Joshua 4:19 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁹ Ihwo na de wotọ nẹ Jọdan rhe vwẹ ẹdẹ rihwe rẹ emeranvwe rẹ ẹsosuọ, ayen de mu erhọn vwi Gilgal vwẹ obaro ọnre vwẹ ughwru ri Jeriko.

Joshua 4:19 Iomraidhean Croise

Ivie rẹ Ivẹ 2:1

Asakiephana rẹ Ọrovwohwo cha vwọ reyọ odju ro kinghoro vwo mu Ilaija kpo odjuvwu re, Ilaija vẹ Ilaesha da yan usun nẹ Gilgal rhe.

Emọs 4:4

Yanrhe Bẹtẹl, re wo re gbe ogbeku; kpo Gilgal re wo re ru ogbigbiru; ze izobo wẹn kirhiọke kirhiọke, ẹkẹn ehwe wẹn vwẹ ẹdẹ erherha;

Emọs 5:5

ẹkẹvuọvo wọ guọnọ Bẹtẹ-ẹl, wọ vwẹriẹ Gilga-al yere wọ samue kpo Bieshibaa; uyota e che mu Gilgal kpo imu, Bẹtẹl che hirhe phihọ odiodi.

Maika 6:5

E ihwo mẹ, karohọ iroro ri Balak ovie ri Moab jẹre, kugbe obo ri Balam ọmọ ri Biọ kpahe kẹ, kugbe obo re phiare nẹ Shitim re te Gilgal, rere wọ vwọ riẹn ona rẹ esivwo rẹ Ọrovwohwo na.

Urhi Rivẹ 1:3

Ro rhi vwo te ẹgbukpe ujuvẹ, vwẹ ẹdẹ rẹ ẹsosuọ rẹ emeranvwe uhwọvo rọye re, Mosis da ta ota kẹ ihwo rẹ Izrẹl, kerẹ obo rẹ Ọrovwohwo ji iji kẹ nẹ Ọ vuẹ ayen,

Urhi Rivẹ 11:30

Ọ dia ovrẹn ri Jọdan ayen epha, vwẹ obuko ọnre vwẹ idjerhe na, vwẹ ọke rẹ ọnre de she kpotọ vwẹ evun rẹ otọ rẹ ihwo ri Kenan re dia Araba, ro hirhe aro ku Gilgal, vwẹ oma rẹ iloho ri Morẹ na-a?

Joshua 10:43

Etiyin Joshua de rhivwi, ọ vẹ Izrẹl ejobi, kpo obo erhọn vwi Gilgal.

Joshua 10:6

Ihwo ri Gibeọn de ji ohwo bru Joshua vwẹ erhọn ri Gilgal, tanẹ, Wo rogho obọ kẹ idibo wẹ-ẹn, bru avwanre rhe phẹrẹkpẹ, wo rhi sivwi avwanre, wọ cha avwanre uko, kidie ivie rẹ ihwo rẹ Amọr ejobi re dia obo orho rẹ ugbenu na rhe ghwẹ koko vwọ so avwanre.

Joshua 15:7

ughwru na de rhe mu re te Deba nẹ Iyara rẹ Akor, rọ ghwoma obọhwẹre ọnre, o de rhe gunu re te Gilgal, ro hirhe aro ku asan eyere kpenu re Adummim, rọ abọ obọrhe ọnre re Iyara na; ughwru na de rhe nene re te asan ame rẹ En-shemesh, re te oba vwẹ En-rogel;

Joshua 24:11

Wa da wanvrẹn Jọdan rhi te Jeriko, ihwo ri Jeriko da họnre ovwan, eriyin ji te ihwo rẹ Amọr, ihwo ri Beriz, ihwo ri Kenan, ihwo ri Het, ihwo ri Girgash, ihwo ri Hiv, kugbe ihwo ri Jebus; mi de phi ayen phihọ obọ rẹ ovwan.

Joshua 4:18

Ọke rẹ irherẹn re ghwa ekpeti rẹ ọphọ rẹ Ọrovwohwo na vwo wotọ nẹ uherevie ri Jọdan na rhe, re awọ rẹ irherẹn na ghwe vwo te otọ ọyaya nure, ame ri Jọdan na de ghwe rhurie rhe ọ da vọn ro egben rọye reghe reghe kirobo rọ epha jovwo.

Joshua 5:10

Ọke rẹ ihwo rẹ Izrẹl vwo mu erhọn vwi Gilgal ayen da re orẹ rẹ ẹwanvrẹn na vwẹ ẹdẹ ihwẹne rẹ emeranvwe na vwẹ ovwọnvwọn vwẹ uphẹphẹ ri Jeriko.

Joshua 5:9

Ọrovwohwo da ta kẹ Joshua, Nonẹ na mi vwo si ehwejẹ rẹ Ijipt nẹ ovwan oma. Kọye e de se odẹ rẹ asan na Gilgal rhiri rhi te nonẹ na.

Joshua 9:6

Ayen de bru Joshua kpo obo erhọn na vwi Gilgal, ayen da ta kẹ vẹ ihwo rẹ Izrẹl. Avwanre nẹ orho oshesheri rhe, vwẹ ọtiọye na gbe nene avwanre re ọphọ.

1 Samuẹl 10:8

Ku wọ karo kẹ vwẹ kpo Gilgal; nighe, mi bru we cha che ze izobo rẹ ẹtorhẹ kugbe izobo rẹ ufuoma. Ẹdẹ ighwrẹ wọ hẹrhẹ, bẹsiẹ me cha vwọ rhe rhi dje obo wo ru kẹ wẹ.

1 Samuẹl 15:33

Samuẹl da ta, kirobo rẹ ọlọkọ wẹn nẹrhẹ eya dia ẹga na, ọtiọye oni wẹn je dia ẹga vwẹ ohri rẹ eya. Samuẹl de she Agag ibribro vwẹ obaro rẹ Ọrovwohwo vwi Gilgal.