Joshua 2:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Etiyin ovie ri Jeriko de ji ikọn re se Rehab, tanẹ, Reyọ ihwo ri rhi wọn uwevwi wẹ na rhe vwe; kidie ayen rhe guọnọ otọ rẹ otọ na.

Joshua 2:3 Iomraidhean Croise

Jẹnẹsis 38:24

Kirẹ emeranvwe erha ka rhe ta ki Juda nẹ, Tamar rẹ aye rẹ ọmọ wẹn gbe igberadja; kidie ọ wan igberadja na mrevun Juda da ta, Reyọ rhe rere a torhẹ hwe.

Jẹnẹsis 42:31

Ẹkẹvuọvo avwanre da ta kẹ, Avwanre ihwo rẹ uyota, avwanre dia igborhugborho-o;

2 Samuẹl 10:3

Ẹkẹvuọvo isun rẹ Ammọn da ta kẹ Hanun rovwayen, Wo rori nẹ, fikirobọ ri Devid vwo ji ihwo rhi bru we uche na, kọ vwẹ ọghọ kẹ ọsẹ wẹn? Ọ dianẹ Devid ji idibo rọye rhe re guọnọ otọ rẹ orho na, re ọ dọrhe rọye, re ọ rhe kua?

2 Samuẹl 17:20

Ọke rẹ idibo rẹ Absalọm vwo te uwevwi rẹ aye na, ayen. da ta, Tivọ Ahimaaz vi Jonatan epha? Aye na da ta kẹ ayen nẹ, Ayen shariẹ urhẹn vrẹn. Ọke rẹ ayen vwọ guọnọ ayen gbe rha mrẹ aye-en, ayen de rhivwi kpo Jerusalẹm.

1 Ikun rẹ Ivie 19:3

Ẹkẹvuọvo isun rẹ Ammọn da ta kẹ Hanun, No rori ni Devid ji ihwo rhi bru we uche, ku wo rori nẹ Devid vwẹ ọghọ kẹ ọsẹ wẹn? ọ dianẹ idibo rọye rhere rhe guọnọ otọ wẹ re vwọ mrẹ asan rhi phi we kua?

ỌBE RẸ JOB 21:30

nẹ ohwo-umwemwu sa va abọ vwẹ ẹdẹ rẹ ukpokpogho, re de sivwo rhọ vwẹ ẹdẹ rẹ ophu?

Livitikọs 24:14

Reyọ ọ rọ harhe ekan na ne evun rẹ erhọn na; rere ihwo ri nyoro na ejobi ghwe abọ kpahe uyovwi rọye, rere wo jẹn ukoko rẹ ihwo na ejobi reyọ ibieragha vwo phio.

Iyẹnrẹ Esiri ri Jọn 19:4

Pailet da rhoma ro otafe, ọ da ta kẹ ayen, Nighe, me reyọ vwo rhe ovwan, rere ovwan vwọ riẹn nẹ me mrẹ oruchọ ọvuọvo vwẹ oma rọye-e.

Iruo rẹ Iyinkọn na 12:4

Re vwo muo nu, o de phio phihọ uwodi, ọ da vwọ kẹ isodje ihwe gbẹ esan yọnre rere ayen sẹro rọye, bẹsiẹ ra vwọ re orẹ rẹ Ewanvrẹn nu rere a ke vwọ phia kẹ ihwo na.

Iruo rẹ Iyinkọn na 12:6

Vwẹ ason yena ri Herọd vwọ jẹ iroro rere ọ reyọ nẹ uwodi na rhe, yi Pita herọ vwerhẹ vwẹ uherevie rẹ isodje ivẹ vẹ ejọnrọn ivẹ ra vwọ kanrọ, yẹ erhẹrotọ hẹ anurhoro vwẹ obo otafe re rhẹrẹ uwodi na.

Joshua 10:23

Ayen de ru ọtiọye, ayen da reyọ ivie iyori na nẹ unu rẹ ẹmwa na vwo rhe, ovie ri Jerusalẹm, ovie ri Hebrọn, ovie ri Jarmut, ovie ri Lakish, kugbe ovie rẹ Eglọn.

Joshua 2:2

A da rhe vuẹ ovie ri Jeriko, Kighere, ihwo rẹ Izrẹl evo rhe etinẹ vwẹ ason na rhe guọnọ otọ rẹ otọ na.

Joshua 2:4

Ẹkẹvuọvo aye na da reyọ ihwo ivẹ na o de si ayen nu; ọ da ta, Uyota, ihwo evo bru vwe rhe, ẹkẹvuọvo me riẹn asan rẹ ayen nurhe-e;

Iguẹdjọ 4:20

Ọ da ta kẹ aye na nẹ, Mudia vwẹ anurhoro rẹ utughẹ na, kọshare kọshare da rhe nọ wẹ nẹ, ohwo ọvo etinẹ? Wọ Me tanẹ, Ẹjo.