Joshua 2:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Asakiephana, gbe duvwu iyori kẹ vwẹ, Vwẹ odẹ rẹ Ọrovwohwo nẹ kirobo me nabọ serọ rẹ ovwan na, ku wa je nabọ sẹro rẹ uwevwi rẹ ọsẹ mẹ, re wa kẹ vwẹ oka ro muẹro.

Joshua 2:12 Iomraidhean Croise

Jẹnẹsis 21:23

Vwẹ etinẹ na gba vwẹ Ọghẹnẹ duvwu iyori nẹ wo shenyẹ vwẹ ekueku eyẹ ọmọ mẹ eyẹ uvwiẹ mẹ, ẹkẹvuọvo obo re Me vwẹ obo tete uwe na, eriyin wo ji ru kẹ vwẹ kugbe otọ nana ru wọ diare jovwo na.

Jẹnẹsis 24:3

ke Me vwo owẹ duvwu iyori vwẹ odẹ rẹ Ọrovwohwo Ọghẹnẹ rẹ odjuvwu vẹ akpọ, ne wọ sa reyọ aye rọ dia ọmọtẹ rẹ ihwo ri Kenan, re Me dia uherevie ayen na, vwọ kẹ ọmọ mẹ-ẹ,

Jẹnẹsis 24:9

Etiyin odibo na de phi obọ phihọ ekpoghowọ rẹ Ebraham rẹ onini rọye o de duvwu iyori fiki rẹ ota nana.

Jẹnẹsis 40:14

Ẹkẹvuọvo karo ovwẹ, ọke ro de yovwi kẹ wẹ, re wo ji ru ẹse na kẹ vwẹ, Me rẹ wẹ, re wọ fan odẹ mẹ ki Fero, re o si vwẹ nẹ uwevwi nana.

2 Ikun rẹ Ivie 36:13

Ọ se mukpahe Ovie Nẹbukadreza, rọ nẹrhẹ vwẹ odẹ rẹ Ọghẹnẹ duvwu iyori; o de ohọre rọye ghaghagha o de ru udu kpohro kẹ Ọrovwohwo, Ọghẹnẹ rẹ Izrẹl.

Ẹsta 8:6

Komavọ mi se vwo odiri vwọ mrẹ ukpokpogho ro bru ihwo me cha na.

Ẹyano 12:13

Ọbara na kọ cha dia oka kẹ wẹ, vwẹ enu rẹ uwevwi rẹ ovwan epha, ọke me da mrẹ ọbara na, ke me wanvrẹn wẹ, emiavwe ọvuọvo gbi che te we rọ guọghọ owẹ-ẹ, ọke re Me da rhe ghwiẹ otọ rẹ Ijipt na.

Jerimaya 12:16

Ọke che te, ọ da dianẹ ayen vwẹ erhiọri yono idjerhe re ihwo mẹ, rẹ ayen da vwẹ odẹ mẹ ve ive tanẹ, Obo rẹ Ọrovwohwo epha na, ọtiobo rẹ ayen yono ihwo mẹ vwọ reyọ odẹ ri Baal vwo duvwu iyori na, ke me bọn ayen phihọ uherevie rẹ ihwo mẹ.

Iyẹnrẹ Esiri ri Mak 14:44

Asakiepbana ọ rọ vwẹrọ rẹ odọvwe na vwẹ oka kẹ ayen, tanẹ, Ohwo kohwo re me cha fiọnfiọn unu, yẹ ọye, ovwan muo, re e suo yanran dẹndẹn.

Ọbe ri Pọl si rhe Ihwo ri Rom 1:31

jiroro evwo, jesegbuyota evwo, jẹguọnọ evwo, jaruẹdọn evwo.

1 Timoti 5:8

Ohwo rọ rha kọn okọn phihọ otọ kẹ imoni rọye-e, marho kẹ ekru rohọ rọye, yọ yọnrọn esegbuyota na-a yẹ ohwo yena hra nọ ohwo ro ji segbuyota-a.

Jems 2:13

Kidie ohwo ro ni arodọvwẹ-ẹ ọ je cha mrẹ arodọvwẹ vwe ọke re de brorhiẹ rọye-e.

Joshua 2:13

Wo ji sivwi ọsẹ mẹ vẹ ọni mẹ, iniọvo mẹ re eshare vẹ e rẹ emetẹ, kugbe obo rẹ ayen vwori ejobi, rere wo si avwanre nẹ ughwu.

Joshua 2:18

Nighere, ọke rẹ avwanre da rhe otọ na, ku wo churu ufi rẹ isene na mu evakpo ru wo da lọrọ avwanre rhe otọ na, ku wọ reyọ ọsẹ wẹn vẹ oni wẹn rhe uwevwi wẹn, iniọvo wẹn rẹ eshare ejobi, kugbe evwruwevwi rẹ ọsẹ wẹn ejobi.

Joshua 2:19

Ọ da dianẹ ohwo ọvo wan anurhoro na ro evun rẹ urhuvwu, ọbara rọye kọ dia uyovwi rọye, ye avwanre gbe re abe-e; ẹkẹvuọvo obọ de te ohwo rọ vẹ ovwan gba hẹ evun rẹ uwevwi na, ọbara rọye kọ dia uyovwi rẹ avwanre.

Joshua 6:22

Joshua da ta kẹ ihwo ivẹ ri re dorhẹ rẹ otọ na, We kpo uwevwi rẹ igberadja na, rere wa reyọ aye na rhe, kugbe ihwo ro vwori ejobi, kirobo ru we duvwu iyori vwọ ke na.

Joshua 9:15

Joshua vẹ ayen da rhuẹrẹ kugbe, ọ vẹ ayen da re ọphọ rere o je ayen dia; isun rẹ ihwo rẹ ukoko na de duvwu iyori kẹ ayen.

Iguẹdjọ 1:24

Orhẹn na da mrẹ ọshare ọvo ro nẹ orere na cha, ayen da ta kẹ nẹ, Biko, dje idjerhe ra wa ruẹ orere na kẹ avwanre, rere avwanre ni arodọvwẹ kẹ we.

1 Samuẹl 30:15

Devid da ta kẹ, Ku wo se sun vwe bru usun rẹ ihwo na? Ọ da tanẹ, Gba vwẹ Ọghẹnẹ duvwu iyori kẹ vwẹ, tanẹ wo hwe vwe-e, nẹ wọ rhoma mu vwe kẹ onini mẹ-ẹ, ki mi sun we bru ayen ra.