Joshua 24:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Ọke rẹ ayen vwọ viẹ se Ọrovwohwo, o de phi ukori rẹ egho phihọ uvwre rẹ ovwan vẹ ihwo rẹ Ijipt, o de ru abadi na ọ da vwẹn rhurhu ayen, ẹro rẹ ovwan mrẹ obo ri mi ru kẹ Ijipt, ovwan da dia evun rẹ aghwa na ọke grogro.

Joshua 24:7 Iomraidhean Croise

Ẹyano 14:10

Ọke ri Fero vwo si kẹrẹ ayen re, ihwo rẹ Izrẹl da kpare ẹro rayen, nighe, ihwo rẹ Ijipt na ra vwọ tua ayen; oshọ rode de rhi mu ayen. Ihwo rẹ Izrẹl de kperi se Ọrovwohwo;

Ẹyano 14:20

ọ da rhe uvwre rẹ ihwo rẹ Ijipt vẹ ọ rẹ Izrẹl. Kẹ etiyin osunsun na vẹ egho na epha, ason na da rhe wan vrẹn je ohwohwo si kẹrẹ ohwo vwẹ ason na-a.

Ẹyano 14:31

Izrẹl da mrẹ iruo ride rẹ Ọrovwohwo ru kpahe ihwo rẹ Ijipt, ihwo na da djẹ oshọ rẹ Ọrovwohwo, ayen de se Ọrovwohwo vi Mosis rẹ odibo rọye gbuyota.

Urhi Rivẹ 1:46

Ọ da nẹrhẹ ovwan dia evun ri Kadẹsh ẹdẹ buebu, kerẹ uchẹdẹ rẹ ovwan dia oboyi te.

Urhi Rivẹ 2:14

Nẹ ẹdẹ rẹ avwanre vwo nẹ Kedesh-banea, rhi te ẹdẹ rẹ avwanre wan vrẹn uto ri Zẹrẹd na da dia ikpe ọgban gbe ẹrenren; bẹsiẹ rẹ edje rẹ eshare rẹ ofovwi na ejobi rhe vwọ ghwọrọ nẹ ohri rẹ erhọn na, kirobo rẹ Ọrovwohwo ve kẹ ayen.

Urhi Rivẹ 29:2

Mosis de se Izrẹl ejobi koko ọ da ta kẹ ayen nẹ, Ovwan mrẹ obo rẹ Ọrovwohwo ruru vwẹ irharo rẹ ovwan vwẹ otọ rẹ Ijipt vwọ ki Fero vẹ idibo rọye ejobi kugbe otọ rọye ejobi,

Urhi Rivẹ 4:34

Eyẹ o vwo ọghẹnẹ ọvo rọ sa ra reyọ ẹgborho nẹ ohri rẹ ẹgborho ọfa kẹ omobọ rọye re, ọ da vwẹ edavwini, vẹ eka vẹ imuigbunu, kugbe ofovwi, eye vwẹ obọgangan, vẹ ugbobọ ra riẹn phihọ kugbe oshọ rode na, kerẹ ọtiobo rẹ Ọrovwohwo rẹ Ọghẹnẹ rẹ ovwan ru kẹ ovwan mrẹ vwẹ evun rẹ Ijipt na?

Hibru 3:17

Kẹ amono re kpaherọ ophu ikpe ujuvẹ soso? Ọ dia ayen otu ri ru umwemwu, ri she ghwu vwẹ evun rẹ aghwa na?

Joshua 5:6

Kidie ihwo rẹ Izrẹl yan oyan na ikpe ujuvẹ soso vwẹ evun rẹ aghwa, bẹsiẹ rẹ ẹgborho na ejobi, ihwo ri te ofovwi ri ne otọ rẹ Ijipt rhe ejobi, vwo ghwu re, fikiridie ayen nyo urhuru rẹ Ọrovwohwo-o, ayen kọye Ọrovwohwo duvwu iyori kẹ nẹ e cha mrẹ otọ rẹ Ọrovwohwo ve kẹ esẹ rayen nẹ ọye vwọ kẹ avwanre, otọ rọ djẹ ọkẹre rẹ ameivie vẹ ọnyọn.