Joshua 20:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Ohwo rọ ọreihri rẹ ọbara na da vwọ tua rhe, ayen siobọ nẹ ohwo rẹ obọ chọre na kẹ-ẹ; fikiridie obọ chọrọ hwe ọrivẹ rọye na, ọ vẹ ọye ghwọre jovwo-o.

Joshua 20:5 Iomraidhean Croise

Livitikọs 4:2

Ta ke ihwo te Izrẹl, O da dianẹ ohwo vwẹ ugheghẹ ru umwemwu vwẹ emu kemu ejobi rẹ Ọrovwohwo vwo ji urhi nẹ erue-e, na, O rha riẹ-ẹn o de ru ayen,

Ukeri 35:12

Irere na ke dia asan ra djẹrhọ nẹ obọ rẹ ọreihri, rere ọ rẹ obọ chọre vwọ je ghwo bẹsiẹ ro vwo mudia vwẹ obaro rẹ ukoko na vwẹ ẹdjeguo.

Ukeri 35:25

ukoko na ko sivwi ọ rẹ obọ chọre na nẹ obọ rẹ ọreihri rẹ ọbara, ukoko na ko vwo rhivwi kpo orere ra djẹrhọ na, rọ djẹ ra jovwo na, kọ dia evun rọye bẹsiẹ rẹ orherẹn rode ra vwẹ evwri ọfuanfon ghworo uyovwi vwo ghwu.