Joshua 22:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Nabọ vwẹ oma kpotọ yọnre urhi ri Mosis odibo rẹ Ọrovwohwo na ji kẹ ovwan, re wa guọnọ Ọrovwohwo Ọghẹnẹ wẹn, re wa yan phihọ idjerhe rọye, re wa sẹro rẹ irhi rọye, rere we churu muo, rere wa vwẹ udu rẹ ovwan ejobi vwọ ga kugbe ẹnwẹ rẹ ovwan ejobi.

Joshua 22:5 Iomraidhean Croise

Une rẹ Ejiro 106:3

Ebruba kẹ ayen otu re guọnọ ọsoso, ri ruẹ ọvwata vwẹ ọke ejobi!

Une rẹ Ejiro 78:7

rere ayen sa vwẹ ẹro rayen kpahe Ọghẹnẹ, re iruo rẹ Ọghẹnẹ vwo je ayen ẹ chọrọ ẹro, ẹkẹvuọvo rẹ ayen sẹro rẹ urhi rọye;

Ẹyano 15:26

tanẹ, Wọ da vwẹ oma kpotọ nyo ota rẹ Ọrovwohwo Ọghẹnẹ wẹn, wo de ru obo ri shephihọ vwẹ ẹro rọye, wọ da kerhọ rẹ iji rọye wọ da yọnrọn ayen, emiavwe ri mi vwo mu ihwo rẹ Ijipt na gbi che mu we-e, kidie Mẹvwẹ Ọrovwohwo, osivwi wẹn.

Ẹyano 20:6

ẹkẹvuọvo ji nẹ eguọnọ ro jẹrhẹriẹ uri aku uri kẹ ayen otu re guọnọ ovwẹ re yọnrọn irhi me.

Ẹyano 23:13

Kerhọ rẹ obo rẹ me ta kẹ wẹ na ejobi; wo se odẹ rẹ edjọ efa kaka-a yẹrẹ wo je nyo ọtiọye na vwẹ unu wẹ-ẹn.

Ẹyano 23:25

Wọ me ga Ọrovwohwo Ọghẹnẹ wẹn, ki mi bruphihọ ikara wẹn vẹ ame wẹn; ki mi si emiavwe nẹ ohri wẹn.

Isẹ 4:23

Jẹn udu wẹn sasa vwẹ ọke ejobi; kidie evun rọye ogbugbu rẹ arhọ va nẹ cha.

Aizaya 55:2

Die wọ vwọ rhaphiẹ igho wẹn phihọ emu rọ dia emuọre-e, wọ vwọ wian phihọ obọ re vọn evu-un? Nabọ kerhọn Mẹ, re wọ re obo ri yovwiri, rere oma rẹ ivwir vwerhe owẹ.

Jerimaya 12:16

Ọke che te, ọ da dianẹ ayen vwẹ erhiọri yono idjerhe re ihwo mẹ, rẹ ayen da vwẹ odẹ mẹ ve ive tanẹ, Obo rẹ Ọrovwohwo epha na, ọtiobo rẹ ayen yono ihwo mẹ vwọ reyọ odẹ ri Baal vwo duvwu iyori na, ke me bọn ayen phihọ uherevie rẹ ihwo mẹ.

Matiu 22:37

Ọ da ta kẹ nẹ, Guọnọ Ọrovwohwo Ọghẹnẹ wẹn vwẹ udu wẹn ejobi, vwẹ ẹnwẹn wẹn ejobi, kugbe iroro wẹn ejobi.

Matiu 4:10

Etiyin Jesu da ta kẹ nẹ, Wan nẹ obaro mẹ, Ẹdjo na; Kidie e siro nẹ, Ọrovwohwo Ọghẹnẹ ọye wo shiguẹ kẹ, ọye ọvo wo je ga.

Matiu 6:24

Ohwo sa ga inini ivẹ-ẹ, ọ da dia ọtiọye kọ dia avwebọ kẹ ọvo, ọ me rha dia avwiorọvwe kẹ ọrivẹ; eyẹ ko si kẹre ọvo ko sheri kẹ ọrivẹ; Wọ sa ga Ọghẹnẹ vẹ ẹdjọ kugbe-e.

