Joshua 24:18 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁸ Ọrovwohwo da djẹ ihwo na nẹ obaro rẹ avwanre, ihwo rẹ Amọr re dia otọ na; vwẹ ọtiọye na avwanre ke ga Ọrovwohwo rhe, kidie Ọghẹnẹ rẹ avwanre o ruẹ.

Joshua 24:18 Iomraidhean Croise

Une rẹ Ejiro 116:16

E Ọrovwohwo, mẹvwẹ odibo wẹn, mẹvwẹ odibo wẹn, ọmọshare rẹ ọmọtẹ wẹn. Wọwẹ re rhan ifi nẹ uvwe.

Ẹyano 10:2

rere wo vwo gbe ikun nana kẹ ọmọshare wẹn vẹ emọ rẹ ọmọshare wẹn obo re me vwẹ ihwo rẹ Ijipt ha eha te, vẹ eka ri mi ru kẹ ayen; rere wọ vwọ riẹn nẹ Mẹvwẹ Ọrovwohwo na.

Ẹyano 15:2

Ọrovwohwo ọye ogangan mẹ kugbe une mẹ, o ji rhi hirhe phihọ esivwo mẹ; ọnana Ọghẹnẹ mẹ, ki mi jiro, Ọghẹnẹ rẹ ọsẹ mẹ, ke me kparọ kpenu.

Ẹyano 23:31

Ke me cha vwẹ ughwru rẹ ovwan vwo mu nẹ Abadi ọvwavware na re te Abadi ri Filistia nẹ aton na re te Yufretis; kidie mi che phi ihwo rẹ otọ na phihọ obọ wẹn, ke wọ cha djẹ ayen nẹ obaro wẹn.

Maika 4:2

ẹgborho buebu ke cha rhe, ayen ke ta: Yanrhe, e je kpo obo ugbenu rẹ Ọrovwohwo na, kpo uwevwi rẹ Ọghẹnẹ ri Jekọp; rere o yono avwanre idjerhe rọye rere avwanre yan nene ada rọye. Kidie evun ri Zayọn ọye urhi che nurhe, ota rẹ Ọrovwohwo mi rhe nẹ Jerusalẹm rhe.

Zekaraya 8:23

E nẹ Ọrovwohwo rẹ otuofovwi tare: Vwẹ ẹdẹ yena eshare ihwe che nẹ ẹgborho rẹ ephẹrẹ Kephere rhe cha yọnre ewun rẹ ohwo ri Ju, ta ne, Jẹn avwanre nene uwe, kidie Me nyori nẹ Ọghẹnẹ vẹ ovwan herọ.

Iruo rẹ Iyinkọn na 7:45

Oki rhi te ọke rẹ esẹ re avwanre vwo muo nene Joshua vwẹ ọke rẹ ayen vwọ djẹ ẹgborho na rẹ Ọghẹnẹ djẹ nẹ obaro rẹ esẹ rẹ avwanre. Ọtiọye ọ epha rhi te ọke ri Devid,

Urhi Rivẹ 10:21

Ọye ejiro wẹn, ọye jẹn Ọghẹnẹ wẹn, ro ru imu nana ride ri mu oshọ na kẹ wẹ, e rẹ ibiẹro wẹn mrẹre na.

Urhi Rivẹ 33:27

Ọghẹnẹ ri bẹdẹ na ẹdia wẹn, abọ ri bẹdẹ na obotọ wẹn. Ọ da djẹ ọvweghrẹ nẹ obaro wẹn, ọ da ta, Ghwọrọ.

Joshua 23:9

Kidie Ọrovwohwo na djẹ ẹgborho ride re goma nẹ obaro rẹ ovwan; vwọ kẹ ovwan, a je mrẹ ohwo ọvuọvo ro yivwi mudia hirhe opharo ku ovwan rhi te none na-a.

Joshua 24:17

kidie Ọrovwohwo Ọghẹnẹ rẹ avwanre ọye reyọ esẹ rẹ avwanre nẹ otọ rẹ Ijipt rhe, nẹ uwevwi rẹ ọvien rhe, ọ de ru iruo rẹ igbunu yena vwẹ irharo rẹ avwanre, ọ da serọ rẹ avwanre vwẹ idjerhe rẹ avwanre wanre, kugbe ohri rẹ oghẹrẹ rẹ ihwo rẹ avwanre wanvrẹn;

Joshua 24:19

Ẹkẹvuọvo Joshua da ta kẹ ihwo na, Ovwan sa ga Ọrovwohwo na-a; kidie Ọghẹnẹ ọfuanfon o ruẹ; jẹ Ọghẹnẹ rọ rioma; ọ sa vwẹ ogbeku vẹ imwemwu rẹ ovwan vwo ghovwo ovwa-an.