Joshua 4:18 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁸ Ọke rẹ irherẹn re ghwa ekpeti rẹ ọphọ rẹ Ọrovwohwo na vwo wotọ nẹ uherevie ri Jọdan na rhe, re awọ rẹ irherẹn na ghwe vwo te otọ ọyaya nure, ame ri Jọdan na de ghwe rhurie rhe ọ da vọn ro egben rọye reghe reghe kirobo rọ epha jovwo.

Joshua 4:18 Iomraidhean Croise

1 Ikun rẹ Ivie 12:15

Enana ihwo re shariẹ Jọdan vrẹn vwẹ emeranvwe rẹ ẹsosuọ, ọke rọ vwọ vọn ro otọ, ọ da nẹrhẹ ihwo re dia iyara na ejobi kua yanran kpo obaro ọnre vẹ obuko ọnre.

Aizaya 8:8

kọ hworhẹ ayen rọ Juda, kọ vọn hwẹ o me djẹ hẹ obaro, bẹsiẹ ro vwo te ohọre, ko che ku reghereghe te asan re otọ wẹn heri te, E Imanuẹl.

Joshua 3:13

Ọke rẹ awọ rẹ irherẹn ri mu ekpeti rẹ ọphọ rẹ Ọrovwohwo na, Ọrovwohwo ro vwo akpọ na ejobi na, ghwe te ame ri Jọdan na, ame ri Jọdan na kọ che bru dje ọ gbe djẹ ọkẹre-e, ame rọ dje nẹ obenu cha kọ cha kpahe ẹtan.

Joshua 3:15

ọke rẹ ihwo re ghwa ekpeti na rhi vwo te Jọdan, rẹ awọ rẹ irherẹn re ghwa ekpeti na ghwa vwọ ro ame na (kidie Jọdan ku reghe erhọn rọye ejobi vwẹ ọke orhọ na),

Joshua 4:11

ọke re ihwo na ejobi vwọ wanvrẹn nu, ekpeti rẹ Ọrovwohwo na kugbe irherẹn na da ka obaro kẹ ihwo na.

Joshua 4:17

Joshua de ghine ji urhi kẹ irherẹn na nẹ, Wotọ nẹ obo Jọdan na rhe.

Joshua 4:19

Ihwo na de wotọ nẹ Jọdan rhe vwẹ ẹdẹ rihwe rẹ emeranvwe rẹ ẹsosuọ, ayen de mu erhọn vwi Gilgal vwẹ obaro ọnre vwẹ ughwru ri Jeriko.