Joshua 22:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Etiyin ihwo ri Rubẹn vẹ ihwo ri Gad kugbe abọvo vwẹ orua ri Manasse de rhivwi kpo, ayen da hẹriẹ oma nẹ ihwo rẹ Izrẹl vwi Shiloh, rọ hẹ otọ ri Kenan, vwo kpo otọ ri Gilead, otọ rẹ obọ rayen re ayen vwọ kẹ omobọ rayen vwẹ urhi rẹ Ọrovwohwo wan unu ri Mosis ji.

Joshua 22:9 Iomraidhean Croise

2 Samuẹl 2:9

ọ da vwọ ma ovie vwọ kẹ Giliad kugbe Ashur vẹ Jẹzreel vẹ Ifrem, Bẹnjamin kugbe Izrẹl ejobi.

1 Ikun rẹ Ivie 5:9

Ọ da dia obaro ọnre rhiri re duvwu asan ra wan ro aton na vwẹ ẹbẹre obonẹ ri Yufretis fikiridie erhuẹn rayen rhi buphihọ vwẹ otọ ri Giliad.

Une rẹ Ejiro 60:7

Giliad ọ mẹ, Manasse ọ mẹ; Ifrem ọye erhu mẹ; Juda ọye ọkpọ mẹ.

Ukeri 32:1

Asakiephana emọ ri Rubẹn kugbe emọ ri Gad de vwo uchuru buebu gbidi; ayen da mrẹ otọ ri Jazer kugbe otọ ri Giliad, nighe, asan na da dia asan rẹ uchuru.

Ukeri 32:20

Etiyin Mosis da ta kẹ ayen, ọ da dianẹ wo ru ọnana, wa da ghwẹ ekuakua rẹ ofovwi rẹ ovwan rẹ ovwan da ka obaro kẹ Ọrovwohwo vwo kpo ofovwi na,

Ukeri 32:22

ru we de phi otọ na kua vwẹ obaro rẹ Ọrovwohwo; we de ru ọyena nu ku we rhivwi yu we sio oma rẹ ovwan nẹ abọ rẹ oghwa rẹ Ọrovwohwo kugbe Izrẹl; otọ nana kọ dia ughwẹ rẹ ovwan vwẹ obaro rẹ Ọrovwohwo.

Ukeri 32:26

Imitete rẹ avwanre na, eya rẹ avwanre, igodẹ rẹ avwanre na, kugbe irhuẹn rẹ avwanre na, ke dia etinẹ vwẹ evun rẹ irere ri Giliad;

Ukeri 32:29

Mosis da ta kẹ ayen, ọ da dianẹ emọ ri Gad kugbe emọ ri Rubẹn, dohwo doma rọye da cha kẹ ofovwi na vwẹ obaro rẹ Ọrovwohwo na, ri de nene ovwan wan Jọdan na vrẹn rẹ ovwan de phi otọ na kua, etiyin ke wa vwẹ otọ ri Giliad vwọ ghare ayen ughwẹ;

Urhi Rivẹ 3:18

Mi de ji iji kẹ ovwan vwẹ ọke yena, nẹ, Ọrovwohwo rẹ Ọghẹnẹ rẹ ovwan na vwẹ otọ nana kẹ ovwan nẹ ovwan dia nure; egba rẹ ovwan cha ghwẹ ekuakua rẹ ofovwi phihọ oma wan vrẹn obaro rẹ imoni rẹ ovwan ihwo rẹ Izrẹl.

Urhi Rivẹ 3:20

bẹsiẹye rẹ Ọrovwohwo vwọ kẹ imoni rẹ ovwan omerovwo, ọtiobo ra kẹ ovwan na rere ayen ji dia otọ rẹ Ọrovwohwo Ọghẹnẹ rẹ ovwan na vwọ kẹ ayen vwẹ ovrẹn ri Jọdan; kẹsiẹye re ovwan dohwo dẹdia rọye ki rhivwi ra, ẹdia ra kẹ ovwan na.

Urhi Rivẹ 34:1

Mosis da yan nẹ uphẹphẹ ri Moab vwo kpo ugbenu ri Nebo, kpenu ri Pisga, ro hirhe aro ku Jeriko. Ọrovwohwo da vwẹ otọ na ejobi nẹ ni Giliad re te Dan,

Joshua 13:11

kugbe Gilead, kugbe ubrakpọ ri Geshur vi Maakat, vẹ Ugbenu ri Hẹrmọn, vi Bashan ejobi re te Salekah,

Joshua 13:25

Ubrotọ rayen ki Jaza, kugbe irere ri Gilead ejobi, kugbe ubro rẹ otọ rẹ ihwo rẹ Ammọn, re te Aroer, rọ obaro ọnre vwi Rabbah,

Joshua 13:31

kugbe abọvo ri Gilead, kugbe Ashtarọt, vẹ Endrei, irere rẹ uvie rẹ Ọg vwi Bashan; enana keye a ghare ẹkẹnkẹn kẹ ihwo ri Maka ọmọ ri Manasse ra vwọ kẹ abọvo vwẹ ekru ri Maka kirobo rẹ ekru rayen epha.

Joshua 22:10

Ọke rẹ ayen rhi vwo te ubrakpọ ri Jọdan, ro fi otọ ri Kenan, ihwo ri Rubẹn vẹ ihwo ri Gad kugbe abọvo rẹ orua ri Manasse da so agbada pliho oma ri Jọdan, agbada rode gangan.

Iguẹdjọ 20:1

Etiyin ihwo rẹ Izrẹl ejobi de vrẹn nẹ obi Dan rhe Bẹẹrshẹba, kugbe otọ ri Giliad, ogbotu na de rhi koko kerẹ ohwo ọvo ayen de bru Ọrovwohwo rhe vwi Mizpa.

Iguẹdjọ 5:17

Giliad da daji ẹbẹre oboyi ri Jọdan; kugbe Dan, die sorọ ọ vwọ dia evun rẹ eko? Asha tidia gbiẹi vwe obọ erhuru re urhie, ọ ghwa dia kerẹ asan ro gbo phihọ na.