Iyẹnrẹ Esiri ri Luk 1:74

nẹ ọye vwọ kẹ avwanre, rere, o de si avwanre nẹ obọ rẹ ivwighrẹ rẹ avwanre nu, avwanre vwọ sa ga vwẹ ufuoma,

Iyẹnrẹ Esiri ri Jọn 12:26

Ohwo da ga vwẹ, ko nene uvwe; asan re me epha, kẹ etiyin idibo mẹ je dia rhe; ohwo da ga vwẹ, Ọsẹ na kọ vwẹ ọghọ kẹ.

Iyẹnrẹ Esiri ri Jọn 14:15

Ovwan da guọnọ ovwẹ, ovwan gba sẹro rẹ irhi mẹ.

Iruo rẹ Iyinkọn na 11:23

Ọke rọ vwọ rhe rhe mrẹ ẹserọphẹ rẹ Ọghẹnẹ na, oma da vwerhọn; o de bru ayen uche rere ayen nabọ mudia gan vwi iruo rẹ Ọrovwohwo na;

Iruo rẹ Iyinkọn na 27:23

Kidie vwẹ ason nana dẹn na amakashe rẹ Ọghẹnẹ re me ga na ro ji vwovwe na de rhi mudia kẹrẹ ovwẹ,

Ọbe ri Pọl si rhe Ihwo ri Rom 1:9

Kidie Ọghẹnẹ hẹ iseri mẹ, ohwo re me vwẹ erhi mẹ ejobi ga vwẹ evun rẹ iyẹnrẹ esiri rẹ Ọmọ rọye, obo ri mi se odẹ rẹ ovwan te kẹdẹ kẹdẹ vwẹ evun rẹ ẹrhovwo mẹ.

Ọbe ri Pọl si rhe Ihwo ri Rom 12:9

We jẹ ẹguọnọ rẹ ovwan dia ọ rẹ unu diodi-i; Jẹn umwemwu tu ovwan oma, churu obọ mu obo ri yoma.

Ọbe ri Pọl si rhe Ihwo ri Rom 8:28

Avwanre riẹnre nẹ emu kemu ejobi rẹ ohwo rọ guọnọ Ọghẹnẹ ruru ọ phiọn kẹ, ihwo re seri kirobo rẹ ẹguọnọ rọye epha.

Urhi Rivẹ 10:20

Wọ Me djẹ oshọ rẹ Ọrovwohwo Ọghẹnẹ wẹn na; ọye wọ ga, ọye wọ gba oma mu, odẹ rọye wo vwo ve ive.

Urhi Rivẹ 11:1

Vwẹ ọtiọye na wọ Me guọnọ Ọrovwohwo Ọghẹnẹ, vwo ru iruo kẹ, vwọ yọnrọn irhi, vẹ ẹgha kugbe iji rọye, vwẹ ọke ejobi.

Urhi Rivẹ 11:13

Ọ da dianẹ wa yọnrọn irhi mẹ ri mi ji kẹ ovwan nonẹ na, wa da guọnọ Ọrovwohwo Ọghẹnẹ rẹ ovwan na, vwọ vwẹ udu rẹ ovwan ejobi kugbe ẹnwẹn rẹ ovwan ejobi ga,

Urhi Rivẹ 11:22

Kidie ọ da dianẹ wa fẹkotọ yọnrọn urhi nana ri mi ji kẹ ovwan na, re de ruo; vwọ guọnọ Ọrovwohwo Ọghẹnẹ rẹ ovwan na vwọ yan phihọ idjerhe rọye ejobi, vwọ gba oma muo;

Urhi Rivẹ 13:4

Wa Me yan nene Ọrovwohwo rẹ ovwan na, wa Me djẹ oshọ yọnrọn irhi rọye, vwo nyo urhuru rọye, wa Me ga re wa je gba oma muo.

Urhi Rivẹ 4:29

Ẹkẹvuọvo ovwan da dia oboyi guọnọ Ọrovwohwo Ọghẹnẹ rẹ ovwan, ko wa cha mrẹ, ro wọ da vwẹ udu rẹ ovwan kugbe ẹnwẹn ejobi guọnọ.

Urhi Rivẹ 4:4

Ẹkẹvuọvo ovwan ejobi re gbanọ Ọrovwohwo Ọghẹnẹ rẹ ovwan na je herọ rhi te nonẹ na.

