Joshua 21:43 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴³ Enẹ kọye Ọrovwohwo vwọ kẹ Izrẹl etọ na ejobi ro ve phihọ kẹ esẹ rayen, re ayen vwọ reyọ etọ na nure, kẹ etiyin ayen diare.

Joshua 21:43 Iomraidhean Croise

Jẹnẹsis 12:7

Etiyin Ọrovwohwo da vwẹ oma phia kẹ Ebram, ọ da ta, Uvwiẹ wẹn Me cha vwẹ otọ nana kẹ. O da so agbada kẹ Ọrovwohwo rọ vwẹ oma phia kẹ, vwẹ Etiyin na.

Jẹnẹsis 13:15

kidie otọ na ejobi re wọ mrẹ na Me vwẹ ayen kẹ wẹ kugbe uvwiẹ wẹn bẹdẹ.

Jẹnẹsis 28:4

Jọ vwẹ ebruphihọ rẹ Ebraham kẹ wẹ kugbe uvwiẹ wẹn ejobi, rere wọ vwọ sa reyọ otọ rẹ ihwo ru wọ kua bru na, re Ọghẹnẹ vwọ kẹ Ebraham na vwọ riuku.

2 Ikun rẹ Ivie 20:8

Ayen da dia rhabae rhe, ayen da rha bọn ọguan rẹ ẹshẹ phihọ vwọ kẹ odẹ wẹn.

Nehemaya 9:24

Ọtiọye na uvwiẹ rayen da yanran re vwo otọ na, wọ da djẹ ihwo re dia otọ na jovwo no, ihwo ri Kenan, wo de phi ayen phihọ obọ rayen, vẹ ivie rayen kugbe Ihwo rẹ otọ na, rere ayen ru obo ri je ayen kẹ ayen.

Nehemaya 9:8

wọwẹ re mrẹ udu rọye nẹ o vwo esegbuyota vwẹ obaro wẹ, wo vẹ ọye da re ọphọ nẹ wọ vwẹ otọ ri Kenan kẹ uvwiẹ rọye, ihwo ri Hẹt, ihwo re Amọr, ihwo ri Pẹrẹz, ihwo ri Jebu, kugbe ihwo ri Girgash; wo ghine ru ive wẹn gba, kidie ọvwata wo ruẹ.

Une rẹ Ejiro 105:8

O davwerhọn re ọphọ rọye bẹdẹ, vwẹ ota ro ji urhi rọye, kẹ uvwiẹ uriori,

Une rẹ Ejiro 44:3

kidie ọ dianẹ kẹ ogangan rẹ ọlọkọ rayen ayen vwo vwo otọ na-na, eye ke igbabọ rayen ayen vwo phi kparobọ-ọ, ẹkẹvuọvo obọrhe wẹn, kugbe igbabọ wẹn, kugbe urhukpẹ rẹ arhanre wẹn; kidie ivun re ayen vwehe owẹ

Une rẹ Ejiro 78:55

Ọ da djẹ ẹgborho nẹ obaro kẹ ayen; ọ da ghare otọ na ẹkuẹko kẹ ayen ọ da vwẹ itughẹ royen vwọ kẹ orua rẹ Izrẹl dia.

Ẹyano 3:8

Ọtiọye na ke me rhere rhi si ayen nẹ obọ rẹ ihwo rẹ Ijipt, re mi si ayen nẹ otọ yena vwo kpo otọ rọ yoma rọ rhoro, otọ rọ djẹ ọkẹre rẹ ame rẹ ivie vẹ ọnyọn. Otọ rẹ ihwo rẹ Kenan, ihwo rẹ Hit, ihwo rẹ Amọr, ihwo rẹ Periz, ihwo rẹ Hiv kugbe ihwo rẹ Jebu.

Jerimaya 32:23

Ayen da ruọ ra dia. Ẹkẹvuọvo ayen nyo urhuru wẹ-ẹ, ayen je yan phihọ urhi wẹ-ẹ; ayen ru emu ọvuọvo re wo jiji kẹ ayen nẹ ayen ru na-a, kọye umiovwo nana ejobi vwo bru ayen rhe.

Ukeri 33:53

ku wọ reyọ otọ na ku wọ dia evun rọye, kidie me vwẹ otọ na vwọ kẹ wẹ vwọ riuku nure.

Ukeri 34:2

Ji urhi kẹ ihwo rẹ Izrẹl, re wọ ta kẹ ayen, ọke ru wọ da ro otọ ri Kenan (ọnana otọ ro che te we rọ dia ẹkẹn uku wẹn, otọ ri Kenan asan ro rho te ejobi),

Urhi Rivẹ 11:31

Kidie wa cha wan Jọdan vrẹn re vwẹ otọ rẹ Ọrovwohwo Ọghẹnẹ kẹ ovwan, we che vwo, re wa dia,

Urhi Rivẹ 12:29

Ọke rẹ Ọrovwohwo Ọghẹnẹ wẹn da guọghọ ẹgborho na ejobi nẹ obaro wẹn nu asan wọ ra reyọ na, wo de vwo ayen, wọ da dia otọ rayen,

Urhi Rivẹ 17:14

Ọke wọ de rhi te otọ rẹ Ọrovwohwo Ọghẹnẹ wẹn kẹ wẹ na, wọ da reyọ nu wọ diare, wọ da tanẹ, Me vwẹ ovie mu vwẹ enu mẹ, ketẹ ẹghotho re riariẹ ovwẹ phihọ na;

Urhi Rivẹ 34:4

Ọrovwohwo da ta ke, Ọnana otọ ri mi ve kẹ Ebraham, kẹ Aizik, kugbe Jekọp, Me vwọ kẹ esakpegodi wẹn. Mi ju we vwẹ ibiẹro wẹn mrẹ nure, yẹ ẹkẹvuọvo wọ cha sa wan vrẹn rẹ te oboyi-i.

Joshua 1:6

Gba goma rere wo yivwaro, kidie wẹ re cha nẹrhẹ ihwo nana riuku rẹ otọ ri mi duvwu iyori kẹ esẹ rẹ ovwan nẹ me vwọ kẹ ayen na.

Joshua 21:42

Irere nana dorere dotọ rẹ egbri rọye rọ riarierẹ phihọ; etiyin ọ epha kẹ irere nana ejobi.

Iguẹdjọ 11:24

Ovwan gba reyọ emu ri Kemọsh ẹdjọ rẹ ovwan vwọ kẹ ovwan? Ọtiọye na kohwo kohwo rẹ Ọrovwohwo Ọghẹnẹ rẹ avwanre djẹ nẹ obaro rẹ avwanre, avwanre ke cha reyọ otọ rayen.

1 Samuẹl 12:8

Ọke ri Jekọp vwo kpo Ijipt rẹ ihwo rẹ Ijipt wo shenyẹ ayen, etiyin esẹ rẹ ovwan da viẹ se Ọrovwohwo, Ọrovwohwo de ji Mosis vẹ Erọn, ayen da reyọ esẹ rẹ ovwan nẹ otọ rẹ Ijipt rhe, ọ da vwẹ etine na kẹ ayen dia.