Joshua 2:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ ọ da ta kẹ ihwo na, Me riẹnre nẹ Ọrovwohwo na phi otọ na phihọ ovwan obọ nure, nẹ oshọ ro ovwan ko di muẹ avwanre kpakpa, ihwo rẹ orere na wranre kakare.

Joshua 2:9 Iomraidhean Croise

Jẹnẹsis 35:5

Ọke rẹ ayen vwọ yan re, uguegue ro nẹ obọ rẹ Ọghẹnẹ rhe de rhi mu irere re riariẹ ayen phihọ, oshọ gbi jẹ ayen vwọ tua emọ ri Jekọp na-a.

2 Samuẹl 17:10

Ọnana ihwo re rori ni yivwaro, rẹ udu rayen họhọ udu rẹ okpohrokpo ke wran vẹ oshọ; kidie Izrẹl ejobi riẹnre nẹ ọsẹ wẹn ọgba rode, ihwo ri ji nene na je vwẹ ẹgba rhe.

Ivie rẹ Ivẹ 5:15

Etiyin o de rhivwi bru ohwo rẹ Ọghẹnẹ na ra, te ọye te usun rọye o de rhi mudia obaro rọye; ọ da ta Nighe, Me riẹnre nẹ Ọghẹnẹ hẹ akpọ na ejobi-i jokpa rẹ Izrẹl, ọtiọye gbe rhie abọ wọ reyọ okẹ nana mie odibo wẹn.

Ivie rẹ Ivẹ 7:6

Fikiridie Ọrovwohwo ru ituofovwi rẹ ihwo ri Siria nyo edo rẹ ekpẹrẹ vẹ iyesi rẹ ituofovwi ride, kọye ayen da ta kẹ ohwohwo, Nighe, ovie rẹ Izrẹl durhie ivie ri Het vẹ ivie rẹ Ijipt rhe rhẹ họnre avwanre.

Nehemaya 6:16

Re ivwighrẹ rẹ avwanre ejobi vwo nyo re, ẹgborho re yariẹ avwanre phihọ na da rhe vọn vẹ oshọ oma da rhọ ayen; kidie ayen vwe evun roro nẹ e ruiruo nana vwẹ ọchuko rẹ Ọghẹnẹ re avwanre.

Ẹsta 8:17

Kubrakpọ ọvuọvọ vẹ orere ọvuọvo, asan rẹ ota vẹ urhi rẹ ovie na teri, omavwerhovwẹ vẹ aghọghọ kọye herọ vwọ kẹ ihwo ri Ju, ore vẹ omerovwo. Ihwo rẹ orho na buebu da vwẹ oma ru ihwo ri Ju, kidie oshọ rẹ ihwo ri Ju mu ayen.

ỌBE RẸ JOB 19:25

Kidie me riẹnre nẹ Ọ rọ tavwẹ hirhe herọ nẹ o che mudia enu rẹ akpọ na vwẹ ukuko rọye,

Une rẹ Ejiro 112:10

Ohwo umwemwu mrẹrẹ ivun dẹ miovwo; ọ riako rọye jọ wran yanran; ẹguọnọ rẹ ohwo umwemwu che vwo oba.

Une rẹ Ejiro 115:16

Idjuvwu na idjuvwu rẹ Ọrovwohwo na, ẹkẹvuọvo otọ na kọye ọ vwọ kẹ emọ rẹ ihwo.

Ẹyano 18:11

Asakiephana me riẹnre nẹ Ọrovwohwo rhonọ eghẹnẹ ejobi, kidie o sivwi ihwo na nẹ obọ rẹ ihwo rẹ Ijipt, ọke rẹ ayen vwọ kpare oma kpenu kẹ ayen.

Ẹyano 23:27

Ke me cha vwẹ uguegue mẹ ka obaro kẹ wẹ, kọ cha ghwẹ ọyanghan phihọ ihwo re wọ cha vwa ejobi, ki mi che ru ivwighrẹ wẹn ejobi chuko ku we.

Aghwoghwo 8:12

Owenẹ, oruimwemwu ru umwemwu abọ ujori yo ghwẹ-ẹ, dede na me riẹnre nẹ o che yovwi kẹ ihwo re djẹ oshọ rẹ Ọghẹnẹ fikiridie ayen djẹ oshọ vwẹ obaro rọye;

Aizaya 19:1

Ona aroẹmrẹ kpahe Ijipt. Nighe, Ọrovwohwo rọ gua vughu vughu vwẹ ikoro ọ da rhe Ijipt, ema rẹ Ijipt ki che kpogho vwẹ obaro rọye, udu rẹ ihwo rẹ Ijipt ke cha wran vwẹ oma rayen.

Aizaya 23:5

Ọke rẹ iyẹnrẹ na de rhi te Ijipt kẹ ayen vweri uvweri fiki rẹ iyẹnrẹ ro nẹ Taya rhe.

Jerimaya 27:5

Mẹvwẹ ohwo rọ vwẹ ọrho mẹ rode na vẹ ogangan rẹ obọ mẹ ma akpọ na, kugbe ihwo vẹ eranvwe re hẹ enu rẹ akpọ na, me vwọ kẹ ohwo kohwo ro jevwe nẹ me vwọ ke.

Nahum 2:10

Kua! ẹkuafiotọ vẹ ẹghwọrọ! Udu nẹ ẹdia, igbo ra phariẹ, uvweri vọn oma ejobi hwe, epharo ejobi ki phurẹn phurẹn!

