Joshua 3:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Ọrovwohwo da ta kẹ Joshua, Nonẹ na mi che mu we kpenu vwẹ irharo rẹ Izrẹl ejobi, rere ayen riẹn nẹ, kirobo me vẹ Mosis diarọ na, ọtiọye me vẹ owẹ je dia.

Joshua 3:7 Iomraidhean Croise

1 Ikun rẹ Ivie 29:25

Ọrovwohwo da vwẹ otitivwe kẹ Solomọn vwẹ obaro rẹ Izrẹl ejobi, ọ da vwẹ ọtioghẹre rẹ orhuarho ọtiọye vwọ kẹ uvie rọye ọtiọ ra je vwọ kẹ ovie ọfa vwẹ Izrẹl na dẹvo-o.

2 Ikun rẹ Ivie 1:1

Solomọn rẹ ọmọ ri Devid da nabọ rhuẹrẹ oma phihọ otọ vwẹ evun rẹ uvie rọye, Ọrovwohwo rẹ Ọghẹnẹ rọye vẹ ọye da herọ o de ruo rho gangan.

ỌBE RẸ JOB 7:17

Die ohwo epha, wo vwo bru otitivwe rọye ru wọ vwọ vwẹ iroro wẹn kpahọ,

Une rẹ Ejiro 18:35

Wẹ re ke vwẹ ekpọfia rẹ esivwo, obọrhe wẹn da chọ vwẹ, ọchuko wẹn de ru vwe rhọ.

Iyẹnrẹ Esiri ri Jọn 17:1

Ọke ri Jesu vwọ ta eta nana nu, ọ da kpare opharo ni enu ọ da ta, Ọsẹ, ọke na tere; vwẹ urinrin kẹ Ọmọ wẹn rere Ọmọ na vwẹ urinrin kẹ owẹ.

Filipae 1:20

Rẹ ọ vwọ dia obo re me hẹrhẹ vẹ iphiẹrohọ na oma gbe rha vo o vwẹ kaka-a, ẹkẹvuọvo vwẹ evun rẹ aroeyivwo vwẹ ọke ejọbi ka sa vwẹ ọghọ kẹ Kristi vwẹ oma mẹ, owenẹ ọ dia ughwu eyẹ arhọ.

Joshua 1:17

Kirobo re avwanre mu ọghọ kẹ Mosis vwi kemu kemu na, ọtiọye avwanre ji mu ọghọ kẹ wẹ, takpe e jẹ Ọrovwohwo Ọghẹnẹ wẹn nene uwe dia, kirobo rọ vi Mosis diarọ.

Joshua 1:5

O vwo ohwo ọvuọvo ro che yivwi hirhe opharo ku we vwẹ ẹdẹ rẹ akpọ wẹn ejobi-i; kirobo mi vi Mosis diarọ, ọtiọye me vẹ owẹ je cha dia; me cha phiẹn wẹ-ẹn eyẹ me cha sẹn wẹ-ẹn.

Joshua 1:9

Ọ dia omẹvwẹ ri ji urhi na kẹ wẹ-ẹ? Goma wo yivwaro gangan, wọ phariẹ-ẹ, wo jẹ ofu dje we-e, kidie Ọrovwohwo Ọghẹnẹ wẹn vẹ owẹ herọ vwi kasan kasan wọ ra ejobi.

Joshua 3:6

Joshua da ta kẹ irherẹn na, We mu ekpeti rẹ ọphọ na, re wa ka obaro kẹ ihwo na. Ayen de mu ekpeti rẹ ọphọ na, ayen da ka obaro kẹ ihwo na.

Joshua 3:8

Ku wo ji urhi kẹ irherẹn na ri mu ekpeti rẹ ọphọ na nẹ, Ọke we de rhi te egbẹn rẹ urhie ri Jọdan na, ku we mudia kpehre vwẹ uherevie vwẹ evun ri Jọdan na.

Joshua 4:14

Vwẹ ẹdẹ yena Ọrovwohwo da kpare Joshua kpenu vwẹ obaro rẹ ihwo rẹ Izrẹl ejobi; kẹ ayen mudia phariẹ kẹ, kirobo rẹ ayen mudia phariẹ kẹ Mosis, vwẹ ẹdẹ rẹ akpọ rọye ejobi.