Joshua 24:25 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁵ Etiyin Joshua vẹ ihwo na da re ọphọ vwẹ ẹdẹ yena, o de ji iji kugbe irhi vwọ kẹ ayen vwi Shekẹm.

Joshua 24:25 Iomraidhean Croise

Jẹnẹsis 35:4

Etiyin ayen da vwẹ ẹdjọ, erhorha rẹ ayen vwori ejobi kẹ Jekọp, kugbe isa rẹ erhọn rẹ ayen ku phihọ, Jekọp de si ayen nu vwẹ otọ rẹ ọhahe rọ kẹrẹ Shikẹm.

Ivie rẹ Ivẹ 11:17

Jehoyada vẹ Ọrovwohwo da re ọphọ kugbe ovie vẹ ihwo na, nẹ ayen dia ihwo rẹ Ọrovwohwo; ọtiọye ọ je epha kẹ ovie vẹ ihwo na rhe.

2 Ikun rẹ Ivie 15:12

Ayen da re ọphọ rere ayen vwọ guọnọ Ọrovwohwo na, Ọghẹnẹ rẹ esẹ rayen, vẹ udu rayen ejobi vẹ ẹnwẹ rayen ejobi,

2 Ikun rẹ Ivie 15:15

Juda ejobi da ghọghọ vwẹ oma rẹ iyori eduvwo na; kidie ayen vwẹ udu rayen ejobi vwọ guọnọ, ayen da mrẹ, Ọrovwohwo da vwẹ omaerovwo vwo rhuo ayen oma riariẹ.

2 Ikun rẹ Ivie 23:16

Etiyin Jehoiada vẹ ihwo na ejobi kugbe ovie na da re ọphọ nẹ ayen dia ihwo rẹ Ọrovwohwo.

2 Ikun rẹ Ivie 29:10

Asakiephana me jẹ iroro phihọ evun rere me vẹ Ọrovwohwo vwọ re ọphọ, Ọghẹnẹ rẹ Izrẹl na, rere ophu ọtuatua rọye na vwo bi nẹ avwanre oma.

Nehemaya 9:38

Fiki rẹ ọnana ejobi na avwanre vwọ nabọ re ọphọ me de sio phihọ otọ, isun rẹ avwanre, ihwo ri Livae, kugbe irherẹn rẹ avwanre da vwẹ obọ nye.

Ẹyano 15:25

O de kperi se Ọrovwohwo; Ọrovwohwo de dje urhe ọvo kẹ, o de phio phihọ ame na, ame na da vwerhe. Etiyin Ọrovwohwo da vwẹ iji kẹ ayen ọ da davwe ayen ni,

Ẹyano 24:3

Mosis da rhe ọ da rhe ta ota rẹ Ọrovwohwo na vwọ kẹ ihwo na kugbe ẹgha rọye ejobi; ihwo na ejobi de kuenu gbe ọvo, tanẹ, Eta rẹ Ọrovwohwo tare ejobi avwanre ru.

Urhi Rivẹ 29:1

Enana eta rẹ ọphọ na rẹ Ọrovwohwo vwọ kẹ Mosis nẹ o nene ihwo rẹ Izrẹl re vwẹ otọ ri Moab, vwọ ba ọphọronene ayen re vwi Horẹb.

Joshua 24:1

Etiyin Joshua de se orua rẹ Izrẹl koko vwi Shekẹm o de se ekpako na, igbuyovwi na, iguẹdjọ na, kugbe inotu rẹ Izrẹl; ayen da vwẹ oma rẹ ayen phia kẹ Ọghẹnẹ.

Joshua 24:26

Joshua de si eta nana phihọ ọbe rẹ urhi rẹ Ọghẹnẹ, ọ da reyọ oragha rode, o de vwo vi vwẹ otọ rẹ ohahe vwẹ ẹshẹ rẹ Ọrovwohwo na.