Joshua 2:19 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁹ Ọ da dianẹ ohwo ọvo wan anurhoro na ro evun rẹ urhuvwu, ọbara rọye kọ dia uyovwi rọye, ye avwanre gbe re abe-e; ẹkẹvuọvo obọ de te ohwo rọ vẹ ovwan gba hẹ evun rẹ uwevwi na, ọbara rọye kọ dia uyovwi rẹ avwanre.

Joshua 2:19 Iomraidhean Croise

2 Samuẹl 1:16

Devid da ta kẹ, Ọbara wẹn dia enu rẹ uyovwi wẹn; kidie unu wẹn ọvo se oseri hwe we, wọ vwọ tanẹ mi hwe ohwo rẹ Ọrovwohwo vwo ru ovie.

2 Samuẹl 4:11

Mavọ ọ rho te rẹ ihwo umwemwu de hwe ohwo ọvwata vwẹ evun rẹ uwevwi rọye vwẹ ehwa rẹ obọ rọye? Me gbe reyọ ọbara rọye vwẹ obọ rẹ ovwan? mi gbi si ovwan nẹ otọ rẹ akpọ na?

1 Ivie 2:32

Ọrovwohwo che krun oghwa rẹ uruemu rẹ ọbara ro ruru na nyẹ uyovwi, fikiridie, ọ vuẹ ọsẹ mẹ Devid tavwe rọ ke de vwẹ ọlọkọ hwe eshare ivẹ re dia ọvwata nọ ekpuyovwi rọye, Abna ọmọ ri Nẹr, onotu rẹ ofovwi rẹ Izrẹl, kugbe Amasa ọmọ ri Jẹtẹr, onotu rẹ ofovwi ri Juda.

Ẹyano 12:13

Ọbara na kọ cha dia oka kẹ wẹ, vwẹ enu rẹ uwevwi rẹ ovwan epha, ọke me da mrẹ ọbara na, ke me wanvrẹn wẹ, emiavwe ọvuọvo gbi che te we rọ guọghọ owẹ-ẹ, ọke re Me da rhe ghwiẹ otọ rẹ Ijipt na.

Ẹyano 12:22

Reyọ ekru rẹ ahworhẹ re wo duvwo phihọ ọbara na rọ hẹ oze na, wo vwo te ophapha rọ obenu rẹ anurhoro na vẹ ọ rẹ akakọ rọye; we jẹn ohwo ọvuọvo vrẹn nẹ anurhoro rẹ uwevwi na ruẹ afe-e bẹsiẹ rẹ urhiọke vwo te.

Ẹyano 12:23

Fikiridie Ọrovwohwo cha wanvrẹn re hwe ihwo rẹ Ijipt na; ọke rọ da mrẹ ọbara na vwẹ ophapha rọ obenu vẹ ọ rẹ akakọ rẹ anurhoro na, Ọrovwohwo me shariẹ ẹchẹ yena vrẹn, ọ gbe rhọvwe nẹ ọguọghọ na vwẹriẹ iwevwi wẹn re hwe we-e.

Livitikọs 20:11

Ọshare ro du aye rẹ Ọsẹ rọye, yọ mrẹ ẹban rẹ Ọsẹ rọye; ke hwe ọ ve aye na, ọbara rayen kọ dia uyovwi rayen.

Livitikọs 20:9

Kidie ohwo kohwo ejobi rọ harhe ọsẹ eyẹ oni rọye ke hwe kufia; Ọ harhe ọsẹ vẹ oni rọye, vwẹ otiọye na ọbara rọye kọ dia uyovwi rọye.

Matiu 24:17

E jẹn ohwo rọ hẹ enu rẹ uwevwi wotọ cha reyọ emu ọvuọvo nẹ uwevwi na-a.

Iruo rẹ Iyinkọn na 18:6

Ọke rẹ ayen vwọ phra vwo djekan, o de tuetue iwun rọye ọ da ta kẹ ayen, Ọbara rẹ ovwan dia iyovwi rẹ ovwan! Abọ mẹ fonro. Kẹ ọke na yanran ki mi bru ihwo ri Keferi ra.

Iruo rẹ Iyinkọn na 20:26

Vwe ọtiọye me se oseri kẹ ovwan nonẹ na nẹ abọ mẹ pha fuanfon kpahe ọbara rẹ ovwan ejobi.

Iruo rẹ Iyinkọn na 27:31

Pọl da ta kẹ olotu rẹ ujori na kugbe isodje na, Jokpa nẹ ihwo nana daji okọ na-a, ovwan cha sa rhọ-ọ

Filipae 3:9

ra mrẹ vwẹ vwẹ evun rọye, ọ dianẹ ki mi rhe vwo ọvwata rẹ obọ mẹ, ro nẹ oma rẹ urhi rhe-e, ẹkẹvuọvo ọ rọ wan esegbuyota vwẹ evun ri Kristi rhe, ọvwata ro nẹ obọ rẹ Ọghẹnẹ rhe fiki rẹ esegbuyota;

Hibru 10:29

Ki bro ehwe ọbrabra we rori nẹ e hwe ohwo na ro ni Ọmọ rẹ Ọghẹnẹ na saka, ro de rhe gbe ọbara rẹ ọphọ na ra vwọ hworhẹ fon na ẹgua, rọ da rha kpare ophu rẹ Erhi rẹ ẹserọphẹ na?

Joshua 2:12

Asakiephana, gbe duvwu iyori kẹ vwẹ, Vwẹ odẹ rẹ Ọrovwohwo nẹ kirobo me nabọ serọ rẹ ovwan na, ku wa je nabọ sẹro rẹ uwevwi rẹ ọsẹ mẹ, re wa kẹ vwẹ oka ro muẹro.

Joshua 2:14

Eshare na da ta kẹ, Arho rẹ avwanre me vwo wene kẹ ovwan! Wo rha vwẹ umẹ nana gbẹ iku-un, avwanre ke nabọ sẹro wẹn dẹndẹn. Vwẹ ọke rẹ Ọrovwohwo da vwẹ otọ na kẹ avwanre.

Joshua 2:20

Ẹkẹvuọvo wọ da vẹn ume nana rẹ avwanre vẹ owẹ rere na, yẹ iyori nana rẹ avwanre vẹ owẹ duvwuru na gbi mu avwanre-e.