Joshua 5:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Kidie ihwo rẹ Izrẹl yan oyan na ikpe ujuvẹ soso vwẹ evun rẹ aghwa, bẹsiẹ rẹ ẹgborho na ejobi, ihwo ri te ofovwi ri ne otọ rẹ Ijipt rhe ejobi, vwo ghwu re, fikiridie ayen nyo urhuru rẹ Ọrovwohwo-o, ayen kọye Ọrovwohwo duvwu iyori kẹ nẹ e cha mrẹ otọ rẹ Ọrovwohwo ve kẹ esẹ rayen nẹ ọye vwọ kẹ avwanre, otọ rọ djẹ ọkẹre rẹ ameivie vẹ ọnyọn.

Joshua 5:6 Iomraidhean Croise

Une rẹ Ejiro 107:4

Ẹvo mu yan vwẹ evun rẹ aton ofefe ayen mrẹ idjerhe wan kpo orere ra dia-a,

Ẹyano 3:17

Mi de ve nẹ me rọye ovwan nẹ evun rẹ omaẹlaghọ rẹ Ijipt na rhe, vwo kpo otọ rẹ Kenan; o rẹ Hit, vẹ Amọr, o rẹ Feriz, vẹ Hiv kugbe Jebu, otọ rọ djẹ ọkẹre rẹ ame rẹ ivie vẹ ọnyọn.

Ẹyano 3:8

Ọtiọye na ke me rhere rhi si ayen nẹ obọ rẹ ihwo rẹ Ijipt, re mi si ayen nẹ otọ yena vwo kpo otọ rọ yoma rọ rhoro, otọ rọ djẹ ọkẹre rẹ ame rẹ ivie vẹ ọnyọn. Otọ rẹ ihwo rẹ Kenan, ihwo rẹ Hit, ihwo rẹ Amọr, ihwo rẹ Periz, ihwo rẹ Hiv kugbe ihwo rẹ Jebu.

Jerimaya 2:2

Yanran wo re ghwoghwo kẹ ihwo rẹ Jerusalẹm, Ene Ọrovwohwo tare, Me karohọ ẹga rẹ ọke emọ wẹn, ẹguọnọ wẹn kerẹ ọpha, obo wo nene uvwe te vwẹ evun rẹ aghwa vwẹ otọ ra kọnre-e.

Izikiẹl 20:15

Ọ rọ marho mi de duvwu iyori kẹ ayen vwẹ evun rẹ aghwa nẹ, me gbe reyọ ayen rhe otọ re me vwo kẹ ayen na-a, otọ rọ djẹ ọkẹre vẹ ame-ivie kugbe ọnyọn, otọ ro me yovwi ejobi,

Izikiẹl 20:6

Vwẹ ẹdẹ yena mi de duvwu iyori kẹ ayen nẹ, Me reyọ ayen nẹ otọ rẹ Ijipt rhe otọ re me guọnọ vwọ kẹ ayẹn, otọ rọ djẹ ọkẹre vẹ ame rẹ ivie kugbe ọnyọn, otọ ro me yovwi ejobi.

Joẹl 3:18

Vwẹ ẹdẹ yena udi ọvwevwerhe ko che sun nẹ igbenu na rhe, ame-ivie ki che sun nẹ igbenu itete na rhe, ukpọkẹre ri Juda ejobi ke cha djẹ ọkẹre rẹ ame, ogbugbu ọvo kọ cha djẹ nẹ uwevwi rẹ Ọrovwohwo rhe kọ cha kpọrhọ iyara ri Shitim.

Ukeri 14:23

gbe cha mrẹ otọ na ri mi ve kẹ esẹ rayen na-a, yẹ ọvuọvo vwẹ usun rẹ ihwo re jẹ vwẹ fia na cha sa mrẹ-ẹ.

Ukeri 26:63

Enana keye ihwo ri Mosis vẹ Ẹlẹazar re orherẹn na keri, ri keri ihwo rẹ Izrẹl vwẹ uphephẹ ri Moab vwẹ oma ri Jọdan vwi Jeriko.

Urhi Rivẹ 1:3

Ro rhi vwo te ẹgbukpe ujuvẹ, vwẹ ẹdẹ rẹ ẹsosuọ rẹ emeranvwe uhwọvo rọye re, Mosis da ta ota kẹ ihwo rẹ Izrẹl, kerẹ obo rẹ Ọrovwohwo ji iji kẹ nẹ Ọ vuẹ ayen,

Urhi Rivẹ 2:14

Nẹ ẹdẹ rẹ avwanre vwo nẹ Kedesh-banea, rhi te ẹdẹ rẹ avwanre wan vrẹn uto ri Zẹrẹd na da dia ikpe ọgban gbe ẹrenren; bẹsiẹ rẹ edje rẹ eshare rẹ ofovwi na ejobi rhe vwọ ghwọrọ nẹ ohri rẹ erhọn na, kirobo rẹ Ọrovwohwo ve kẹ ayen.

Urhi Rivẹ 2:7

Kidie Ọrovwohwo Ọghẹnẹ rẹ ovwan bruba iruo rẹ obọ rẹ ovwan ejobi nure; ọ riẹn oyan rẹ ovwan re wa yanre wan aton na; vwẹ ikpe ujuvẹ nana rẹ Ọrovwohwo rẹ Ọghẹnẹ rẹ ovwan vwo nene ovwan dia na; emu ọvuọvo rọ karo ovwan herọ-ọ.

Urhi Rivẹ 8:4

Amwa wẹn bẹre dje we oma wẹ-ẹn, owọ wẹn, je vwọ vwẹ ẹgbukpe ujuvẹ na-a.

Hibru 3:11

Kirobo mi vwo ophu duvwu ayen iyori na, O rhe jẹ ayen te omaerovwo mẹ-ẹ.

Joshua 1:6

Gba goma rere wo yivwaro, kidie wẹ re cha nẹrhẹ ihwo nana riuku rẹ otọ ri mi duvwu iyori kẹ esẹ rẹ ovwan nẹ me vwọ kẹ ayen na.

Joshua 24:7

Ọke rẹ ayen vwọ viẹ se Ọrovwohwo, o de phi ukori rẹ egho phihọ uvwre rẹ ovwan vẹ ihwo rẹ Ijipt, o de ru abadi na ọ da vwẹn rhurhu ayen, ẹro rẹ ovwan mrẹ obo ri mi ru kẹ Ijipt, ovwan da dia evun rẹ aghwa na ọke grogro.

Joshua 5:5

Yẹ ihwo ri nẹ otọ rẹ Ijipt rhe jovwo na yanvwere, ekẹvuọvọ otu re vwiẹri vwẹ idjerhe vwẹ evun rẹ aghwa na rẹ ayen vwo nẹ Ijipt nu a gbe yanvwe aye-en.

Joshua 5:7

Ọtioye na emọ rayen re vwieri vwẹ oyan na, keye Joshua yanvwere; kidie a yanvwẹ ayen vwẹ idjerhe jovwo-o.