Joshua 24:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Wa da wanvrẹn Jọdan rhi te Jeriko, ihwo ri Jeriko da họnre ovwan, eriyin ji te ihwo rẹ Amọr, ihwo ri Beriz, ihwo ri Kenan, ihwo ri Het, ihwo ri Girgash, ihwo ri Hiv, kugbe ihwo ri Jebus; mi de phi ayen phihọ obọ rẹ ovwan.

Joshua 24:11 Iomraidhean Croise

Jẹnẹsis 15:19

Otọ rẹ ihwo ri Ken, ihwo ri Keniz, ihwo ri Kadmon,

Une rẹ Ejiro 105:44

Ọ da vwẹ otọ rẹ ẹgborho na kẹ ayen; ayen da reyọ eyere rẹ emamọ rẹ ihwo na wian phihọ,

Une rẹ Ejiro 114:3

Abadi niri ọ da djẹ, Jọdan de rhivwi kpo uko.

Une rẹ Ejiro 114:5

Die ri kpokpo uwe, E abadi, ru wọ vwọ djẹ? E Jọdan, ru wo vwo rhivwi kpo uko?

Ẹyano 13:5

Ọke rẹ Ọrovwohwo da reyọ owẹ vwọ rhe otọ rẹ ihwo ri Kenan, ihwo ri Het, ihwo rẹ Amọr, ihwo ri Hiv, ihwo ri Jebus, ro ve kẹ esẹ wẹn nẹ ọye vwọ kẹ wẹ, otọ rọ djẹ ọkẹre rẹ ame rẹ ivie vẹ ọnyọn ku wọ gọ ẹga nana vwẹ emeranvwe nana.

Ẹyano 23:23

Ọke rẹ amakashe mẹ da ka obaro kẹ wẹ, rọ da rọye owẹ rhe vwa ihwo rẹ Amọr vi Het, vi Pẹriz, vi Kenan, vi Hiv, vi Jebus, ri mi de phoro odẹ rayen nu,

Ẹyano 23:28

Ki mi ji iro mẹ ka obaro kẹ wẹ, e re cha djẹ ihwo ri Hiv, vi Kenan, vi Het, nẹ obaro kẹ wẹ.

Ẹyano 23:31

Ke me cha vwẹ ughwru rẹ ovwan vwo mu nẹ Abadi ọvwavware na re te Abadi ri Filistia nẹ aton na re te Yufretis; kidie mi che phi ihwo rẹ otọ na phihọ obọ wẹn, ke wọ cha djẹ ayen nẹ obaro wẹn.

Ẹyano 3:17

Mi de ve nẹ me rọye ovwan nẹ evun rẹ omaẹlaghọ rẹ Ijipt na rhe, vwo kpo otọ rẹ Kenan; o rẹ Hit, vẹ Amọr, o rẹ Feriz, vẹ Hiv kugbe Jebu, otọ rọ djẹ ọkẹre rẹ ame rẹ ivie vẹ ọnyọn.

Ẹyano 3:8

Ọtiọye na ke me rhere rhi si ayen nẹ obọ rẹ ihwo rẹ Ijipt, re mi si ayen nẹ otọ yena vwo kpo otọ rọ yoma rọ rhoro, otọ rọ djẹ ọkẹre rẹ ame rẹ ivie vẹ ọnyọn. Otọ rẹ ihwo rẹ Kenan, ihwo rẹ Hit, ihwo rẹ Amọr, ihwo rẹ Periz, ihwo rẹ Hiv kugbe ihwo rẹ Jebu.

Ẹyano 33:2

Ki mi ji amakashe ka obaro kẹ wẹ, ke Me djẹ ihwo ri Kenan, ihwo rẹ Amor, ihwo ri Het, ihwo ri Pẹriz, vẹ ihwo ri Hiv, kugbe ihwo ri Jebus.

Iruo rẹ Iyinkọn na 13:19

Ọke rọ vwọ guọghọ ẹgborho ighwrẹ vwẹ otọ ri Kenan nu, ọ da vwẹ uku rẹ otọ na kẹ ayen, kerẹ emu rẹ ikpe ujori ẹne gbẹ ujuvẹ gbẹ ihwe.

Iruo rẹ Iyinkọn na 7:45

Oki rhi te ọke rẹ esẹ re avwanre vwo muo nene Joshua vwẹ ọke rẹ ayen vwọ djẹ ẹgborho na rẹ Ọghẹnẹ djẹ nẹ obaro rẹ esẹ rẹ avwanre. Ọtiọye ọ epha rhi te ọke ri Devid,

Urhi Rivẹ 7:1

Ọke rẹ Ọrovwohwo Ọghẹnẹ wẹn da vwẹ owẹ te otọ ru wọ ra re yeri na, rọ da djẹ ẹgborho buebu nẹ obaro wẹn, ihwo ri Hẹt, vẹ ihwo ri Gigash, vẹ ihwo rẹ Amọr, vẹ ihwo ri Kenan, vẹ ihwo ri Pẹriz, vẹ ihwo ri Hiv, kugbe ihwo ri Jebus, ẹgborho ighwrẹ re rhoro je gan nọ ovwan na;

Joshua 3:10

Joshua da ta, Vwẹ oma rẹ ọna wa vwọ riẹn nẹ Ọghẹnẹ ro jeghwo na ọ hẹ uherevie rẹ ovwan, nẹ o che jẹ ihwo ri Kenan, ihwo ri Hẹt, ihwo ri Hiv, ihwo ri Periz, ihwo ri Girgash, ihwo rẹ Amọr, kugbe ihwo ri Jebu ẹ djẹ nẹ obaro wẹ-ẹn.

Joshua 4:1

Ọke rẹ ẹgborho na ejobi vwọ wan Jọdan vrẹn nu, Ọrovwohwo da ta kẹ Joshua nẹ,

Joshua 4:19

Ihwo na de wotọ nẹ Jọdan rhe vwẹ ẹdẹ rihwe rẹ emeranvwe rẹ ẹsosuọ, ayen de mu erhọn vwi Gilgal vwẹ obaro ọnre vwẹ ughwru ri Jeriko.

Joshua 4:23

Kidie Ọrovwohwo Ọghẹnẹ wẹn nẹrhẹ ame ri Jọdan na kpọ ya hirhe phihọ otọ ọyaya bẹsiẹ rẹ ovwan vwọ wanvrẹn nu, kirobo rẹ Ọrovwohwo Ọghẹnẹ wẹn ru kẹ Abadi Ọvwavware na, rọ nẹrhẹ ọ kpọ ya hirhe phihọ otọ ọyaya bẹsiẹ rẹ avwanre vwọ wanvrẹn nu,

Joshua 9:2

ayen da rhe ghwẹ oma koko vẹ iroro ọvo rhe vwọ họnre Joshua kugbe Izrẹl.