Joshua 3:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Nighere, ekpeti rẹ ọphọ rẹ Ọrovwohwo na cha ka obaro kẹ ovwan kpo Jọdan.

Joshua 3:11 Iomraidhean Croise

1 Ikun rẹ Ivie 29:11

Wẹ, E Ọrovwohwo, vwo ọrho, kugbe ogangan, vẹ urinrin vẹ ephiokparobọ vẹ ẹgba; fikiridie emu rẹ obo odjuvwu vẹ akpọ ejobi ewẹn; Ọwẹn ọye uvie na E Ọrovwohwo, wẹ a kpare kpenu vwẹ enu ri kemu kemu ejobi.

ỌBE RẸ JOB 41:11

Ono ri momo kẹ vwẹ, rọ ta nẹ me rhe hwa kẹ ọye? Obo re hẹ otọ rẹ odjuvwu ejobi e mẹ.

Une rẹ Ejiro 24:1

Akpọ na o rẹ Ọrovwohwo kugbe obo re vọnrọ ejobi, akpọ na kugbe obo re dia evun rọye ejobi;

Une rẹ Ejiro 97:5

Igbenu ke wran kere orhọrhe vwẹ obaro rẹ Ọrovwohwo, vwe obaro rẹ Ọrovwohwo re akpọ na ejobi.

Aizaya 3:12

Ihwo mẹ imitete ki shenyẹ ayen, eya ki che sun ayen. E ihwo mẹ, isun rẹ ovwanvwan sun ovwan ghwru, ayen de phi ozighi phihọ ada rẹ ovwan.

Aizaya 54:5

Kidie Oma rọ ma wẹ ọye ọshare wẹn, Ọrovwohwo rẹ otuofovwi na ọye odẹ rọye; Ọfuanfon Ọvuọvo rẹ Izrẹl na ọye Ọtan wẹn Ọghẹnẹ rẹ akpọ ejobi ọye e se.

Jerimaya 10:7

Ono jẹ oshọ wẹn ẹdjẹ, E Ovie rẹ ẹgborho na? Kidie ọna ẹkẹn ro te we, kidie vwẹ uherevie rẹ ẹgborho rẹ ọvweghwanre na ejobi kugbe evun rẹ uvie rayen na ejobi Ọ rọ hoho owẹ herọ-ọ.

Maika 4:13

Vrẹn rere wo wuye, E Ọmọtẹ ri Zayọn, kidie mi che ru ighoro wẹn hirhe phihọ utehru ichihotọ wẹn kerẹ ẹrovwo; ku wo che hwe ihwo buebu vworovworo, ka cha vwẹ erere rayen ze kẹ Ọrovwohwo, efe rayen kẹ Ọrovwohwo ro vwo akpọ soso.

Zẹfanaya 2:11

Ọrovwohwo na cha vwẹ oshọ mu ayen, eriyin ọ cha vwẹ owẹvwe hwe edjọ rẹ otọ na, kọye ayen che shiguẹ kẹ, dohwo dasan rọye, etọ rẹ ẹgbọrho na ejobi.

Zekaraya 14:9

Ọrovwohwo kọ dia ovie rẹ akpọ na ejobi, vwẹ ẹdẹ yena Ọrovwohwo kọ dia ọvo odẹ rọye kọ dia ọvo.

Zekaraya 4:14

Etiyin ọ da ta, Enana ivẹ na ra vwẹ ori ghworo ri mudia kẹre Ọrovwohwo rẹ akpọ soso na.

Zekaraya 6:5

Amakashe na da kpahe kẹ vwẹ, Enana yanran kpo igogo ẹne rẹ akpọ na, siẹrẹ ayen da vwẹ oma rayen nẹ vwẹ obaro rẹ Ọrovwohwo rẹ akpọ na ejobi nu.

Urhi Rivẹ 9:3

Vwẹ ọtiọye na ko wọ riẹn nonẹ na, nẹ Ọrovwohwo Ọghẹnẹ wẹn na ohwo rọ wan vrẹn karo kẹ wẹ kerẹ erhanre rọ ghwọrọ; ọ cha ghwọrọ ayen, ọ cha vwẹ ayen totọ vwẹ obaro wẹn; eriyin wọ cha djẹ ayen phia, wo mi ru ayen re ghwọrọ phẹrẹkpẹ, kirobo rẹ Ọrovwohwo ta kẹ wẹ vẹrhe.

Joshua 3:13

Ọke rẹ awọ rẹ irherẹn ri mu ekpeti rẹ ọphọ rẹ Ọrovwohwo na, Ọrovwohwo ro vwo akpọ na ejobi na, ghwe te ame ri Jọdan na, ame ri Jọdan na kọ che bru dje ọ gbe djẹ ọkẹre-e, ame rọ dje nẹ obenu cha kọ cha kpahe ẹtan.