Joshua 6:14 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁴ Vwẹ ẹdẹ rivẹ ayen de ne udje riariẹ orere na obọvo, ayen de rhivwi kpo obo erhọn na. Ọtiọye kọye ayen ruru ẹdẹ esan.

Joshua 6:14 Iomraidhean Croise

Joshua 6:11

Etiyin ọ da tanẹ e mu ekpeti rẹ Ọrovwohwo na riariẹ orere na, ayen de muo riariẹ ẹsiẹvo; ayen de rhivwi rhe obo erhọn na, ayen da rhe vwerhẹ obo erhọn na vwe ason na.

Joshua 6:13

Irherẹn ighwrẹn re ghwa ewanre rẹ ighoro rẹ egbo ighwrẹn re ka obaro kẹ ekpeti rẹ Ọrovwohwo na da yan obaro, ri hworo owanre na kọke kọke, ihwo re choma rẹ ofovwi na da ka obaro kẹ ayen edje rẹ obuko da vwọ kpahe ekpeti rẹ Ọrovwohwo na, yẹ ewanre na re se.

Joshua 6:15

Vwẹ ẹdẹ righwrẹn ayen de vrẹn rẹ ọke vwo rhie nu, ayen de ne udje riariẹ orere na asieghwrẹn kirobo ri jovwo; ẹdẹ yena ọvo ọye ayen ne udje riariẹ orere na asieghwrẹn.

Joshua 6:3

We ne udje riariẹ orere na, ihwo rẹ ofovwi na ejobi ki ne udje riariẹ esiẹvo. Kẹ ọtiọye ovwan ruo ẹdẹ esan.