Joshua 23:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Kidie we de kuoma rhẹriẹ, we de re kuoma gbe imihwo rẹ ẹgborho nana ri chekọ vwẹ ohri rẹ ovwan rẹ ovwan vẹe ayen da rọvwọ kugbe, rẹ ovwan da reyọ eya rayen re da reyọ e rẹ ovwan,

Joshua 23:12 Iomraidhean Croise

Jẹnẹsis 2:24

Fiki rẹ ọtiọye na ọshare vwọ yan jẹn ọsẹ rọye vẹ oni rọye vwo kọ rhe gbanọ aye rọye, ayen ke dia oma ọvo.

Jẹnẹsis 34:3

Erhi rọye de churu mui Dinah ọmọtẹ ri Jekọp na; ivun rọye da vwerhọ ọ da ta ota dẹndẹn vwọ kẹ.

1 Ivie 11:2

nẹ ẹgborho rẹ Ọrovwohwo ta kẹ ihwo rẹ Izrẹl nẹ, Wa rọvwọ aye-en, eyẹ ayen je rọvwọ ovwa-an, kidie ayen cha nẹrhẹ udu rẹ ovwan nene ẹdjọ rayen; enana keye je Solomọn.

1 Ivie 11:4

Kidie ọke ri Solomọn rhe vwọ ghwore eya rọye da rhe rhẹriẹ udu rọye rhi nene ẹdjọ efa; udu rọye ki ghevweghe kpahe Ọrovwohwo Ọghẹnẹ rọye, kirobo rẹ udu ri Devid ọsẹ rọye epha.

Une rẹ Ejiro 125:5

Ẹkẹvuọvo ayen otu ri rhivwi kpo idjerhe ogugunu rayen. Ọrovwohwo ko sun ayen yanran kugbe ihwo umwemwu! Ufuoma dia kẹ Izrẹl.

Une rẹ Ejiro 36:3

Ota rẹ unu rọye ota ogbarogba vẹ ophiẹvwe: o gbi se ruẹ emu rẹ ẹghwanre kugbe oyoyovwi-i

Aizaya 1:4

E, orere umwemwu ihwo ri kru orukuruku ghwa, uvwiẹ re iruimwemwu na, emọ re omwumwerhe na! Ayen sen Ọrovwohwo, ayen jẹn Ọfuanfon Ọvuọvo re Izrẹl na fia, a riẹriẹ ayen ghwru tototo.

Izikiẹl 18:24

Ẹkẹvuọvo ọke rẹ ọvwata de kurhẹriẹ nẹ ọvwata rọye ro de ru orukuruku ro de ru emu ẹgua rẹ ohwo umwemwu ruẹ, kọ rhọ vwọ? A gbe karophihọ ọvuọvo rẹ iruo rẹ ọvwata ruru jovwo na-a; fiki rẹ ogbigbiru rọ re abe rọye na kugbe umwemwu ro ruru na, ko ghwu.

Zẹfanaya 1:6

Otu ri chuko ku ri gbi nene Ọrovwohwo-o, re gbe guọnọ Ọrovwohwo-ọ eyẹ ri gbi duotọ rẹ emu vwẹ obọ rọye-e.

Matiu 12:45

Ko rhivwi yanran, ọ me ra reyọ erhi ighwrẹ efa re bra nọ ekpuyovwi rọye, ayen me ro evun rọye rhe dia. Eyenre rẹ ohwo na vwẹ ukuko na mi rhi miovwi nọ ọ rẹsosuọ. Ọtiọye orua nana cha dia.

Iyẹnrẹ Esiri ri Jọn 6:66

Rẹ ọnana vwọ wan nu idibo rọye buebu de sihọ uko ayen gbi nene yan ọfa-a.

Ọbe ri Pọl si rhe Ihwo ri Rom 12:9

We jẹ ẹguọnọ rẹ ovwan dia ọ rẹ unu diodi-i; Jẹn umwemwu tu ovwan oma, churu obọ mu obo ri yoma.

Urhi Rivẹ 6:15

kidie Ọrovwohwo Ọghẹnẹ wẹn rọ herọ vwẹ uherevie wẹn na Ọghẹnẹ rọ rioma; ọ dia ọtiọye-e ophu rẹ Ọrovwohwo Ọghẹnẹ wẹn da rha tua kpahe owẹ, rọ da ghwọrọ owẹ nẹ otọ rẹ akpọ na.

Urhi Rivẹ 7:3

wọ vẹ ayen ji knoma gbe vwẹ orọvwe-e, wọ vwẹ emetẹ wẹn kẹ emeshare raye-en eyẹ wọ vwẹ emetẹ rayen kẹ emeshare wẹ-ẹn.

Urhi Rivẹ 7:4

Kidie o che ku udu rẹ emeshare wẹn rhẹriẹ ri de je uvwe enene, rere ayen ra ga ẹdjọ; rẹ ophu rẹ Ọrovwohwo da rhe tua kpahe owẹ, rọ da rhe ghwọrọ owẹ phẹrẹkpẹ.

Joshua 23:11

Gba nabọ kẹnẹ oma rẹ ovwan, we nyo, re wa guọnọ Ọrovwohwo Ọghẹnẹ rẹ ovwan.

1 Jọn 2:9

Ohwo rọ tare nẹ ọye evun rẹ urhukpẹ nu o de rhe tuoma rẹ oniọvo rọye yọ je hẹ evun rẹ ebri rhi te ọke na.

Iguẹdjọ 14:3

Ẹkẹvuọvo ọsẹ vẹ oni rọye da ta kẹ nẹ, Wọ mrẹ aye vwẹ usun rẹ emetẹ rẹ orua wẹ-ẹn, eyẹrẹ vwẹ usun rẹ ihwo rẹ avwanre-e, ru wọ ra vwọ reyọ aye ri Filistia ihwo re yanvwa-a? Ẹkẹvuọvo Samsin da ta kẹ ọsẹ vẹ oni rọye nẹ, Reyọ aye na kẹ vwẹ, fikiridie o je vwe gangan.

Iguẹdjọ 3:6

ayen da reyọ emetẹ rayen vwọ rọvwọ, ayen da vwẹ emetẹ rayen vwọ kẹ emeshare rayen; ayen da ga edjọ rayen.