọ obọ rayen, vẹ ivie rayen kugbe Ihwo rẹ otọ na, rere ayen ru obo ri je ayen kẹ ayen.

Daniẹl 2:21

Ọ rhẹriẹ ọke vẹ ẹghẹre; ọye ri siẹ ivie nẹ ẹdia ọ me rha vwẹ ivie mu, ọ vwẹ aghwanre kẹ ihwo re ghwanre, ọ me rha vwẹ erianriẹn kẹ ihwo ri vwo ẹruọ

Daniẹl 2:44

Vwẹ ọke rẹ ivie yena, Ọghẹnẹ rẹ odjuvwu na cha vwẹ uvie ọvo mu, ra sa guọghọ-ọ eyẹ e che siobọ nẹ ekete rọye ke ihwo ọfa-a. O cha guọghọ ivie nana ejobi ibribro ọ me vwẹ ayen te oba, kẹ o mudia bẹdẹ,

Daniẹl 4:17

Ọnana orhiẹn rẹ erhẹrotọ na bruru, ọrhiẹn na ọye eta rẹ ihwo efuanfon na, rere oba rọye, ihwo rẹ akpọ vwọ riẹn nẹ ọ rọ me kpenu ejobi ri suẹn uvie rẹ ihwo, nẹ ohwo ro jere ọye ọ vwọ kẹ, ohwo ro me kpotọ kọye ọ vwọ ka obenu.

Daniẹl 4:35

Ihwo re dia akpọ na ejobi e kere ayen kerẹ emu diodi; obo ri jere ọye o ruẹ vwẹ ohri rẹ otu rẹ obo odjuvwu vẹ ohri rẹ ihwo re dia akpọ na; o vwo ohwo ọvuọvo rọ sa da obọ rọye jẹ-ẹ yẹrẹ ta kẹ nẹ, die wọ ruẹ?

Daniẹl 5:18

E ovie, Ọghẹnẹ ro Me Kpenu ejobi vwẹ adia rẹ ovie, ọrho te urinrin vẹ ọghọ kẹ Nebukadneza ọsẹ wẹn.

Urhi Rivẹ 7:24

Ko che phi Ivie rayen phihọ obọ wẹn, ke hwe odẹ rayen nẹ otọ rẹ ọnre na; ohwo ro se mudia vwẹ obaro wẹn, gbe dia-a, bẹsiẹye wọ vwọ ghwọrọ ayen nu.

Joshua 12:9

ovie ri Jeriko, ọvo; ovie ri Ai, rọ he oma ri Betẹ!, ọvo;

Joshua 2:24

Ayen da ta kẹ Joshua, Uyota Ọrovwohwo phi otọ na ejobi phihọ obọ rẹ avwanre nure; ọ rọ marho udu re bru ihwo na gangan fiki rẹ avwanre.

Joshua 2:9

ọ da ta kẹ ihwo na, Me riẹnre nẹ Ọrovwohwo na phi otọ na phihọ ovwan obọ nure, nẹ oshọ ro ovwan ko di muẹ avwanre kpakpa, ihwo rẹ orere na wranre kakare.

Joshua 20:1

Etiyin Ọrovwohwo da ta kẹ Joshua nẹ,

Joshua 6:1

Asakiephana a da kare Jeriko gbe vwẹ obo evun tẹ otafe fiki rẹ ihwo rẹ Izrẹl; ohwo ọvuọvo rua otafe-e, ohwo ọvuọvo rua orere na-a

Joshua 6:3

We ne udje riariẹ orere na, ihwo rẹ ofovwi na ejobi ki ne udje riariẹ esiẹvo. Kẹ ọtiọye ovwan ruo ẹdẹ esan.

Joshua 8:1

Ọrovwohwo na da ta kẹ Joshua, Wọ djẹ oshọ-ọ eyẹ ofu ji dje we-e, reyọ ihwo ri se phi ofovwi ejobi vwo ba oma, re wo vrẹn, kpo Ai; nighere, mi phi ovie re Ai na, vẹ ihwo rọye ejobi, orere rọye, phihọ obọ wẹn nure;

Iguẹdjọ 11:21

Ọrovwohwo Ọghẹnẹ rẹ Izrẹl na de phi Sihọn vẹ ihwo rọye ejobi phihọ obọ rẹ Izrẹl, ayen de phi ayen kua; ọtiọye na Izrẹl da reyọ otọ rẹ ihwo rẹ Amọr ejobi re dia orere yena.

Iguẹdjọ 11:24

Ovwan gba reyọ emu ri Kemọsh ẹdjọ rẹ ovwan vwọ kẹ ovwan? Ọtiọye na kohwo kohwo rẹ Ọrovwohwo Ọghẹnẹ rẹ avwanre djẹ nẹ obaro rẹ avwanre, avwanre ke cha reyọ otọ rayen.