Joshua 3:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ ayen de ji urhi kẹ ihwo na nẹ, Ọke wa da mrẹ ekpeti rẹ ọphọ rẹ Ọrovwohwo Ọghẹnẹ wẹn na rẹ irherẹn ri Livae muru, ku we mu oyan nẹ asan rẹ wa epha re we nene,

Joshua 3:3 Iomraidhean Croise

2 Samuẹl 6:13

Ọke rẹ ihwo ri mu ekpeti rẹ Ọrovwohwo na da jẹn owọ esan kpo obaro, ọ me vwẹ erhuẹn rẹ ọshare tubie tubie ze izobo.

2 Samuẹl 6:3

Ayen de mu ekpeti rẹ Ọghẹnẹ na phihọ enu rẹ akpẹrẹ rẹ awọ ẹne ọkpokpọ, e de muo nẹ uwevwi rẹ Abinadab rọ hẹ enu rẹ ugbenu; Uzza kugbe Ahio emeshare rẹ Abinadab, keye ghorie akpẹrẹ ọkpokpọ na,

1 Ivie 8:3

Ekpako rẹ Izrẹl na ejobi da rhe, irherẹn na de mu ekpeti na.

Jerimaya 33:18

Irherẹn ri Livae re torhẹ izobo rẹ ẹtorhẹ, re torhẹ izobo rẹ oka, kugbe i ri ze izobo, gbe sa kare vwẹ obaro mẹ bẹdẹ-ẹ.

Ukeri 10:33

Etiyin ayen de mu oyan phihọ nẹ ugbenu rẹ Ọrovwohwo na, oyan rẹ ẹdẹ erha; ekpeti rẹ ọphọ rẹ Ọrovwohwo na, da ka obaro kẹ ayen vwẹ oyan rẹ ẹdẹ erha tavwe, ra guọnọ asan re de rovwoma ke ayen.

Ukeri 4:15

Ọke rẹ Erọn vẹ emeshare rọye de rhurhu ẹshẹ na nu kugbe ekuakua rẹ ẹshẹ na ejobi nu, kirobo rẹ erhọn na de che mu oyan phihọ, rẹ emọ ri Kohat de mu enana ghwa nu, ẹkẹvuọvo ayen vwẹ obọ te ekuakua efuanfon na-a, ayen de rhe ghwu. Enana keye ekuakua rẹ utughẹ ra da vwa oma na rẹ emeshare ri Kohat cha ghwa na.

Matiu 16:24

Jesu da ta kẹ idibo rọye nẹ, ohwo da guọnọ nẹ ọye nene uvwe, e jọ siẹn oma rọye re o mu agbagba rọye re o nene uvwe.

Matiu 8:19

Osiọbe ọvo de bro rhe, ọ da ta kẹ nẹ, Oyono, me guọnọre mi nene uwe kpo asan kasan re wọ ra ejobi.

Urhi Rivẹ 31:25

Mosis de ji urhi kẹ ihwo ri Livae re ghwa ekpeti rẹ ọphọ rẹ Ọrovwohwo na,

Urhi Rivẹ 31:9

Mosis ki si urhi nana, ọ da vwọ kẹ irherẹn rẹ emọ ri Livae na, re ghwa ekpeti rẹ ọphọ rẹ Ọrovwohwo na, kugbe ekpako rẹ Izrẹl ejobi.

Joshua 3:4

rere wa vwọ riẹn idjerhe ru wa cha yan wan, kidie wa je wan idjerhe nana dẹvo-o. Dede na uvwre cha dia usun rẹ ovwan vẹ ọrọye, uvwre ro sheri te kubit uriori ivẹ; we biẹ kẹrẹ-ẹ

Joshua 3:6

Joshua da ta kẹ irherẹn na, We mu ekpeti rẹ ọphọ na, re wa ka obaro kẹ ihwo na. Ayen de mu ekpeti rẹ ọphọ na, ayen da ka obaro kẹ ihwo na.

Joshua 3:8

Ku wo ji urhi kẹ irherẹn na ri mu ekpeti rẹ ọphọ na nẹ, Ọke we de rhi te egbẹn rẹ urhie ri Jọdan na, ku we mudia kpehre vwẹ uherevie vwẹ evun ri Jọdan na.

Joshua 4:10

Kidie irherẹn na re ghwa ekpeti na de mudia vwẹ uherevie ri Jọdan, bẹsiẹ re emu ejobi rẹ Ọrovwohwo ji urhi rọye kẹ Joshua nẹ ọ ta kẹ ihwo na rhi vwo re, kirobo ri Mosis ta kẹ Joshua ejobi. Okpakpa ihwo na vwọ wanvrẹn;

Joshua 6:6

Ọtiọye Joshua rẹ ọmọ ri Nọn de se irherẹn na ọ da ta kẹ ayen, Reyọ ekpeti rẹ ọphọ na, gbe jẹn irherẹn ighwrẹn reyọ ewanre rẹ ighoro rẹ egbo ighwrẹn re ka obaro kẹ ekpeti rẹ Ọrovwohwo na.

Ẹvwọphia 14:4

Enana hẹ ihwo re vwẹ eya gbe oma rẹ ayen ẹgua-a, kidie ayen sẹro rẹ oma rayen; enana hẹ ihwo ri nene Omogodẹ na kpo asan kasan rọ rare; a tan enana nẹ uherevie rẹ ihwo rẹ akpọ na rhe kerẹ emamọ rẹsosuọ vwọ kẹ Ọghẹnẹ kugbe Omogodẹ na,

1 Samuẹl 6:15

Ihwo ri Livae de mu ekpeti rẹ Ọrovwohwo na te otọ kugbe ekpeti ra vwọ cha na, rẹ ema rẹ oro na epha na, ayen de mu ayen kpahe oragha rode na; ihwo ri Bẹt-shẹmẹsh de ze izobo rẹ ẹtorhẹ kugbe izobo efa buebu ayen zeri vwẹ ẹdẹ yena kẹ Ọrovwohwo na.