Joshua 6:19 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁹ Ẹkẹvuọvo idọnọ kugbe oro ejobi, vẹ ekuakua rẹ ẹrovwo kugbe itehru, e pha fuanfon kẹ Ọrovwohwo; ka ghwẹ ayen kpo uwevwi rẹ efe rẹ Ọrovwohwo na.

Joshua 6:19 Iomraidhean Croise

2 Samuẹl 8:11

Ovie Devid de ru enana fon kẹ Ọrovwohwo kugbe idọnọ te oro ri nẹ irere ro phi kparobọ ejobi rhe;

1 Ivie 14:26

ọ da ghwẹ efe rẹ uwevwi rẹ Ọrovwohwo kugbe uwevwi rẹ ovie na kpo; ọ da ghwẹ kemu kemu kpo. ọ je ghwa ekpọfia rẹ oro ri Solomọn duvwuru na kpo.

1 Ivie 7:51

Kẹ enẹ iruo rẹ Ovie Solomọn ruru vwẹ uwevwi rẹ Ọrovwohwo na de rhi re, Solomọn da ghwẹ ẹrovwe ejobi ri Devid ọsẹ rọye ru fon nu rhe evun rẹ uwevwi, idọnọ efuanfon, oro, kugbe ekuakua, ọ da ghwẹ ayen phihọ uwevwi rẹ efe rẹ Ọrovwohwo na.

Ivie rẹ Ivẹ 24:13

Ọ da ghwa efe rẹ uwevwi rẹ Ọrovwohwo na, kugbe efe rẹ evun rẹ uwevwi rẹ ovie na, ọ da nyavwe iwawa rẹ iro ri Solomọn ovie rẹ Izrẹl ru phihọ uwevwi rẹ Ọrovwohwo na ibribro, kirobo rẹ Ọrovwohwo na tarọ jovwo.

1 Ikun rẹ Ivie 18:11

Devid de ru enana fuanfon kẹ Ọrovwohwo, kugbe idọnọ vẹ oro rọ ghwẹ nẹ ẹgborho na ejobi rhe Idọm, Moab, Amọn, Filistia vẹ Amalẹk.

1 Ikun rẹ Ivie 26:20

Vwẹ emọ ri Livae na, Ahija re vwẹ ẹro te ekuakua rẹ uwevwi rẹ Ọghẹnẹ kugbe uwevwi rẹ efe re ẹse re rufon kẹ Ọghẹnẹ.

1 Ikun rẹ Ivie 26:26

Shelomot nana vẹ omoni rọye eye vwẹ ẹro te uwevwi rẹ efe ejobi rẹ ekuakua re rufon re vwo ru esẹ kẹ Devid ovie, kugbe ilori rẹ uwevwi rẹ esẹ na, kugbe iruiruo rẹ uriori vẹ ujori kugbe inotu rẹ ofovwi, rufon.

1 Ikun rẹ Ivie 26:27

Nẹ ekuakua re gborhiri vwẹ ofovwi ayen de ru ayen fon vwọ kẹ ẹro evwote rẹ uwevwi rẹ Ọrovwohwo na;

1 Ikun rẹ Ivie 26:28

kugbe emu ejobi ri Samuẹl rẹ ọmraro, kugbe Sọl rẹ ọmọ rẹ Kish, kugbe Abna rẹ ọmọ ri Ner, kugbe Joab ọmọ rẹ Zeruya rufon na, a da vwẹ ayen kẹ Shelomọt vẹ imoni rọye yọnre.

1 Ikun rẹ Ivie 28:12

kugbe iroro rẹ obo rẹ ọguan rẹ uwevwi rẹ Ọrovwohwo na dia, vẹ ivun re riarie rẹ phihọ, iwevwi rẹ efe vwẹ uwevwi rẹ Ọghẹnẹ na, vẹ uwevwi rẹ efe ra da sẹro rẹ ekuakua re ẹse re rufon na.