Urhi Rivẹ 4:6

Wa yọnrọn ayen re we ru ayen; kidie ẹyọnrọn rayen ẹriẹn vẹ aghwanre kẹ ovwan vwẹ obaro rẹ ihwo na, ihwo ri nyo irhi nana ejobi ke cha ta nẹ, Ọ muẹro ẹgborho rode nana ihwo ghwanghwanre re riẹnre.

Urhi Rivẹ 4:9

Wọ Me jomaotọ, vwẹ ẹro re ẹnwẹn wẹn dẹndẹn, obo rẹ ẹro wẹn mrẹre da rha chọre owẹ ẹro, ri de nẹ udu wẹn vwẹ ẹdẹ rẹ akpọ wẹn ejobi; ẹkẹvuọvo wo mi jẹ emọ wẹn kugbe emọ rẹ emọ wẹn riẹn ayen;

Urhi Rivẹ 5:10

ẹkẹvuọvo ji nẹ ẹguọnọ ro jẹrhẹriẹ uri aku uri, kẹ ayen otu re guọnọ ovwẹ re yọnrọn irhi mẹ.

Urhi Rivẹ 6:17

Wa Me vwẹ oma kpotọ yọnrọn irhi rẹ Ọrovwohwo Ọghẹnẹ rẹ ovwan na, vẹ iseri rọye, kugbe ẹgha rọye, i ro ji kẹ ovwan na.

Hibru 12:15

E ja mrẹ nẹ ohwo ọvuọvo fiabọ rẹ ẹserọphẹ rẹ Ọghẹnẹ na-a; e jẹn owọ urhe rẹ ophu tan cha vwẹ ohri rẹ ovwan rọ so okpetu-u, ro che gbe ihwo buebu ẹgua-a;

Jems 1:12

Ebruphihọ kẹ ohwo ro chirako vwẹ ọke rẹ odavwini: fikiridie o de mudia gan, ko vwo erhu rẹ arhọ na, rẹ Ọrovwohwo ve phihọ kẹ otu re guọnerọ.

Jems 2:5

Ovwan kerhọn, imoni mẹ re ghare. Ọ dia Ọghẹnẹ ọvo re sanọ ihwo rẹ akpọ se nẹ ovwiogbere na nẹ e rhe dia edafe rẹ esegbuyota kugbe ireuku rẹ uvie ro veri kẹ otu re guọnerọ na?

Joshua 23:8

ẹkẹvuọvo we churu mu Ọrovwohwo Ọghẹnẹ rẹ ovwan kirobo ru we ruru rhi te nonẹ na.

Ẹvwọphia 15:3

Ayen da so une ri Mosis, Odibo rẹ Ọghẹnẹ na, kugbe une rẹ Omogodẹ na, tanẹ, Iruo wẹn pha rhuarho igbunu, E Ọrovwohwo Ọghẹnẹ Ọrovwoẹgba! Ọsoso kugbe uyota hẹ idjerhe wẹn, E Ovie rẹ oge ejobi.

1 Samuẹl 12:20

Samuẹl da ta kẹ ihwo na, Wa djẹ oshọ-ọ, we ru emu umwemwu nana ejobi, yi we ji chuko ku Ọrovwohwo-o, ẹkẹvuọvo wa je vwẹ udu rẹ ovwan ejobi vwọ ga Ọrovwohwo;

1 Samuẹl 12:24

Takpe wa djẹ oshọ rẹ Ọrovwohwo wa ga vwẹ ọ rẹ uyota vwẹ udu rẹ ovwan ejobi, kidie roro okpemu ride ro ru kẹ ovwan.

1 Samuẹl 7:3

Etiyin Samuẹl da ta kẹ uwevwi rẹ Izrẹl ejobi, Wa da vwẹ udu rẹ ovwan ejobi kurhẹriẹ bru vwe rhe, we gbe ku edjọ erhorha na kufia kugbe Ashera na nẹ ohri rẹ ovwan, re we hirhe udu rẹ ovwan ku Ọrovwohwo, re wa ga ọye ọvo, ko sivwi ovwan nẹ obọ rẹ ihwo ri Filistia.