Joshua 22:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Ọke rẹ ihwo Izrẹl vwo nyo, ọghwẹgbe rẹ lzrẹl ejobi de rhi koko vwi Shiloh, rere a ra họnrọ ayen.

Joshua 22:12 Iomraidhean Croise

Ọbe ri Pọl si rhe Ihwo ri Rom 10:2

Mi se se oseri nẹ oruru rẹ ẹga rẹ Ọghẹnẹ rhe ayen, ẹkẹvuọvo idjerhe rẹ ughenghẹn kọye ayen neneri.

Urhi Rivẹ 13:15

wo mi ghinẹ vwẹ ọlọkọ hwe ihwo rẹ orere yena, ghwọrọ ejobi tototo, te eranvwe vẹ emu re herọ ejobi, wọ Me vwẹ ọlọkọ ghwọrọ ayen.

Joshua 18:1

Etiyin ukoko rẹ ihwo rẹ Izrẹl ejobi da rhe ghwẹ koko vwi Shiloh, ayen da gba utughẹ ra da vwa oma phihọ etiyin; yẹ ayen phi otọ na ejobi kua nure.

Joshua 22:13

Etiyin ihwo rẹ Izrẹl de ji Finehas ọmọ reẹ Eleazar rẹ orherẹn na bru ihwo ri Rubẹn vi Gad kugbe abọvo rẹ orua ri Manasse, vwẹ obo otọ ri Gilead,

Joshua 22:15

Ayen de rhi te asan rẹ ihwo ri Rubẹn, vẹ ihwo ri Gad, kugbe abọvo rẹ ihwo ri Manasse epha, vwẹ otọ ri Gilead, ayen da ta ke ayen,

Joshua 22:32

Etiyin Finehas rẹ ọmọ rẹ Eleazar rẹ orherẹn na, kugbe ehọnvwore na, de rhivwi jẹ ihwo ri Rubẹn na vwo kugbe ihwo ri Gad vwẹ otọ ri Gilead ayen de kpo otọ ri Kenan, bru ihwo rẹ Izrẹl, ayen da rhe nẹ iyẹnrẹn kẹ ayen.