Joshua 4:14 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁴ Vwẹ ẹdẹ yena Ọrovwohwo da kpare Joshua kpenu vwẹ obaro rẹ ihwo rẹ Izrẹl ejobi; kẹ ayen mudia phariẹ kẹ, kirobo rẹ ayen mudia phariẹ kẹ Mosis, vwẹ ẹdẹ rẹ akpọ rọye ejobi.

Joshua 4:14 Iomraidhean Croise

1 Ivie 3:28

Izrẹl ejobi de nyo orhiẹn rẹ ovie bruru na; udidi rẹ ovie de mu ayen, fikiridie ayen mrẹ vughe nẹ aghwanre rẹ Ọghẹnẹ rhere, rere o vwo bru orhiẹn rẹ ọsoso.

Ivie rẹ Ivẹ 2:15

Ọke rẹ emọ rẹ emraro na re hẹ Jẹriko vwọ kparo mrẹ, ayen da tanẹ, Erhi rẹ Ilaija kua ro Ilaesha oma. Ayen da rhe vwa, ayen da vwẹ uyovwi te otọ kẹ.

1 Ikun rẹ Ivie 29:25

Ọrovwohwo da vwẹ otitivwe kẹ Solomọn vwẹ obaro rẹ Izrẹl ejobi, ọ da vwẹ ọtioghẹre rẹ orhuarho ọtiọye vwọ kẹ uvie rọye ọtiọ ra je vwọ kẹ ovie ọfa vwẹ Izrẹl na dẹvo-o.

2 Ikun rẹ Ivie 30:12

Ọbọ rẹ Ọrovwohwo vi Juda da herọ ọ da vwẹ iroro ọvo vwọ kẹ ayen vwo ru obo rẹ ovie vẹ isun vwẹ ota rẹ Ọrovwohwo ru.

Ẹyano 11:3

Ọrovwohwo da vwẹ eruesiri kẹ ihwo na vwẹ obaro rẹ ihwo rẹ Ijipt na. Ọrọ marho, ohwo na Mosis da rhe rho gangan vwẹ otọ rẹ Ijipt na, vwẹ obọ rẹ idibo ri Fero vẹ obọ rẹ ihwo na ejobi.

Ẹyano 14:31

Izrẹl da mrẹ iruo ride rẹ Ọrovwohwo ru kpahe ihwo rẹ Ijipt, ihwo na da djẹ oshọ rẹ Ọrovwohwo, ayen de se Ọrovwohwo vi Mosis rẹ odibo rọye gbuyota.

Isẹ 24:21

Ọmọ mẹ, djẹ oshọ rẹ Ọrovwohwo na kugbe ovie, wọ phra ota raye-en;

Ọbe ri Pọl si rhe Ihwo ri Rom 13:4

Kidie ayen hẹ ọrhuẹre akpọ rẹ Ọghẹnẹ vwo mu. Ẹkẹvuọvo wo de ruchọ, gba djẹ gan, kidie ọ dianẹ ọ de yọnrọn ọlọkọ na ghevweghe-e; ọrhuẹrẹ akpọ rẹ Ọghẹnẹ o ruẹ, ọye re ria ihri rẹ umwemwu ejobi vwẹ obọ rẹ ohwo ro ruchọ.

1 Kọrẹnt 10:2

a da vwẹ ame kẹ ayen ejobi nene urhi ri Mosis vwẹ evun rẹ egho kugbe evun rẹ abadi na,

Joshua 3:7

Ọrovwohwo da ta kẹ Joshua, Nonẹ na mi che mu we kpenu vwẹ irharo rẹ Izrẹl ejobi, rere ayen riẹn nẹ, kirobo me vẹ Mosis diarọ na, ọtiọye me vẹ owẹ je dia.

Joshua 4:13

kere ihwo uriori ujuvẹ re choma rẹ ofovwi da ka obaro kẹ Ọrovwohwo re hẹrhẹ ofovwi, vwẹ uphephẹ ri Jeriko.

Joshua 4:15

Ọrovwohwo na da ta kẹ Joshua,

1 Samuẹl 12:18

Etiyin Samuẹl de se Ọrovwohwo, Ọrovwohwo da vwẹ agbrara vẹ osio rhe vwẹ ẹdẹ yena; ihwo na ejobi da djẹ oshọ rẹ Ọrovwohwo vi Samuẹl gangan.