Joshua 3:15 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁵ ọke rẹ ihwo re ghwa ekpeti na rhi vwo te Jọdan, rẹ awọ rẹ irherẹn re ghwa ekpeti na ghwa vwọ ro ame na (kidie Jọdan ku reghe erhọn rọye ejobi vwẹ ọke orhọ na),

Joshua 3:15 Iomraidhean Croise

Ivie rẹ Ivẹ 2:6

Etiyin Ilaija da rha ta kẹ nẹ, Hẹrhẹ vwẹ etinẹ, Me rẹ wẹ; fikiridie Ọrovwohwo ji uvwe kpo Jọdan. Ẹkẹvuọvo ọ da ta nẹ, Kirobo rẹ Ọrovwohwo herọ na, arhọ wẹn ke je herọ na, Me cha yan ji uwe vwo-o. Kọye ayen ivẹ, de ku usun phihọ.

1 Ikun rẹ Ivie 12:15

Enana ihwo re shariẹ Jọdan vrẹn vwẹ emeranvwe rẹ ẹsosuọ, ọke rọ vwọ vọn ro otọ, ọ da nẹrhẹ ihwo re dia iyara na ejobi kua yanran kpo obaro ọnre vẹ obuko ọnre.

1 Ikun rẹ Ivie 12:16

Ẹvo vwẹ ihwo ri Bẹnjamin vi Juda da rhe asan omesiono bru Devid rhe.

Aizaya 26:6

Owọ chiyiro muotọ, awọ rẹ ivwiogbere, kugbe ichiyi rẹ ihwo rẹ akpọ bẹn.

Jerimaya 12:5

“Ọ da dianẹ wọ vẹ ihwo vwẹ awọ djẹ onẹ oma da rhọ wẹ, komavọ wọ ru nene iyesi vwavwẹ oma Wọ da he otọ ofuefu wo de she teye otọ komavọ wo ru vwẹ oghwaghwo ri Jọdan?

Jerimaya 49:19

Kirobo rẹ okpohrokpo pho nẹ egbo ri Jọdan cha ro ogba ọgangan rẹ igegede ye, mi che ru ayen ra da djẹ jovwo kpregede, ohwo ro jevwe kọye me cha sanọ nọ re vwẹ enu rọye, Kidie ono re họhọ ovwẹ? Ono ri si ọbe se vwe?

Nahum 1:4

Ọ ghwọ ku abadi ọ da kpọ yamu, ọ da nẹrhẹ irhie na ejobi kpọ yamu; Beshan kugbe Karmẹl de vwioro, ẹbe djidji ri Lebanọn ejobi fare.

Joshua 3:13

Ọke rẹ awọ rẹ irherẹn ri mu ekpeti rẹ ọphọ rẹ Ọrovwohwo na, Ọrovwohwo ro vwo akpọ na ejobi na, ghwe te ame ri Jọdan na, ame ri Jọdan na kọ che bru dje ọ gbe djẹ ọkẹre-e, ame rọ dje nẹ obenu cha kọ cha kpahe ẹtan.

Joshua 4:18

Ọke rẹ irherẹn re ghwa ekpeti rẹ ọphọ rẹ Ọrovwohwo na vwo wotọ nẹ uherevie ri Jọdan na rhe, re awọ rẹ irherẹn na ghwe vwo te otọ ọyaya nure, ame ri Jọdan na de ghwe rhurie rhe ọ da vọn ro egben rọye reghe reghe kirobo rọ epha jovwo.