Joshua 4:23 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²³ Kidie Ọrovwohwo Ọghẹnẹ wẹn nẹrhẹ ame ri Jọdan na kpọ ya hirhe phihọ otọ ọyaya bẹsiẹ rẹ ovwan vwọ wanvrẹn nu, kirobo rẹ Ọrovwohwo Ọghẹnẹ wẹn ru kẹ Abadi Ọvwavware na, rọ nẹrhẹ ọ kpọ ya hirhe phihọ otọ ọyaya bẹsiẹ rẹ avwanre vwọ wanvrẹn nu,

Joshua 4:23 Iomraidhean Croise

1 Ivie 8:43

nyo vwẹ obo odjuvwu asan re wọ dia, re wo ru kirobo rẹ ọrhorha na vwi fiki rọye se we ejobi; rere ihwo rẹ akpọ na ejobi sa vwọ riẹn odẹ wẹn rere ayen djẹ oshọ wẹn, kerẹ, ihwo wẹn Izrẹl, rere ayen sa riẹn nẹ uwevwi nana re me bọnre na odẹ wẹn e vwo se.

Nehemaya 9:11

Wọ da ghine ghare abadi na vwe obaro re ayen, ọtiọye na ayen da wan evun re abadi na vrẹn vwẹ otọ ọyaya; otu re vwọ tua ayen na wọ da kpare ayen phihọ evun rẹ odo, kerẹ ubio-ragha ro she phihọ ọgudu re ame.

Une rẹ Ejiro 78:13

O da ghare abadi na ọ da vwẹ ayen wan vrẹn, ọ da nẹrhẹ ukori rẹ ame na mudia kpehre.

Ẹyano 14:21

Mosis da riẹn obọ rọye phihọ abadi na; Ọrovwohwo da djẹ abadi na kpo uko vwẹ odju ọgangan ro dju nẹ obaro ọnre rhe vwẹ ason na ejobi, o de ru abadi na kpọ yamu, ame na da ghare.

Ẹyano 15:19

Kidie ọke rẹ iyesi ri Fero vẹ akpẹrẹ rọye vẹ ihwo re gua iyesi rọye vwọ ro evun rẹ abadi na, Ọrovwohwo da vwẹ ame rẹ abadi na vwo rhurhu ayen; ẹkẹvuọvo emọ rẹ Izrẹl da wan otọ ọyaya vrẹn vwẹ uherevie rẹ abadi na.

Aizaya 43:16

Enẹ Ọrovwohwo tare, rọ gbẹn idjerhe phiyọ abadi, rọ jẹ obẹlẹ phiyọ ame rode na,