Joshua 4:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ rere ọnana vwọ dia oka vwẹ ohri rẹ ovwan, vwẹ ọke rẹ emọ rẹ ovwan da cha nọ vwẹ ọke rọ cha nẹ, Kidie ibieragha nana fi kẹ ovwan

Joshua 4:6 Iomraidhean Croise

Une rẹ Ejiro 44:1

Avwanre vwẹ erhọn rẹ avwanre nyo E Ọghẹnẹ, esẹ rẹ avwanre ta kẹ avwanre, iruo ru wo ruru vwẹ ọke rayen, vwẹ ọke re awanre.

Une rẹ Ejiro 71:18

Ọtiọye ọ jepha kẹ ọmare vẹ uyovwi esha, E Ọghẹnẹ, wọ sen vwẹ-ẹ, bẹsiẹ mi vwọ ghwoghwo ẹgba wẹn kẹ uvwiẹ rọ cha ejobi.

Ẹyano 12:14

Nonẹ na kọ cha dia ẹdẹ rẹ ẹkarohọ kẹ wẹ, ku wọ yọnrọn kerẹ orẹ kẹ Ọrovwohwo, vwẹ evun rẹ uvwiẹ wẹn ejobi ku wọ yọnrọn kerẹ ẹgha bẹdẹ.

Ẹyano 13:14

vwẹ ọke rọ cha rẹ ọmọshare wẹn da nọ wẹ, Die otọ rẹ ọnana? ku wọ ta kẹ, Obọ ọgangan Ọrovwohwo vwo si avwanre nẹ otọ rẹ Ijipt rhe, nẹ uwevwi rẹ oviẹn.

Ẹyano 13:9

Kọ cha dia oka vwẹ obọ wẹn kugbe ẹkarophihọ vwẹ ẹto wẹn, rere urhi rẹ Ọrovwohwo vwọ dia unu wẹn, kidie obọ ọgangan Ọrovwohwo vwọ rọye owẹ nẹ Ijipt rhẹ.

Ẹyano 31:13

Ta kẹ ihwo rẹ Izrẹl nẹ, Wa me yọnrọn ẹdidjala mẹ, kidie ọnana cha dia oka vwẹ uvwre mẹ vẹ ovwan ra ro uvwiẹ wẹn ejobi, rere wọ vwọ riẹn nẹ Mẹvwẹ, rẹ Ọrovwohwo, ri ru we fon.

Aizaya 38:19

Ohwo ọkpokpọ, ohwo ọkpokpọ, ọ kpẹvwẹ owẹ, kirobo ri mi ruẹ nonẹ na, o se dje ke emọ rọye obo re esegbuyota wẹn epha.

Aizaya 55:13

Asan rẹ inwe epha jovwo ọwangha kọ dia etiyin, asan re ebẹ epha jovwo ke odi ghevweghe; kọ dia ke Ọrovwohwo ẹkarohọ ri bẹdẹ, kọ dia oka ri bẹdẹ ro je phoro.

Izikiẹl 20:12

Ọ rọ marho, me da vwẹ ẹdidjala mẹ kẹ ayen, rere ọ dia oka vwẹ uvwiẹ mẹ vẹ ọ rẹ ayen rere ayen vwọ riẹn nẹ mẹvwẹ Ọrovwohwo ri ru ayen fon.

Izikiẹl 20:20

Ru ẹdidjala mẹ na fuanfon rere ayen vwọ dia oka vwẹ uvwre me vẹ owẹ, rere wọ vwọ riẹn nẹ mẹvwẹ Ọrovwohwo mẹvwẹ Ọghẹnẹ wẹn.

Ukeri 16:38

ephẹnre rẹ ihwo re vwẹ arhọ rayen hwa osa rẹ umwemwu rayen, ọtiọye na e gbe jẹ duvwu ayen phihọ ọsete re vwo rhurhu agbada na, kidie ayen vwẹ ayen ze izobo kẹ Ọrovwohwo, fiki rẹ ọtiọye na kẹ efuanfon. Ọnana kọ cha dia oka kẹ ihwo rẹ Izrẹl na.

Iruo rẹ Iyinkọn na 2:39

Kidie ive na ọ rẹ ovwan kugbe emọ rẹ ovwan kugbe ayen ejobi re hẹ isi, kugbe ayen uche otu ọvuọvo rẹ Ọrovwohwo Ọghẹnẹ rẹ avwanre che se vwọ kẹ.

Urhi Rivẹ 11:19

Wa vwẹ ayen yono emọ rẹ ovwan, re we gbe ikun rayen, siẹ re wo de tidia vwẹ uwevwi rẹ ovwan vẹ ọke re wọ da yan vwẹ idjerhe, vẹ ọke wo de shevwerhẹ totọ, kugbe ọke wo de vrẹn.

Joshua 22:27

ẹkẹvuọvo rere ọ vwọ dia iseri kẹ avwanre vẹ ovwan kugbe uvwre rẹ avwanre vẹ uvwiẹ rọ cha, nẹ avwanre ga ẹga nana vwe irharo rẹ Ọrovwohwo fiki rẹ izobo rẹ ẹtorhẹ rẹ avwanre kugbe izobo rẹ ufuoma, emọ rẹ ovwan da rha ta kẹ emọ rẹ avwanre vwẹ ọke rọ cha nẹ, We vwo ẹkẹn vwẹ oma rẹ Ọrovwohwo-o.

Joshua 4:21

Ọ da ta kẹ ihwo rẹ Izrẹl na, Ọke rẹ emọ rẹ ovwan da nọ esẹ rayen vwẹ ọke rọ cha nẹ, Die Ibieragha nana firi?

Joshua 4:5

Joshua da ta kẹ ayen, Wanvrẹn re wa ka obaro kẹ ekpeti rẹ Ọrovwohwo Ọghẹnẹ wẹn na vwo kpo obo uherevie ri Jọdan, rere ohwo ọvuọvo mu ubioragha kpahe igabọ rọye, kirobo rẹ unu rẹ orua rẹ ihwo rẹ Izrẹl epha,