Joshua 22:27 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁷ ẹkẹvuọvo rere ọ vwọ dia iseri kẹ avwanre vẹ ovwan kugbe uvwre rẹ avwanre vẹ uvwiẹ rọ cha, nẹ avwanre ga ẹga nana vwe irharo rẹ Ọrovwohwo fiki rẹ izobo rẹ ẹtorhẹ rẹ avwanre kugbe izobo rẹ ufuoma, emọ rẹ ovwan da rha ta kẹ emọ rẹ avwanre vwẹ ọke rọ cha nẹ, We vwo ẹkẹn vwẹ oma rẹ Ọrovwohwo-o.

Joshua 22:27 Iomraidhean Croise

Jẹnẹsis 31:48

Laban da ta, Osusu nana ri goro na ọye iseri kẹ vwẹ vẹ owẹ nonẹ na. Fiki rẹ ọtiọye na o de se Galeed,

Jẹnẹsis 31:52

Ekru nana iseri, osusu nana ji iseri rhe, nẹ Me sa shariẹ ekru nana bru we rhe-e, eyẹ ekpuyovwi wẹn sa shariẹ ekru na bru vwe rhe ri ru emu-u.

Une rẹ Ejiro 16:5

Ọrovwohwo ọye ughwẹ me re me jẹreyọ kugbe iko mẹ, wewe re yọnrọn ẹkẹn mẹ.

Aizaya 19:19

Vwẹ ẹdẹ yena ka cha so agbada kẹ Ọrovwohwo vwẹ uherevie re otọ rẹ Ijipt na, ka cha ma osusu kẹ Ọrovwohwo vwẹ ughwru rọye.

Urhi Rivẹ 12:11

kẹsiẹye o ki rhi re te asan rẹ Ọrovwohwo Ọghẹnẹ rẹ ovwan sanọre nẹ odẹ rọye dia Etiyin na, Etiyin wa ghwẹ irhi mi ji iji kẹ ovwan na rhe; izobo ra torhẹre rẹ ovwan, vẹ izobo rẹ ovwan vẹ abọvo rẹ ẹkẹn ihwe rẹ emu rẹ ovwan, vẹ osa ẹhwa rẹ obọ rẹ ovwan, vẹ omamọ rẹ ive ri we veri kẹ Ọrovwohwo na.

Joshua 22:10

Ọke rẹ ayen rhi vwo te ubrakpọ ri Jọdan, ro fi otọ ri Kenan, ihwo ri Rubẹn vẹ ihwo ri Gad kugbe abọvo rẹ orua ri Manasse da so agbada pliho oma ri Jọdan, agbada rode gangan.

Joshua 22:26

Fiki rẹ ọtiọye na avwanre vwọ tanẹ, Gbe jẹ avwanre so agbada ọvo, ọ dia ọ rẹ izobo rẹ ẹtorhẹ-ẹ, eyẹ fiki rẹ izobo-o,

Joshua 22:28

Avwanre ki rori nẹ, Ọ da dianẹ a ta ọnana kẹ avwanre eyẹ uvwiẹ rẹ avwanre vwẹ ọke rọ cha, avwanre ke ta, Nighere, ọkpọ rẹ agbada rẹ Ọrovwohwo na, rẹ esẹ rẹ avwanre soro, o dianẹ fiki rẹ izobo rẹ ẹtorhẹ-ẹ eyẹ fiki rẹ izobo-o, ẹkẹvuọvo rere ọ vwọ dia iseri kẹ avwanre vẹ ovwan.

Joshua 22:34

Ihwo ri Rubẹn kugbe ihwo ri Gad de se agbada na iseri, Kidie, ayen tare nẹ, iseri ọ epha vwẹ uvwre rẹ avwanre nẹ Ọrovwohwo ọye Ọghẹnẹ.

Joshua 24:27

Joshua da ta kẹ ihwo na, Nighe, oragha nana ko che se iseri hwe avwanre; kidie o nyo eta rẹ Ọrovwohwo nana ejobi rọ ta kẹ avwanre na; fiki rẹ ọtiọye na ko che se iseri hwe we, wo de rhi ru ogbigbiru rhurhu Ọghẹnẹ wẹn.

1 Samuẹl 7:12

Etiyin Samuẹl da reyọ oragha o de vwo vi uvwre ri Mizpah vi Jẹshanah, o de se odẹ rọye Ẹbẹnizar, kidie ọ tare nẹ, Etinẹ na Ọrovwohwo da cha avwanre uko.