Joshua 22:22 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²² Ọgba ọvuọvo na, Ọghẹnẹ, Ọrovwohwo na! Ọgba Ọvuọvo na, Ọghẹnẹ, Ọrovwohwo na! Ọ riẹnre, ọ je nẹrhẹ okpuyovwi rẹ Izrẹl riẹn! Ọ da dianẹ fiki rẹ omukpahe eyẹ fiki rẹ urhi rẹ Ọrovwohwo egbe, wo gbi jẹ avwanre rho nonẹ-ẹ

Joshua 22:22 Iomraidhean Croise

1 Ivie 8:39

gbe nyo vwẹ obo odjuvwu asan ru wọ dia, re wo vwo ghovwo, re wo ru, re wọ hwa osa kẹ ohwo ọvuọvo ru wọ riẹn udu rọye, kirobo rẹ idjerhe rọye ejobi epha (kidie wẹ, wẹ ọvo, re riẹn udu rẹ emọ rẹ ihwo);

ỌBE RẸ JOB 10:7

Yu wọ riẹnre nẹ me re abe-e, ye ohwo ọvuọvo herọ rọ se sivwe nẹ abọ wẹ-ẹ?

ỌBE RẸ JOB 23:10

Ẹkẹvuọvo ọ riẹn idjerhe re me wanre, ọke rọ vwọ davwe ovwẹ ni, ke me cha va phia kerẹ oro.

ỌBE RẸ JOB 31:22

gbe jẹn ophapha rẹ igabọ me she no, gbe jẹn ugbobọ mẹ kpare nẹ ẹdia rọye.

Une rẹ Ejiro 136:2

E vwẹ ẹkpẹvwẹ kẹ Ọghẹnẹ Osonobrughwẹ kidie ẹguọnọ rọye ro je rhẹriẹ na dia rhiri bẹdẹ.

Une rẹ Ejiro 37:6

Kọ vwẹ ase wẹn phia kerẹ uvo, iruo esiri wẹn kerẹ uherevie rẹ uvo.

Une rẹ Ejiro 40:9

Mi gbe ikun rẹ aghọghọ rẹ esivwo vwẹ evun rẹ ukoko rode na; nighe, mi ji rhurhu ẹbẹrunu mẹ-ẹ, kirobo wọ riẹnre, E Ọrovwohwo.

Une rẹ Ejiro 44:21

kẹ Ọghẹnẹ rha mrẹ otọ rẹ ọnana-a? Kidie ọye re riẹn odjahọ rẹ udu.

Une rẹ Ejiro 44:22

Ẹjo, fiki wẹ e vwo hwe avwanre ghwẹ vwẹ ẹdẹ na ejobi, e de kere avwanre kerẹ igodẹ re che re hwe.

Une rẹ Ejiro 50:1

Ọgba ọvuọvo na, Ọghẹnẹ Ọrovwohwo na, o tare o de se akpọ na koko ne ẹvacha rẹ ọnre re te eshe kpotọ rọye.

Une rẹ Ejiro 82:1

Ọghẹnẹ reyọ ẹdia rọye vwẹ ukoko rẹ eghẹnẹ re vwẹ uherevie rẹ eghẹnẹ na etiyin o de guẹdjọ;

Une rẹ Ejiro 95:3

Kidie Ọrovwohwo ọye Ọghẹnẹ rode, ọye Ovie rode rọ rhonọ ẹdjọ ejobi.

Une rẹ Ejiro 97:7

Ihwo re gọ ema ejobi oma cha vo ayen, re vwe erharhe re ema vwọ yan eyan; ẹdjọ na ejobi shiguẹ vwẹ obaro rọye

Ẹyano 18:11

Asakiephana me riẹnre nẹ Ọrovwohwo rhonọ eghẹnẹ ejobi, kidie o sivwi ihwo na nẹ obọ rẹ ihwo rẹ Ijipt, ọke rẹ ayen vwọ kpare oma kpenu kẹ ayen.

Jerimaya 12:3

Ẹkẹvuọvo wẹ re riẹn vwẹ, E Ọrovwohwo, wẹ re mrẹ vwẹ, wọ da davwẹ iroro mẹ ni vwọ kpahe owẹ. Si ayen phia kerẹ igegede re che hwe, wọ da vwẹ ayen kpahe ọrhon vwọ hẹrhẹ ẹdẹ rẹ ehwe.

Jerimaya 17:10

Mẹvwẹ Ọrovwohwo na re hiẹ iroro, me je davwẹ udu nẹ, rọ kẹ ohwo kohwo kirobo rẹ uruemu rọye epha, kirobo rẹ emamọ rọye epha.

Daniẹl 11:36

Ovie na kọ che ru obo ri jere, ko che brọrho o mi rhe mu oma rọye kpenu nọ edjọ kedjọ, kọ cha ta ota rẹ ọdẹ kpahe Ọghẹnẹ ro vwo eghẹnẹ ejobi na. O che yovwo bẹsiẹ rẹ ophu na vwọ gba; fikiridie obo ra jẹ iroro rọye kpahe otọ kẹ jovwo na cha phia.

Daniẹl 2:47

Ovie na da ta kẹ Damẹl, Uyota, Ọghẹnẹ wẹn ọye Ọghẹnẹ ro vwo eghẹnẹ kugbe Ọrovwohwo ro vwo lvie ejobi, ọye ọvo ji dje emuigbunu phia, kidie wo se dje emuigbunu nana phia.

