Joshua 4:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Joshua de mu ibieragha ihwivẹ na phihọ uherevie ri Jọdan, vwe asan re awọ re irherẹn re ghwa ekpeti rẹ ọphọ na mudia phihọ na, ayen ji hẹ etiyin rhi te nọne na.

Joshua 4:9 Iomraidhean Croise

Jẹnẹsis 26:33

O de se Shibah, fiki rẹ ọtiọye na e de se odẹ rẹ orere na Bẹẹrsheba rhi te nonẹ na.

Jẹnẹsis 28:18

Etiyin Jekọp de vrẹn vwẹ irhiọke ride, ọ da reyọ ubioragha na rọ vwọ cha uyovwi jovwo na vwo viotọ o de ku evwri ku enu rọye.

2 Samuẹl 4:3

Ihwo ri Beerot da djẹ kpo Gitaim, ayen kẹ ihwo re kuarhe rhe dia Etiyin rhi duvwu nonẹ na).

1 Ivie 18:31

Ilaija da tọrọ ibieragha ihwivẹ, kirobo rẹ orua rẹ emọ ri Jekọp epha, rẹ ota rẹ Ọrovwohwo bru rhe, tanẹ, Izrẹl re cha dia odẹ wẹn;

2 Ikun rẹ Ivie 5:9

Ọkpọ na grori gangan ka kparo mrẹ oba rọye vwẹ asan rọ ma fon ejobi rọ hẹ obaro rẹ ọshẹ; ẹkẹvuọvo yẹ a sa wan obo otafe mrẹ aye-en; ayen je hẹ etiyin rhi te nonẹ na.

Ẹyano 24:12

Ọrovwohwo da ta kẹ Mosis, Bru vwe rhe obenu rẹ ugbenu na, wọ hẹrhẹ vwẹ etiyin; ke me kẹ wẹ ephapha rẹ oragha, vẹ urhi na vẹ iji na, ri mi siri fiki rẹ eyono rayen.

Ẹyano 28:21

Eragha ihwivẹ re cha dia dohwo dodẹ rọye, kerẹ unu rẹ emọ rẹ Izrẹl; ke cha dia kerẹ oka, ọvuọvo vẹ odẹ rọye, kirobo rẹ inurhoro ihwivẹ na epha.

Matiu 27:8

Kẹ ọke yena yanran e de se otọ na Otọ rẹ Obara.

Matiu 28:15

Ayen da reyọ igho na, ayen de ru kirobo re yono ayen na. Usi nana de ghwe kperi ro uherevie rẹ ihwo ri Ju rhi te nonẹ na.

Urhi Rivẹ 34:6

O de sho phihọ iyara vwẹ otọ ri Moab ro hirhe aro ku Betpeọ; ẹkẹvuọvo rhi te nonẹ na ohwo ọvuọvo riẹn asan ushi rọyee.

Joshua 24:26

Joshua de si eta nana phihọ ọbe rẹ urhi rẹ Ọghẹnẹ, ọ da reyọ oragha rode, o de vwo vi vwẹ otọ rẹ ohahe vwẹ ẹshẹ rẹ Ọrovwohwo na.

Joshua 4:10

Kidie irherẹn na re ghwa ekpeti na de mudia vwẹ uherevie ri Jọdan, bẹsiẹ re emu ejobi rẹ Ọrovwohwo ji urhi rọye kẹ Joshua nẹ ọ ta kẹ ihwo na rhi vwo re, kirobo ri Mosis ta kẹ Joshua ejobi. Okpakpa ihwo na vwọ wanvrẹn;

Iguẹdjọ 1:26

Ọshare na da yanran kpo otọ rẹ ihwo ri Het ọ da bọn orho ọvo phihọ o de se odẹ rọye Luz; kọye odẹ re mu kẹ rhi te ẹdẹ ri nonẹ na.

1 Samuẹl 30:25

Nẹ ẹdẹ yena yanran o de vwo ru iji vẹ urhi vwọ kẹ ihwo rẹ Izrẹl rhi te nonẹ.

1 Samuẹl 7:12

Etiyin Samuẹl da reyọ oragha o de vwo vi uvwre ri Mizpah vi Jẹshanah, o de se odẹ rọye Ẹbẹnizar, kidie ọ tare nẹ, Etinẹ na Ọrovwohwo da cha avwanre uko.