2 Ikun rẹ Ivie 15:18

Ọ da ghwẹ ekuakua ejobi rẹ ọsẹ rọye vwo muẹkpa rhe uwevwi rẹ Ọghẹnẹ kugbe ekuakua rẹ ekpuyovwi rọye vwo muẹkpa, idọnọ, kugbe oro, kugbe ekuakua.

2 Ikun rẹ Ivie 31:12

Ayen da vwẹ evun esiri ghwa ekuakua re rori na ejobi rhe, ẹkẹhwe na kugbe erọvwọ re ru fon na ejobi. Onotu rọ vwẹ ẹro te ekuakua na ejobi na ki Konanaya ohwo ri Livae, vi Shimei oniọvo rọye kọye vwọ kpahọ;

Nehemaya 10:38

Orherẹn na, ọmọ rẹ Erọn, vẹ ihwo ri Livae gbẹ toro ẹkẹnhwe na; ihwo ri Livae na ke eye rha reyọ ẹkẹnhwe ra jẹ nẹ ẹkẹnhwe na rhe uwevwi rẹ Ọghẹnẹ rẹ avwanre, rhe ivun na, te obọ erhu na.

Jerimaya 38:11

Eriyin na Ebẹdmẹlẹk da reyọ eshare na kugbe oma, ayen da yan kpo uwevwi rẹ ovie na, te uvun ra vwẹ emwa ya, ayen da dia etiyin reyọ ebẹre emwa re ghwore, e de phi ifi phihọ ayen kpo obotọ rhe Jerimaya vwẹ evun rẹ orhare na.

Livitikọs 19:24

Ukpe rẹ ẹne emamọ na ejobi ke dia efuanfon, ẹkpẹvwẹ rẹ ejiro vwọ kẹ Ọrovwohwo na.

Maika 4:13

Vrẹn rere wo wuye, E Ọmọtẹ ri Zayọn, kidie mi che ru ighoro wẹn hirhe phihọ utehru ichihotọ wẹn kerẹ ẹrovwo; ku wo che hwe ihwo buebu vworovworo, ka cha vwẹ erere rayen ze kẹ Ọrovwohwo, efe rayen kẹ Ọrovwohwo ro vwo akpọ soso.

Ukeri 31:11

ayen da ghwẹ ekuakua rayen ejobi kugbe eyere rayen ejobi, te e rẹ ohwo te e rẹ eranvwe.

Ukeri 31:12

Etiyin ayen da reyọ ighuvwu na vẹ eyere rẹ ayen ghwẹre ejobi rhe Mosis, kugbe Ẹlẹazar rẹ orherẹn na, kugbe ukoko rẹ ihwo rẹ Izrẹl na ejobi, vwẹ asan erhọn na vwẹ uphẹphẹ ri Moab vwẹ oma ri Jọdan na vwi Jeriko.

Ukeri 31:22

jokpa rẹ oro ọvo, idọnọ efuanfon, ẹrovwo, utehru, isọn rẹ odje,

Matiu 27:6

Ilori rẹ irherẹn na da reyọ igho na, ayen da ta nẹ, Ofori rere a vwẹ igho nana ba igho rẹ avwanre-e, kidie igho rẹ ọbara i ruẹ.

Iyẹnrẹ Esiri ri Mak 12:41

O de tidia hirhe opharo ku asan re de mie arhọghọ, ọ da mrẹ obo rẹ otu na phiẹ igho phihọ asan re de mie arhọghọ na; ayen otu ri feri de phihọ buebu.

Joshua 7:11

Izrẹl ru umwemwu; ayen chọ urhi rẹ ọphọ re me vẹ ayen rere; ayen reyọ usun rẹ emu ẹvo re vwo ze izobo na; ayen cho uji, ayen vwọrọ efian, ayen si ayen nu vwẹ ohri rẹ ekuakua rayen.