Maika 7:9

Ki mi chiri ophu rẹ Ọrovwohwo na fikiridie mi ru umwemwu kpahọ, bẹsiẹ ro vwo mie vwẹ unu vwo gu ro de brorhiẹ kẹ vwẹ. kọ vwẹ ovwẹ kpo asan rẹ urhukpẹ epha; ke me mrẹ esivwo rọye vughe.

Malakae 3:18

Ọke yena re kẹ ovwan che vughe ofẹnẹ rọ hẹ ohri rẹ ọvwata vẹ oruimwemwu, vwẹ uvwre rẹ ohwo rọ ga Ọghẹnẹ vẹ ọ ro jẹ ẹga.

Iyẹnrẹ Esiri ri Jọn 21:17

Ọ da ta kẹ obọ rerha, Saimọn, ọmọ ri Jọn, wọ guọnọ ovwẹ? Ophu de mu Pita rọ vwọ nọ asiarha gbagba nẹ, Wọ guọnọ ovwẹ? Ọ da ta kẹ, Ọrovwohwo, wọ riẹn emu ejobi re; wọ riẹnre nẹ me guọnọ owẹ. Jesu da ta kẹ, Ghẹrẹ igegede mẹ.

Iruo rẹ Iyinkọn na 1:24

Ayen da nẹ ẹrhovwo ta nẹ Ọrovwohwo, ọ rọ riẹn udu rẹ ihwo ejobi na, gba jẹ ohwo ọvo reyọ vwẹ usun rẹ ihwo ivẹ nana,

Iruo rẹ Iyinkọn na 25:11

Ọ da dianẹ mi ru oruchọ, re me da chọ urhi ro fo ughwu, me guọnọre nẹ me pharhe vabọ-ọ; ẹkẹvuọvo urhi na rhe mu vwe-e, ohwo ọvuọvo sa vwẹ ovwẹ kẹ aye-en. Mi mu ẹdjọ mẹ rhe Siza.

2 Kọrẹnt 11:11

Kidie sorọ? Fikiridie me guọnọ ovwa-an? Ọghẹnẹ riẹnre nẹ me guọnọ ovwan!

2 Kọrẹnt 11:31

Ọghẹnẹ kugbe Ọsẹ rẹ Ọrovwohwo Jesu, ohwo ra vwẹ ebruba kẹ bẹdẹ, riẹnre nẹ me vwọnrọn ọfia-an.

2 Kọrẹnt 5:11

Vwẹ ọtiọye na, ra vwọ riẹn oshọẹdjẹ rẹ Ọrovwohwo na, kẹ avwanre riẹriẹ ihwo; ẹkẹvuọvo obo rẹ avwanre epha Ọghẹnẹ ọvo re riẹnre, mi phiẹrohọ nẹ udu rẹ ovwan je riẹn rhe.

Urhi Rivẹ 10:17

Kidie Ọrovwohwo Ọghẹnẹ wẹn na, ọye Ọghẹnẹ rẹ ẹdjọ, gbe Ọrovwohwo rẹ irivwohwo, Ọghẹnẹ rode, ro mu oshọ, ro nẹ ohwo ẹro-o, ọ je ria udi-i.

1 Timoti 6:16

ọvuọvo ro je ghwo na rọ dja vwẹ evun rẹ orẹẹmrẹ re yivwẹ siẹ kẹrẹ-ẹ, rẹ akpọ je mrẹ dẹvo-o eye sa mrẹ-ẹ. Ọye a vwẹ ọghọ kugbe isuesun ri bẹdẹ kẹ. Isẹ.

Hibru 4:13

O vwo emama ọvuọvo ro sioma nu kẹ-ẹ, emu na ejobi rhie phihọ ghwroro kẹ ohwo rẹ avwanre vẹ ọye gbe yerẹ kuẹgbe na.

Joshua 22:21

Etiyin ihwo ri Rubẹn, ihwo ri Gad, kugbe abọvo rẹ orua ri Manasse da kpahe kẹ igbuyovwi rẹ ekru rẹ Izrẹl na!

Ẹvwọphia 19:16

E de si odẹ tamu ewun rọye kugbe ekpoghowọ rọye, Ovie rẹ ivie kugbe Ọrovwohwo ro vwo ihwo.

Ẹvwọphia 2:23

Emọ rẹ ayen vwẹ ọfanrhiẹ vwiẹ na ki ghwu re. Ishọshi na ejobi ke riẹn nẹ mẹvwẹ re hiẹ iroro kugbe udu, ke me hwa osa kẹ ovwan ọvuọvo kirobo rẹ iruo rẹ ovwan teri.

1 Samuẹl 15:23

Kidie urhi ẹchọ epha kerẹ umwemwu rẹ epha, udu ọgangan ọ epha kerẹ orukuruku vẹ ẹdjọ ẹgọ. Fikiridie wọ sen ota rẹ Ọrovwohwo, okpuyovwi rọye je sen we nẹ wo gbe dia ovie-e.

1 Samuẹl 2:3

Wọ gbe ta ota rẹ eheri ọtiọye ganga-an, Wọ rha jẹ ọjẹfia nẹ unu wẹ cha-a; kidie Ọrovwohwo ọye Ọghẹnẹ rẹ erianriẹn, ọye re vwanvwan uruemu.