Ukeri 20:14

Mosis de ji ikọn nẹ Kadesh rhe bru ovie rẹ Idọm, Enẹ oniọvo wẹn Izrẹl tare: Wọ riẹn ukpokpogho ro te avwanre oma;

Ukeri 20:24

Erọn ko che ghwu bru ihwo rọye; kidie ọ cha sa ru otọ re me vwọ kẹ ihwo rẹ Izrẹl na-a, fikiridie wo vwo udu kẹ urhi mẹ vwẹ asan ame ri Meriba.

Matiu 20:15

Wo gbi roro nẹ o fori rere me vwẹ igho mẹ ru obo ri je vwe-e? Gbenẹ ivun miovwo ovwan fiki rẹ obo me vwọ riẹn emu ru?

Urhi Rivẹ 11:25

O gbi vwo ohwo ro se mudia vwẹ obaro rẹ ovwa-an; Ọrovwohwo Ọghẹnẹ rẹ ovwan na che phi oshọ vẹ uguegue re ovwan vwo enu rẹ otọ rẹ ovwan chiri, kirobo ro veri kẹ ovwan na.

Urhi Rivẹ 2:25

Me vwẹ uguegue vẹ oshọ wẹn mu ihwo re herọ vwẹ otọ rẹ odjuvwu nonẹ na, ihwo ri che nyo usi wẹn, che kpogho, ayen ke re oja vwi fiki wẹn.

Urhi Rivẹ 28:10

Ihwo rẹ akpọ na ejobi ke mrẹ nẹ a vwẹ odẹ rẹ Ọrovwohwo se ovwan; oshọ rẹ ovwan ko mu ayen.

Urhi Rivẹ 32:8

Ọke rẹ Ọro Me Kpenu ejobi vwọ kẹ ẹgborho na ejobi ukuẹriọ rayen nu, rọ vwọ hẹriẹ emọ rẹ ihwo nu, o de gberi ughwru kẹ ihwo na, kirobo rẹ unu rẹ emọ rẹ Ọghẹnẹ bute.

Hibru 11:31

Vwẹ esegbuyota ọye Rihab rẹ igberadja na vwo je ghwo kugbe ayen otu ri jẹ ọghọ emuo na, fikiridie ọ nabọ dede otu ri rhi dọrhẹ na.

Joshua 2:11

Rẹ avwanre ghwe vwo nyo, udu rẹ avwanre da wran, udu de nẹ avwanre awọ, fiki wẹn, kidie Ọrovwohwo Ọghẹnẹ wẹn ọye Ọghẹnẹ rọ hẹ obenu rẹ odjuvwu kugbe obotọ rẹ akpọ na.

Joshua 2:24

Ayen da ta kẹ Joshua, Uyota Ọrovwohwo phi otọ na ejobi phihọ obọ rẹ avwanre nure; ọ rọ marho udu re bru ihwo na gangan fiki rẹ avwanre.

Joshua 2:8

Tavwe rẹ ayen ki rhi shevwerhẹ, o de yeri okpo na bru ayen ra,

Joshua 5:1

Ọke rẹ ivie rẹ ihwo rẹ Amọr ejobi re hẹ obo ovrẹn ri Jọdan vwẹ abọ rẹ obuko ọnre, kugbe ivie rẹ ihwo ri Kenan re dia kẹrẹ oma rẹ Abadi na, vwo nyo nẹ Ọrovwohwo ri ru ame ri Jọdan kpọ yamu rere ihwo rẹ Izrẹl yan wan otọ ọyaya vrẹn, udu rayen da wran, udu gbi rhe ayen awọ-ọ, fiki rẹ ihwo rẹ Izrẹl.

Joshua 6:2

Ọrovwohwo da ta kẹ Joshua, Nighere, mi phi Jeriko phihọ owẹ obọ, kugbe ovie rọye vẹ egba ri yivwaro vwọ.

Joshua 9:10

kugbe obo ro ru kẹ ivie rẹ Amọr ivẹ re hẹ obo ovrẹn ri Jọdan, Sihọn ovie ri Hẹshbọn, kugbe Ọg ovie rẹ Bashan, rọ dia Ashtarọt.

Joshua 9:24

Ayen da kpahe kẹ Joshua, Fikiridie a tarọ kẹ idibo wẹn gbagba nẹ Ọrovwohwo Ọghẹnẹ wẹn ji urhi kẹ Mosis odibo rọye nẹ ọye vwẹ otọ na ejobi kẹ, nẹ ọ rha ghwọrọ ihwo re dia otọ na ejobi no kakare, oshọ rẹ arhọ rẹ avwanre kọye ri mu avwanre, vwọ ru emu nana.

Joshua 9:9

Ayen da ta kẹ, Orho oshesheri ọye idibo wẹn nurhe, fiki rẹ odẹ rẹ Ọrovwohwo Ọghẹnẹ wẹn; kidie avwanre nyo usi rọye, kugbe obo ro ruru vwẹ Ijipt,

Iguẹdjọ 7:14

Otu rọye na da kpahe kẹ nẹ, Ọnana dia emu ọfa-a ẹkẹvuọvo ọlọkọ ri Gidiọn ọmọ ri Joash, ọshare rẹ Izrẹl na, obọ rọye Ọghẹnẹ phi Midian kugbe otu ofovwi na ejobi phihọ.